Matiu 3:1 - O̩TAKADA O̩LA O̩JO̩ 1970

¹ Oñ adiko le̩ Jo̩n, kʼi ache baptism, lewa atakoya ef ajetachi ane̩ Judia.

Matiu 3:1 ပူးပေါင်းရင်းမြစ်များ

Luku 1:76

Oñ uwe̩ ge̩, o̩ma-i, ma adʼuwe̩ ko̩ akache̩ e-O̩jo̩ Chamachala, todu uwe̩ adʼo̩gba eju Ondu alo, kʼe̩ ñwʼo̩na-wñ che;

Matiu 11:11

Ami, naka ñwu me̩ kakini, I nʼe̩ne̩ du kʼi kwane̩ ef abo kʼabobule̩ bi kʼi tu Jo̩n kʼi che baptism le n. E̩ne̩ kʼi muda nya ojane̩ e-efojale tʼowñ le.

Mark 1:15

E̩gba-wñ jo̩ me̩, o̩da onu ojane̩ O̩jo̩ me̩rane̩; me̩ ribeda ku me̩ ke̩do̩no Uche̩nyo̩.

Matiu 16:14

Oñ ma kakini, Aboʼka aka ki Jo̩n kʼi ache baptism le̩; abo iche̩ka ka kʼE̩laija; abomune̩ ojoji ojoji la ka ku Je̩re̩maya, cho̩kpo̩ni e̩ne̩ʼka ef amakache̩.

E̩wñ kʼAme̩nukpuche̩ Che 1:22

akwʼe̩gba baptism e-Jo̩n gbogbo wʼo̩jo̩ ku ma mʼowñ gba tʼate̩ bʼuwa te̩ le̩, kʼi mud e̩nibe̩nu udajikwane̩-wñ manyʼawa.

Luku 7:24

Oñ abu kʼamonuche̩ Jo̩n kwo bʼo̩mo̩ te̩, i chane̩ eka o̩la Jo̩n ñw o̩wo̩-amone̩ le̩ kakini, E̩wñ me̩ dufu nyʼaje̩tachi ago le̩ taa? Ikpo e-kʼafu amiejo ofo?

Matiu 11:7

Abu kʼabo le̩ alo Jisus chane̩ ekʼo̩la Jo̩n ñw o̩wo̩ amone̩ le̩. I kakini, E̩wñ me̩ dufu nyʼaje̩tachi ago le̩? Ikpo kʼafu ofo amiejo?

Matiu 3:8

Todule̩ ame̩ ki rʼe̩ro kʼi chʼeju ibe erida.

Matiu 21:32

Todu Jo̩n wʼugbo me̩ lʼo̩na o̩kpakpa, me̩ la ke̩do̩nʼo̩la-wñ n; amagbo̩kane̩ kpʼamajo̩ko̩ muda ke̩do̩nʼo̩la-wñ. Abu ku me̩ la li, me̩ jumama ubiane̩-i ku me̩ ke̩do̩nʼo̩la-wñ n.

Amakajo̩ 1:16

Oñ abo o̩lo̩pu e̩ne̩ Ken, ana Mose̩s le̩, la kwʼewo e-oli ki dab e̩kpe̩ le̩ alebo̩ abo Juda nyʼaje̩tachi Juda, owñ chʼe-kʼi dʼo̩wo̩ o̩pata o̩gane̩ Arad le̩; taku ma nyʼadodo ef amone̩ le̩.

Jo̩shua 14:10

Fai, e̩ go ke, Jihofa la fejute̩ mi kʼu deju o̩do̩ o̩gbo̩ meji nyoke me̩lu-i alu kʼi ka le̩, owñ chʼakwe̩gba ki Jihofa kʼo̩la le̩ ñwu Mose̩s, gbogbo abu kʼabo Israe̩l nalule̩ ef aje̩tachi le̩; fai, e̩ la go, o̩do̩-mi jo̩ o̩gbo̩ me̩le̩ nyoke me̩lu eñini-i.

1 Amonu 2:34

Taku Be̩naya o̩ma Jiho̩yada, mute̩gu nyʼo̩mo̩, oñ i lewa bʼo ma, i la mʼu du kpa; taku ma mʼowñ du ji ef unyi-wñ onugo aje̩tachi.

Mark 1:2

Owñ chʼalu ku ma ko̩ ef o̩takada Aizaya akache̩ kakini, Go, nakpe̩ onuche̩-mi uche̩ tʼo̩gba-we̩, owñ ache o̩na-we̩;