Matiu 27:32 - O̩TAKADA O̩LA O̩JO̩ 1970

³² Oñ abu ku ma dufu alo ma fʼe̩ne̩ Sairiniʼka li, odu-wñ ko̩ Saimon; ma fʼe̩ne̩ le̩ mu todu kʼi nʼoli uku Jisus.

Matiu 27:32 ပူးပေါင်းရင်းမြစ်များ

Mark 15:21

Oñ ma gwo̩nyʼe̩ne̩ʼka kʼi kwʼoko awa lale o̩mo̩ todu kʼi ne̩ oli uku-wñ. Odu e̩ne̩ le̩ ko Saimo̩n, abo Sairini, ata Ale̩ksanda kpai Rufo̩s.

Luku 23:26

Tak abu ku ma dʼowñ alo, ma gwo̩nyu Saimo̩n oka kʼi chʼe̩ne̩ Sairini kʼi kwo egbili awa, oñ ma mʼoli uku le̩ du nʼowñ oji kʼi ne̩ tu Jisus ubi.

Matiu 16:24

Taku Jisus ka ñw amako̩che̩-wñ kakini, Iche̩wñ ki dʼe̩ne̩ du e̩do̩ kʼi tʼumi ubi, i ki fʼaire̩ o̩la-wñ re̩, kʼi la mʼoli uku-wñ du, kʼi tʼumi ubi.

E̩wñ kʼAme̩nukpuche̩ Che 6:9

Ama abo iche̩ka ef unyi ujeju ku ma do̩ kʼAbo Libe̩rta-ini kpʼabo Sairini kpʼabo Ale̩kisandria kpʼabo ku ma kwo Silisia kpai Esia kwane̩ ku ma bo̩ Stifan jiñwa.

E̩wñ kʼAme̩nukpuche̩ Che 2:10

Tʼabo Frigia kpai Pamfilia, kpai Ijipti kpai ojane̩ Libia ugbo ki te̩ kado Sairini, kpai abononojo Rom ku ma gugu emi, tʼamaJu tʼabo ku ma tefu-ma,

E̩wñ kʼAme̩nukpuche̩ Che 13:1

Amakache̩ kpʼamakone̩wñ la jʼef ujeju abudo̩ Ondu Antio̩k; ama che Barnabas kpai Simeo̩n ku ma do̩ ko̩ Naija kpai Lukio̩s e̩ne̩ Sairini kpai Mane̩e̩n ku ma nʼowñ kpai He̩ro̩d kʼi je̩ Te̩trak le̩ gba kpai So̩l.

E̩wñ kʼAme̩nukpuche̩ Che 11:20

Ama iche̩ka jʼefu-ma ku ma chʼaboke̩le̩ Saipro̩s kpʼabo Sairini, abu kʼabo le̩ mugudu nyʼAntio̩k ma ño̩ ko̩la ñw amaGrik ge̩, ma nʼUche̩nyo̩ Ondu Jisus aje̩ru ma.

Jo̩n 19:17

Tak i nʼoli uku-wñ ñw o̩la-wñ alo tʼugbo ku ma do̩ kʼuña Akokoloji, e-ku ma do̩ alu Hibru ko̩ Go̩lgo̩ta;

1 Amonu 21:13

Tak aboke̩le̩ meji, ku ma chʼame̩nebili, lewa gugu o̩gba-wñ. Oñ ame̩nebili le̩ gbʼijali nyʼu, Nebo̩t ma gbanyʼu le̩, eju amone̩, kakini, Nebo̩t ko̩ O̩jo̩ kpʼonu. Taku ma mʼu du kwʼef ewo dufu oñ ma kʼokuta ro̩ dʼo kʼi ku.

Abo Lifai 4:12

owñ chʼo̩gbo̩dudu o̩kokuno̩ le̩, i ako kwef uru dufu tʼugbo ki de̩ hiolo, ugbo ku ma kʼelulu dajo̩, oñ i anʼuna fʼu gujo o̩j iji; ugbo ku ma kʼelulu dajo̩ o̩mo̩ ma agujo.

1 Amonu 21:10

Taku me̩ kʼame̩nebili meji gugu o̩gba-wñ, kʼama ki gbʼijali nyʼu, kakini, Uwe̩ ko̩ O̩jo̩ kpʼonu. Taku me̩ ki mʼowñ du kwʼef ewo dufu ku me̩ kʼokuta ro̩ dʼo kʼi ku.

Abo Lifai 4:21

Tak i adʼo̩kokuno̩ le̩ kwef uru dufu, kʼi gʼu jo alu kʼi gu o̩kokuno̩ ejodudu le̩ jo; e-le̩ chʼiche̩bo̩ adure todu abujeju le̩.

Abo Lifai 4:3

i la che̩wñ kʼi chʼatama ku ma bʼekpo tʼoji kʼi dure, kʼi fʼudu fa wa abʼoji amone̩ le̩ ma, e̩gbale̩, i ki dʼo̩mo̩kokuno̩ kʼi mufu, wa ñwu Jihofa kʼi mud e̩wñ iche̩bo̩ adure tod edure kʼi dure le̩.

E̩wñ kʼAme̩nukpuche̩ Che 7:58

Oñ abu ku ma fʼu rikpolo kwef ewo le̩ tʼo̩do̩da, ma rʼokuta dʼo̩; ame̩nibenu le̩ʼ la kʼe̩wñ o̩la-ma jʼane̩ e̩re̩ o̩ko̩lobiaʼka ku ma dʼodu-wñ ko̩ So̩l.

Matiu 5:41

e̩ne̩ kʼi la achʼe̩ atʼe̩ne̩ le kʼe̩ lebʼo̩ imailiʼka, e̩ lebʼo̩ eji.