Matiu 24:47 - O̩TAKADA O̩LA O̩JO̩ 1970

⁴⁷ Ami, naka ñwu me̩ kakini, I adʼadu le̩ dago kʼi mud adejute̩ idu-wñ chaka.

Matiu 24:47 ပူးပေါင်းရင်းမြစ်များ

Matiu 25:23

Odu-wñ ka ñw u kakini, I nyo̩! uwe̩, adu ki nyo̩ kʼi achubi one̩. E̩ chubi-mi ef e̩wñ re me̩, nadʼuwe̩ dago kʼe̩ nʼo̩da e̩wñ wewe; mugudu wʼef uyo̩ odu-we̩ ke.

Matiu 25:21

Odu-wñ ka ñw u kakini, I nyo̩! uwe̩, adu ki nyo̩ ki achubi one̩. E̩ chubi-mi ef e̩wñ re me̩, nadʼuwe̩ dago kʼe̩ nʼo̩da e̩wñ wewe; mugudu wʼef uyo̩ odu-we̩ ke.

Luku 12:37

Amadu kʼodu-ma lewa ali abu ku ma jʼagwe̩ke̩ adide gbede; ami naka ñwu me̩, ka kʼowñ adʼe̩wñ lʼago o̩la-wñ de, oñ i aje̩ ñwu ma chekukane̩ ku ma jʼe̩wñ, i la awʼugbo ma i ache e̩wñ ñwu ma.

Luku 12:44

Ochochi, naka ñw me̩ kakini, Owñ akʼe̩wñ du ki ne̩ nyʼu o̩wo̩.

O̩la E̩bite 21:7

E̩ne̩ ki du aje̩ e̩wñ-i ogu, oñ nachʼO̩jo̩ ñw owñ, tak owñ acho̩ma ñw mi.

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

2 Timoti 2:12

Iche̩wñ kʼa fe̩do̩ lichij, mak a ñʼabʼo̩ jʼonu ge̩. Iche̩wñ kʼa arʼaire̩, owñ le̩ ñʼarʼaire̩-wa ge̩.

Luku 19:17

Oñ i ka ñw u kakini, I nyo̩ gbe̩, uwe̩, adu ki nyo̩; todabu kʼe̩ chubi mi ef e̩wñ ki nya, uwe̩ ki nʼo̩da ewo me̩gwa.

1 Pita 5:4

Tak e̩gba ku ma mʼagboji amadidala du tejugede, ame̩ agba uloko e-ojima e-ki ma cha n.

Jo̩n 12:26

Iche̩wñ kʼe̩ne̩ du ache e̩wñ ñw omi, i ki natʼumi ubi; tak ugbo kʼomi de̩, o̩mo̩ e̩ne̩ ki ache e̩wñ ñwu mi ñʼade̩ ge̩; iche̩wñ kʼe̩ne̩ du ache e̩wñ ñwu mi, Ata-mi abumʼo̩.

Danie̩l 12:3

Abo ku ma kʼone̩ ibe la afane̩ gbaa alu kʼagbagba ojale ate̩-i de̩ gbaa; oñ abo ku ma rʼone̩ wewe da tʼo̩na o̩kpakpa adab ilawo ogbegbele̩ nyile̩wa.

Ita, Ita 14:35

Onu ali adu ki ache e̩wñ ibe ibe eju, i muda lo̩furʼe̩ne̩ ki ache e̩wñ anyo̩.

Matiu 24:46

Adu kʼodu-wñ lewa ke̩re̩bʼo̩ ef e̩wñ le̩ eche gbede.

Matiu 24:48

I muda che̩wñ kʼadu ki bie̩ne̩ aka ef e̩do̩-wñ kakini, Odumi akpo̩kpe̩ ewa;