Matiu 23:9 - O̩TAKADA O̩LA O̩JO̩ 1970

⁹ Me̩ ki la do̩ e̩ne̩ du kʼata ane̩-ile̩-i n, todu e̩ne̩ʼkate do̩mo̩ kʼi chʼata-me̩, owñ chʼe̩ne̩ kʼi dʼefojale le̩.

Matiu 23:9 ပူးပေါင်းရင်းမြစ်များ

1 Jo̩n 3:1

Me̩ go alu kʼufe̩do̩ kʼAta che ñw a de̩, todu kʼama ki do̩ wa kʼamo̩ma O̩jo̩; abe̩le̩ a de̩. Lef e-le oñ ile̩ ma amʼawa n, ukpe̩ kʼi ma mʼowñ n.

Abo Hibru 12:9

Ubile̩ ge̩ a nʼamata-wa e-o̩re̩la ku ma kʼuwa o̩la oñ a diba ñw ma; i dukpe̩ kʼa fʼo̩la-wa kamuhite̩ tule ñw Ata amafu kʼa adeju n?

Malakai 1:6

O̩ma adojima ñw ata-wñ, adu la ache ñw odu-wñ; mak iche̩wñ kʼomi chʼata one̩, ugbo ojima-mi de̩ ke? I la che̩wñ kʼomi chʼodu, ugbo ailo-mi ku ma ra de̩? Jihofa ki nʼe̩wñ du ako̩la ñwu me̩, ame̩ amatama, ku me̩ dʼodu-mi rʼibe̩te̩. Oñ me̩ kakini, Ugbo oñ awa dʼodu-we̩ rʼibe̩te̩ ke?

Matiu 7:11

Todule̩ iche̩wñ kʼame̩ ku me̩ chʼame̩ne̩bibi chema e̩wñ e̩nyo̩ edu ñw amo̩ma-me̩, Ata-me̩ kʼi dʼefojale adʼe̩wñ ki nyo̩ ñw abo ku ma bi owñ tule n?

1 Abo Ko̩rint 4:15

Todu dagba me̩ chaka nʼabo icham icham ku ma kʼume̩ o̩la efu Kraisti, me̩ muda nʼata wewe ge̩ n; todu omi fʼume̩ bi efu Kraisti Jisusi lef Uche̩nyo̩ le̩.

2 Abo Ko̩rint 6:18

tak u nachʼAta ñw me̩, tak ame̩ achʼamo̩ma e̩ne̩ke̩le̩ kpʼonobule̩ ñw mi, Ondu Odobao̩gagu ka-i.

E̩wñ kʼAme̩nukpuche̩ Che 22:1

Aboke̩le̩ amo̩maye-mi kpʼamata-mi, me̩ nagbʼomu-mi kʼu naka ñw me̩.

2 Amonu 2:12

E̩laisha la fʼu li, oñ i kwa kakini, Ata-mi, ata-mi, o̩kogu e-Israe̩l kpʼamanya-wñ de̩! Oñ i ño̩ li owñ ge̩ n. Tak i gwonyʼe̩wñ o̩la-wñ onugo, oñ i fʼu fana meji.

Matiu 6:32

Todu abo uche̩ichi jʼafeju e̩wñ-i du; todu Ata-me̩ e-efojale chema ka kʼeku e̩wñ le̩ du aku me̩.

2 Amonu 13:14

E̩gbale̩ o̩ga ki adu E̩laisha kpa lewʼo̩la-wñ me̩; taku Joash, onu Israe̩l gwo̩ru wʼugbo-wñ, oñ i raku abʼo ma, i kakini, Ata-mi, Ata-mi, o̩kogu Israe̩l kpai amananya-wñ ge̩!

2 Amonu 6:21

Tak e̩gba kʼi fʼuma li onu Israe̩l ka ñw E̩laisha kakini, Ata-mi, u kpa ma? U kpa ma?

Matiu 23:10

Ma ki la do̩ me̩ ko̩ ame̩nuto̩gba n, todabu kʼAtʼume̩ o̩gba chʼoka, owñ che Kraisti le̩.