Matiu 22:15 - O̩TAKADA O̩LA O̩JO̩ 1970

¹⁵ E̩gbale̩ amaFarisi le nanyojuju alu ku ma ale ku ma je̩ ñw u dʼo̩la tinyo̩ ku ma mʼu.

Matiu 22:15 ပူးပေါင်းရင်းမြစ်များ

Eli Eko̩ DʼO̩jo̩ 2:2

Amonu ile̩ kʼo̩la-ma dojo̩, kʼabo̩da jʼabʼo̩la-ma lʼo̩la nyu Jihofa kpai e̩ne̩-wñ kʼi fʼekpo ba tʼo̩ oji le̩ o̩la? ma kakini,

Eli Eko̩ DʼO̩jo̩ 59:3

Todu, go, ma kpala jo̩anedeonugo-mi me̩; amagbiti kʼo̩la-ma jeju nyʼumi. I la chʼutodu ada kʼu je̩ n i la chʼutodu adure e-mi n, O Jihofa,

Abo Hibru 12:3

Todu ame̩ ki fʼibe alu kʼi fe̩do̩lichi ugbo o̩la kʼame̩nadure ka nyʼowñ o̩la ñwa, tode̩gba kʼo̩la-me̩ ada ki fʼonugo-me̩ hia.

Je̩re̩maya 20:10

Todu u gbo̩ abu kʼamone̩ wewe achakpabie̩ mi ye̩ye̩. E̩wñ ubailo dʼugbo tʼugbo du. Ka waa, awa la aka, ame̩nure̩do̩-mi du kʼama jʼaneju uwane̩-mi ka le̩. Ikani a neke gbʼo̩ ibe tak a afʼu du, kʼa fʼache̩ o̩la-wa na ugbo-wñ.

Je̩re̩maya 18:18

Taku ma kakini, Lewa kʼa ñwa Je̩re̩maya e̩ñwa, todu uko̩-o̩la la atakpa rʼamatama efu n, ohi o̩la la atakpa rʼamanibe efu n, o̩la la atakpa rʼamakache̩ efu n. Lewa, kʼa nʼukpalu-wa kpʼo̩, kʼa la we enyʼo̩la-wñ du eti.

Aizaya 29:21

ku ma kpʼone̩ abi tod o̩la ki fʼo̩ alu, ku ma la bʼoku ne te̩ anede e̩ne̩ ki adʼo̩la biu one̩ alaku le̩, ku ma la nʼe̩wñ o̩wai rʼo̩kpakpa da.

Eli Eko̩ DʼO̩jo̩ 57:6

Ma fʼiga fa te̩ tod e̩re̩-mi me̩; onugo-mi buke. Ma fʼura gwa te̩ o̩gba-mi me̩, ama onugo la muñwa tʼalumeji-wñ. Sila.

Eli Eko̩ DʼO̩jo̩ 41:6

I la che̩wñ kʼi lewa fejudo mi, e̩wñ o̩wai i aka, e̩do̩-wñ aya e̩wñ ibe̩te̩ jo̩ ñw o̩la-wñ; i le dufu, i adʼu ka.

Matiu 12:14

AmaFarisi muda ledufu oñ ma fʼabo̩hiala do̩ jeju ku ma lʼo̩la nyʼu alu ku ma ale ku ma akpʼo̩ tinyo̩.

1 Abo Ko̩rint 7:35

E̩wñ kʼu naka-i chʼutodu kʼi nʼile ñw me̩; i chʼutodu kʼu nʼoku te̩ ñw me̩ n, chai todu ki chʼeju-wñ ñw me̩ ku me̩ jo̩ ñw Ondu ki we enʼe̩wñ kʼi afa me̩ tʼemi tʼemi.