Matiu 21:34 - O̩TAKADA O̩LA O̩JO̩ 1970

³⁴ Oñ e̩gba kʼadiko e̩ro-wñ me̩rane̩ i fʼamadu-wñ kpuche̩ nyʼugbo amaluche̩ le ku ma gbʼe̩ro-wñ wa.

Matiu 21:34 ပူးပေါင်းရင်းမြစ်များ

Aizaya 5:4

E̩wñ bo̩ kʼomi ma che ñw uche̩ achiwebe̩te̩ma-mi n? e̩gba kʼu neju ka kʼi arʼe̩ro achiwebe̩te̩ma, e̩wñ chi kʼi rʼe̩ro achiwebe̩te̩ma bibi ta?

Matiu 22:3

Tak i fʼamadu-wñ kpuche̩ nyʼado̩ abo kʼi nye̩ka ñwu ma wʼugbo iyawo le̩. I la dʼuma e̩do̩ ku ma wa n.

Je̩re̩maya 35:15

Omi laño̩ fʼamadu-mi amakache̩ chaka kpe̩ rʼume̩, etakpa omi takpa kwane̩ akpe̩ ma, kakini. E̩ne̩ne̩ne̩ne̩ ki nadabi bʼo̩na-wñ ki bie̩ne̩ te̩, me̩ nache e̩wñ ki nyo̩, me̩ ki la tʼamo̩jo̩ omune̩ ubi ku me̩ re̩ ma n, tak ame̩ agugu oj ane̩ kʼomi du ñwu me̩ kpʼamata-me̩. Me̩ muda hi eti-me̩ wane̩ n, me̩ la netirʼo̩la-mi n.

Matiu 21:35

Tak abu kʼamaluche̩ le̩ gwo̩nyʼamadu-wñ, ma fʼoka kpigbe, ma fʼoka kpa, ma la fʼokuta ro̩ dʼoka.

Matiu 21:38

Abu kʼamaluche̩ le̩ muda li o̩ma-wñ ma ka ñw o̩la-ma kakini, E̩ne̩ ki aje̩ e̩wñ ogu-i de̩. Me̩ lewa, kʼa mʼu du kpa, tak a anʼe̩wñ ogu-wñ.

Matiu 21:40

Todule̩, e̩gba kʼodu uche̩ achiwebe̩te̩ma le̩ lewa, ab i ache amaluche̩ le̩ taa?

Matiu 21:41

Ma ka ñw u kakini, Ame̩ne̩bie̩ne̩ le̩, i akpa ma rinyo̩ bie̩ne̩ bie̩ne̩, tak i adʼuche̩ achiwebe̩te̩ma le̩ nyʼamaluche̩ omune̩ o̩wo̩, abo le̩ akʼe̩ro-wñ ñw u iko iko-wñ.

Mark 12:1

Tak i chane̩ eko̩la ñwu ma ef ita. E̩ne̩ʼka luche̩ achiwebe̩te̩ma, i fʼo̩gba bunyʼu lede, i fʼura gwa tod aguo̩ko̩lo̩ omi achiwebe̩te̩ma-wñ, i la fʼakpata ro̩, oñ i mudu nyʼamaluche̩ o̩wo̩; tak i le tʼoj ane̩ omune̩.

Mark 12:7

Ama amaluche̩ le̩ ka ñw o̩la-ma kakini, E̩ne̩ ki ajogu ata-wñ de̩; me̩ lewa kʼa mʼu du kpa, tak e̩wñ ogu le̩ amud e-wa.

Mark 12:9

Mak e̩wñ odu uche̩ achiwebe̩te̩ma le̩ ache taa? I awa kpʼamaluche̩ le̩ rinyo̩, kʼi adʼuche̩ achiwebe̩te̩ma le̩ ñw abomune̩.

Luku 20:9

Tak i chane̩ ekpʼita kide̩ ñw amone̩ le̩ kakini, E̩ne̩ ʼka fʼuche̩ achiwebe̩te̩ma lo, oñ i mʼu du nyʼamaluche̩ o̩wo̩, tak i le tʼane̩ omune̩ kʼi kpo̩kpe̩ nana o̩mo̩.