Matiu 2:4 - O̩TAKADA O̩LA O̩JO̩ 1970

⁴ Tak i fʼamagboji amatama kpai amako̩takada amone̩ do̩ jeju, oñ i tene ugbo ma ugbo ku ma abi Kraisti.

Matiu 2:4 ပူးပေါင်းရင်းမြစ်များ

E̩wñ kʼAme̩nukpuche̩ Che 23:9

Tak i mud ukwa lile lile jo̩, oñ abu kʼamako̩takada iche̩ka e-o̩wo̩ amaFarisi kwane̩ dago ma chane̩ ejuja kakini, A li e̩wñ e̩bie̩ne̩ du o̩la e̩ne̩ kide̩ n; iche̩wñ kʼafuʼka abe̩k onuche̩ O̩jo̩ ko̩la ñw u fa?

E̩wñ kʼAme̩nukpuche̩ Che 6:12

Taku ma fʼamone̩ dogo kpʼabogijo kpʼamako̩takada, oñ ma wa banʼo, ma fʼowñ mu ma la mʼu du wʼugbo abo̩hiala,

Matiu 21:23

Tak abu kʼi wʼef unyi O̩jo̩ kʼi do̩mo̩ ako̩ ma e̩wñ, amagboji amatama kpʼabogijo amone̩ lewʼugbo-wñ kakini, O̩da e̩wñ e̩ nʼache e̩wñ-i? E̩ne̩ la dʼo̩da kide̩ ñwe̩?

Matiu 7:29

todu i ako̩ ma dabe̩ne̩ kʼi nʼo̩da, i la dab amako̩takada e-ma n.

E̩wñ kʼAme̩nukpuche̩ Che 4:5

I lewa, o̩jo̩ñwa-wñ, ame̩nuto̩gba-ma kpʼabogijo kpʼamako̩takada wa jʼugbo kate Je̩rusale̩m;

Jo̩n 18:3

Todule̩ abu ku Judas mʼuche̩ amiso̩jaʼka kpai abimo̩to̩ kwʼo̩wo̩ amagboji amatama kpai amaFarisi gba, i nʼomutula kpai e̩mu kpai e̩wñ ido̩na ogu awa o̩mo̩.

Jo̩n 8:3

Tak amako̩takada kpʼamaFarisi mʼonobule̩ʼka ku ma mu ef o̩ko̩ eje̩ du wʼugbo-wñ; abu ku ma mʼowñ du dago alumeji,

Jo̩n 7:32

AmaFarisi gbo̩ abu kʼo̩wo̩-amone̩ dʼo̩la-wñ te̩ ajeñmini, abe̩-i; tak amagboji amatama kpai amaFarisi fʼabimo̩to̩ kpe̩ wa ku ma fʼu mu.

Jo̩n 3:10

Oñ Jisus dohi ka ñw u kakini, Uwe̩ chʼe̩ne̩ ki ako̩ abo Israe̩l e̩wñ, e̩ la ma ofe e̩wñ-i n?

Luku 23:10

Tak amagboji amatama kpʼamako̩takada dago agwajo̩ nʼowñ kpa kpa kpa.

Luku 20:19

Tak amako̩takada kpai amagboji amatama feju ku ma ko o̩wo̩ nyʼowñ o̩la ef auwa kide̩ gbage̩de̩; ma la railo amone̩; todu ma chema ka kʼugbo ma oñ i kpʼita kide̩.

Je̩re̩maya 8:8

Abile ku ma ka kakini, Awa chenʼibe, uko̩-o̩la Jihofa la dʼugbo-wa taa? E̩ la go, iko olemi e-amako̩takada mʼu du chʼolemi me̩.

Mark 8:31

Tak i chane̩ e̩ko̩ ma kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada añwʼowñ ka kʼinyo̩ n, ku ma la fʼu kpa, o̩jo̩ me̩ta tak i adajikwane̩.

Matiu 27:1

Oñ abu kʼo̩jo̩ ñwa, amagboji amatama chaka kpai abogijo amone̩ le̩ fʼojuju nyi nyu Jisus, todu ku ma dʼowñ kpa.

Matiu 26:47

Oñ abu kʼi nʼo̩la le̩ aka ta, go, Judas, kʼi chʼe̩ne̩ʼka ef amame̩gweji le̩, lewa; o̩wo̩ amone̩ ku ma nʼugbada kpai ugbolo la darʼo̩ ubi; ugbo amagboji amatama kpai abogijo amone̩ le̩ ma kwo wa.

Matiu 26:3

E̩gba le̩ amagboji amatama kpai abogijo amone̩ le̩ jeju jʼanuku agboji amatama kʼodu-wñ ko̩ Kayafas;

Matiu 21:15

Oñ abu kʼamagboji amatama kpʼamako̩takada fʼe̩wñ aye kʼi che li, kpʼabimo̩to̩ ku ma jʼef unyi O̩jo̩ akwukwa kakini, Hosana ñw O̩ma Defid, i bi ma eju.

Matiu 13:52

Oñ i ka ñwu ma kakini, Lef e-le̩ ako̩takada du kʼi ko̩che̩ e̩wñ ojane̩ efojale dab one̩ kʼi chʼe̩ne̩fe̩nyi kʼi ako e̩wñ etito̩ kpʼe̩wñ igbele kwef e̩wñ akoko-wñ jo̩.

Malakai 2:7

Todu i dukpe̩ kʼuko atama ki gwo̩nyʼe̩wñ ema, kʼama ki tene uko̩-o̩la le̩ alu-wñ; todu, owñ chʼonuche̩ Jihofa ki nʼe̩wñ du.

Eli Eko̩ DʼO̩jo̩ 2:2

Amonu ile̩ kʼo̩la-ma dojo̩, kʼabo̩da jʼabʼo̩la-ma lʼo̩la nyu Jihofa kpai e̩ne̩-wñ kʼi fʼekpo ba tʼo̩ oji le̩ o̩la? ma kakini,

Nihe̩maya 12:7

kpai Salu kpai Amo̩k kpai Hilkaya kpai Je̩daya. Abo-i chʼabo ki tʼo̩gba ef amatama kpai amo̩maye-ma iko Je̩shua.

E̩zra 10:5

Tak E̩zra kwane̩, oñ i je̩ ñw amagboji amatama, kpai abo Lifai, kpai abo Israe̩l chaka go̩ ka kʼama ache teju o̩la le̩. Abe̩le̩ ma fu go̩.

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

2 Iko Iko E̩wn 36:14

Anoji e-le̩ ge̩, abo ku ma doji dufu ef amatama chaka kpai amone̩ le̩ fʼada je̩ atʼe̩wñ ihie̩ne̩ abo uche̩ ichi ubi tabale; ma la fʼunyi Jihofa kʼi je̩ ñw u fo̩ Je̩rusale̩m o̩mo̩ daji.

2 Iko Iko E̩wn 34:15

Taku Hilkaya mʼohi du, oñ i ka ñwu Shefan, ako̩takada, kakini, Omi fʼo̩takada uko̩-o̩la li ef unyi Jihofa. Taku Hilkaya mʼo̩takada le̩ du ñwu Shefan.

2 Iko Iko E̩wn 34:13

Ama ño̩ nʼo̩da abo ku ma nʼadu ge̩, oñ ma fejutʼabo du ku ma chʼuko̩lo̩, alu du kʼe̩wñ ku ma che de̩; oñ abo Lifai iche̩ka chʼamako̩takada, iche̩ka chʼamo̩male̩, iche̩ka la chʼamadona.

Matiu 2:3

Tak abu kʼonu He̩ro̩d gbo̩, e̩do̩ ñwañwala je̩ ñw u kpai o̩chaka abo Je̩rusale̩m-i n.

Matiu 2:5

Oñ ma ka ñw u kakini, Be̩tle̩he̩m e-Judia; todu abe̩le̩ ma ko̩ lef akache̩ kakini,