Matiu 2:2 - O̩TAKADA O̩LA O̩JO̩ 1970

² Ugbo e̩ne̩ ku ma bi kʼi chʼonu amaJu de̩? todu a li awo-wñ o̩wo̩ olodudu oñ a wa adojikane̩ ñw u-i.

Matiu 2:2 ပူးပေါင်းရင်းမြစ်များ

Ekaluka 24:17

U cheli owñ, i muda chʼabajo̩-i n; ego nagʼo, i muda me̩ru anane̩ n: Awo akwʼefu Jeko̩b wa, okute̩ la akwane̩ kwef Israe̩l; i akpo̩ Moab fo̩ gbogbo wa kad alo-wñ me̩le̩, i la agu amo̩ma ekuku le̩ lo̩ wane̩ chaka.

Je̩re̩maya 23:5

Go, o̩jo̩-wñ awa, Jihofa aka-i, e̩gba kʼomi adʼE̩pa o̩kpakpa kwane̩ ñwu Defid, tak owñ le̩ ajʼonu, i la ache e̩wñ ibeibe, i la ache e̩wñ tʼeju alu kʼoj ajo̩ ku ma dute̩ ka, kpai e̩wñ o̩kpakpa oj ane̩-i.

O̩la E̩bite 22:16

Omi, Jisus, fʼonuche̩-mi kpe̩ wa kʼi gba e̩wñ-i ibenu ñw me̩ tod ujeju ujeju abudo̩-mi. Omi chʼili kpʼe̩pa Defid, kpʼawina kʼi afane̩ odudu le̩.

Ze̩karaya 9:9

E̩ nagwoguyo̩ nana, uwe̩ o̩monobule̩ e-Zayo̩n! Fʼo̩ga chi, uwe̩ o̩monobule̩ e-Je̩rusale̩m! Go, onu-we̩ awʼugbo-we̩ me̩; e̩no̩kpakpa i che, owñ la nʼujadu, e̩no̩bata i che; i tanʼo̩ke̩ke̩te̩ awa, owñ chʼo̩ma kʼo̩ke̩ke̩te̩ bi.

Aizaya 60:3

Oñ abo uche̩ichi uche̩ichi agbe̩re̩ ugane̩-we̩, amonu la agbe̩re̩ ukwane̩-we̩ ki ada ñañaña.

Jo̩n 18:37

Todule̩ Pailati ka ñw u kakini, Mak onu we̩ che ke? Jisus dohi kakini, Uwe̩ ka kʼu chʼonu. Todu e-kide̩ ma bi mi, tod e-kide̩ oñ u lewʼef ile̩, todu kʼu gbʼochochi ibenu. E̩ne̩ du kʼe̩te̩-wñ chʼochochi agbʼomu-mi.

Abo Hibru 1:6

Oñ e̩gba du kʼi ño̩ dabi dʼO̩ma o̩gba le̩ dabi wʼef ile̩ ugbo du kʼone̩ te̩ kade-i, i kakini, Amonuche̩ O̩jo̩ du ki nadojikane̩ ñw u.

Luku 23:38

Oñ olubutu ku ma ko̩ ño̩ dʼoji-wñ ate̩ kakini, Onu amaJu de̩-i.

Luku 23:3

Taku Pailat tʼowñ ene kakini, Uwe̩ chʼOnu amaJu? Oñ i dohi ñw u kakini, Uwe̩ ka-i.

Eli Eko̩ DʼO̩jo̩ 2:6

Alu du ki de̩ omi mʼonu-mi du jo̩fe̩ oj uwo-mi Zayo̩n kiafo̩ me.

Jo̩n 5:23

todu kʼe̩ne̩ du ki bumʼO̩ma alu ku ma bumʼAta. E̩ne̩ ki ma bumʼO̩ma n abumʼAta e-ki kpʼo̩ wa n.

Jo̩n 1:49

Natanie̩l dohi ñw u kakini, Rabai, Uwe̩ che O̩ma O̩jo̩; uwe̩ chʼOnu Israe̩l.

Luku 19:38

ma kakini, Ekele ma kele Onu kʼi awa ef odu Ondu; ure̩do̩ ki dʼefojale kpai ojima ate̩ ate̩.

Luku 2:11

todu ma fʼE̩najadu bi ñwu me̩ ewo Defid eñini-i, owñ che Kraist Ondu.

Je̩re̩maya 30:9

Ma muda are̩ Jihofa O̩jo̩-ma kpai Defid onu-ma, kʼomi adʼu kwane̩ todu ma.

Eli Eko̩ DʼO̩jo̩ 45:11

abe̩le̩ tak onu añeju alifia-we̩. Todu owñ chʼodu-we̩, e̩ ki dojikane̩ ñw u;

Jo̩n 9:38

Oñ i kakini, Nake̩do̩no, Odu-mi. Tak i dojikane̩ ñw u.

Jo̩n 19:19

Oñ Pailati ño̩ kʼorubutu ujiwe-wñ, i la mʼu du gamʼoj oli uku le̩. Oñ olubutu kʼi ko̩ kakini, JISUS ABO NAZARE̩T, ONU AMAJU.

Jo̩n 12:13

ma mʼima oli ki dab e̩kpe̩ ko, ma la kwodufu nyʼaledʼo, taku ma kpogu kakini, Hosana! Ekele ma kele e̩ne̩ ki alʼef odu Ondu wa, owñ la chʼOnu Israe̩l.

Matiu 27:11

Abe̩le̩ Jisus dago o̩gba igo̩bina le̩; oñ igo̩bina tʼowñ ene kakini, Uwe̩ chʼOnu amaJu? Oñ Jisus ka ñwu kakini, Uwe̩ ka-i.

Jo̩n 20:28

To̩mas dohi oñ i ka ñw u kakini, Ondu-mi kpʼO̩jo̩-mi.

Matiu 21:5

Me̩ ka ñw o̩ma Zayo̩n e-onobule̩ kakini, Go, Onu-we̩ awʼugbo-we̩-i; i de̩ chikimi, i la tanʼoji o̩ke̩ke̩te̩, kpʼoj o̩ma e̩la kʼi anʼadu.

Matiu 2:3

Tak abu kʼonu He̩ro̩d gbo̩, e̩do̩ ñwañwala je̩ ñw u kpai o̩chaka abo Je̩rusale̩m-i n.