Matiu 2:11 - O̩TAKADA O̩LA O̩JO̩ 1970

¹¹ Tak abu ku ma mugudu tef unyi ma fʼo̩ma kekele le̩ li kpai Me̩ri, iye-wñ, oñ ma lewa bʼane̩ ma adojikane̩ ñw u. Taku ma mʼe̩wñ akoko-ma tu, ma kʼo̩jamalia, kpai o̩bia frankinse̩ns kpai otulale mur chʼowñ ele.

Matiu 2:11 ပူးပေါင်းရင်းမြစ်များ

Aizaya 60:6

O̩wo̩ aminyakulumi ake̩che̩ wa bʼe̩ ma, owñ chʼamo̩manyakulumi e-Midian kpai E̩fa; abo Shiba chaka awa. Ma akʼo̩jamalia kpai frankinse̩ns wa, ma la añwulo̩ Jihofa.

Eli Eko̩ DʼO̩jo̩ 72:10

Amonu Tarshish kpai amonu ala ala akʼe̩wñ ele wa, amonu Shiba kpai Seba akʼe̩wñ ire̩ wa!

Luku 2:16

Oñ ma hiane̩ alo, ma fu Me̩ri kpai Jose̩f li, kpʼo̩me̩kpa abu kʼi dachi ef akpati uje̩wñ ame̩wño̩re̩.

Matiu 2:2

Ugbo e̩ne̩ ku ma bi kʼi chʼonu amaJu de̩? todu a li awo-wñ o̩wo̩ olodudu oñ a wa adojikane̩ ñw u-i.

Eli Eko̩ DʼO̩jo̩ 95:6

O lewa, kʼa te̩kpe̩ kʼa dojikane̩, a ki danyeku o̩gba Jihofa, Acho̩na-wa le̩!

Eli Eko̩ DʼO̩jo̩ 72:15

Owñ la adeju, oñ ma akʼo̩jamalia e-Shiba wa ñw owñ! Ma la achaduwa ñw u o̩ko̩ko̩lo̩, ma akadua ñw u gbogbo dʼo̩jo̩!

1 Amonu 10:2

Oñ i lewa Je̩rusale̩m, abo-wñ ku ma darʼo̩ ubi tabale, kpʼaminyakulumi ku ma nʼadu e̩wñ ido̩ro̩ kpʼo̩jamalia nana otemeje kpʼokuta akoko; tak e̩gba kʼi lewʼugbo So̩lo̩mo̩n, i fʼo̩la du ki dʼe̩do̩-wñ ka jane̩ ñw u.

Ekaluka 7:14

uko̩de̩ o̩jamaliaʼka alu she̩ke̩l me̩gwa, kʼi chʼe̩ko̩ ñw e̩wñ ki akpo;

O̩la E̩bite 19:10

Tak u lewane̩ o̩gba e̩re̩-wñ kʼu dojikane̩ ñw u. Tak i ka ñw mi kakini, Nago e̩ ki che n: omi chʼe̩ne̩ kʼomi kpʼuwe̩ kpʼamo̩maye-we̩ ku ma nʼo̩la ibenu Jisus chʼadu, e̩ ki dojikane̩ ñw O̩jo̩. Todu afu ache̩ ku ma ka le̩ chʼo̩la ibenu e-Jisus.

Matiu 14:33

Oñ abo ku ma jʼef o̩ko̩ le̩ dojikane̩ ñw u, kakini, Ochochi, O̩ma O̩jo̩ uwe̩ che.

O̩la E̩bite 5:8

Tak e̩gba kʼi mʼubuku le̩ gba ame̩wñ iñmi me̩le̩ le̩ kpʼabogijo ogu nyoke me̩le̩ le wane̩ o̩gba O̩mala le̩, e̩ne̩ne̩ne̩ne̩-ma nʼumolo kpʼugba ajamalia ki che̩ko̩ ñw e̩wñ ki akpo, e-le̩ chʼadua abo kiafo̩.

Luku 2:38

Oñ abu kʼi lewa bano ma iko auwa kʼa ka-i, i dago aje̩nyʼO̩jo̩, oñ i nʼo̩la-wñ aka ñw abo du ku ma jʼaneju adiko e̩gba ku ma agba Je̩rusale̩m tane̩.

1 Samiue̩l 10:27

Ama amo̩ma ebili iche̩ka kakini, Ab e̩ne̩-i ale kʼi ajadu wa? Oñ ma chʼe̩de̩te̩ ñw u, ma la dʼe̩wñ ele wa ñw u n, i muda fʼeti chʼo̩hialigbo̩ e-le̩.

Ekaluka 7:86

uko̩de̩ o̩jamalia me̩gweji kʼi chʼe̩ko̩ ñw e̩wñ ki akpo le̩, okoka-wñ che she̩ke̩l me̩gwa, alu ku she̩ke̩l uña kiafo̩ de̩, o̩chaka o̩jamalia e-uko̩de̩ le̩ che she̩ke̩l o̩gbo̩ me̩fa;

Abo Lifai 6:15

Tak e̩ne̩ʼka-ma adʼe̩ko̩ o̩wo̩ʼka kwef omu te̩ke̩te̩ke̩ e-e̩wñ ele le̩, manyʼekpo-wñ kpai frankinse̩ns ki dʼoji e̩wñ ele le̩ chaka, kʼi la fʼe-le̩ gujo oj ubo̩ iche̩bo̩ kʼi kpo ru Jihofa, kʼi chʼukpe̩ urewa-wñ.

Akwodufu 30:34

Taku Jihofa ka ñwu Mose̩s kakini, Mʼe̩wñ ido̩ro ki akpo ko, owñ che stakte̩ kpai onicha kpai gal-ba-num, e̩wñ ido̩ro̩ ki akpo le̩ manyu frankinse̩ns ki de̩ hiolo, (e̩ñwa e̩le̩ e̩le̩-wñ achʼokujo̩)

Abakwane̩ 43:11

Tak ata-ma, Israe̩l, ka ñwu ma kakini, Iche̩wñ kʼi adʼabe̩le̩ tila mak e̩wñ ku me̩ che de̩-i; me̩ mʼe̩ro o̩me̩me̩le̩ ane̩-i ko nyʼefu akpulu-me̩, ku me̩ muko nyʼo̩gane̩ ache e̩ne̩ le̩ ele, o̩bia bam pe̩, kpai iño̩ pe̩, e̩wñ ido̩ro̩ kpai otulale mur, kpai e̩yo̩ oli ku ma je̩, kpai almond.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Eli Eko̩ DʼO̩jo̩ 45:8

mur kpai alos kpai kasia dʼe̩wñ o̩la-we̩ chaka. Umolo ku ma jʼanu ef unyi ku ma nʼenyi adagba ko̩ le̩ je̩ ñw e̩do̩-we̩ bo̩;

Eli Eko̩ DʼO̩jo̩ 2:12

Me̩ ki dʼalu kʼO̩ma le̩ alu tode̩gba kʼi awe̩do̩, kʼame̩ la lenyo̩ ej o̩na; todu uwe̩do̩-wñ atajo faifai. Abo du ku ma chubiyʼo̩ gbede.

1 Amonu 10:10

Tak i mʼo̩jamalia tale̩nt o̩gbo̩ me̩fa ko ñw onu kpʼe̩wñ ido̩ro̩ nana nana kpʼokuta okuta akoko; ma ño̩ kʼe̩wñ ido̩ro̩ e̩kute̩ wa alu kʼonu onobule̩ Shiba ko wa ñw onu So̩lo̩mo̩n le̩ ge̩ n.

Akwodufu 30:23

Uwe̩ ki mʼe̩wñ ido̩ro̩ e-o̩me̩me̩le̩ ko: e-mur kʼi chʼomi kʼi chʼalu she̩ke̩l oli me̩gwa, e-sinamo̩n ki akpo ki chʼukpe̩reji alu le̩, owñ chʼoli me̩lu, e-kalamus ki akpo ki chʼalu she̩ke̩l oli me̩lu,

Eli So̩lo̩mo̩n 3:6

E̩ne̩ kwʼaje̩tachi awa-i? dab odudu una ki akwane̩ dago tuu, kʼotulale mur kpai frankinse̩ns che̩ta nyʼu o̩la, manyu poda amachinyama ojoji du?

Matiu 1:18

Oñ alu ku ma bi Kraisti la de̩ kakini, Abu ku ma mʼiye-wñ Me̩ri du kpe̩ Jose̩f, o̩gba taku ma wa dama kpʼo̩la-ma, ma li abu kʼi defu lugbo Afu Kiafo̩.

Matiu 2:10

Oñ abu ku ma fʼawo le̩ li, eyo̩ ku ma yo̩ i nana tabale̩.

Matiu 12:46

Abu kʼu do̩mo̩ ako̩la ñw o̩wo̩ amone̩ le̩ ta, go, iye-wñ kpʼamo̩maye-wñ dago o̩do̩da, ma feju eko̩la ñw u.

Jo̩n 19:39

Niko̩dimus, kʼi wʼugbo wñ odu e̩gba ejodudu le̩, ño̩ ne̩ mur kpai alos ki kpe̩gwa nyʼomune̩ e-kʼe̩bo̩ du ogu me̩lu wa.