Matiu 18:20 - O̩TAKADA O̩LA O̩JO̩ 1970

²⁰ Todu ugbo du kʼone̩ meji abe̩k e̩ta wa jo̩ tef odu-mi, u dʼalumeji-ma o̩mo̩.

Matiu 18:20 ပူးပေါင်းရင်းမြစ်များ

1 Abo Ko̩rint 5:4

Ef odu Ondu Jisus, abu ku me̩ wajo̩, ame̩ kpai afu-mi manyʼukpahiu Ondu Jisus,

O̩la E̩bite 21:3

Tak u gbo̩ omuko̩la elile kwʼefojale i kakini, Me̩ go, ebu O̩jo̩ dugbo amone̩, i la age̩ne̩ kpʼama, oñ ma achʼamone̩-wñ, O̩jo̩ onugo la adʼugbo ma kʼi chʼO̩jo̩-ma,

Matiu 28:20

me̩ nako̩ ma ku ma dejute̩ e̩wñ du kʼu fʼuko̩-wñ te̩ ñwu me̩. Me̩ la go, omi dʼugbo me̩ o̩jo̩ du gbogbo tʼukpoji o̩kpanachi-i.

Ze̩karaya 2:5

Todu omi Jihofa ka-i, omi onugo chʼaku una alʼo daka, omi laño̩ achʼojima alumeji-wñ.

Jo̩n 20:26

Abu kʼo̩jo̩ me̩jo̩ lale amako̩che̩-wñ ño̩ dabi jʼejefu. Tomas la dʼugbo ma. Abu kʼo̩na chʼe̩re Jisus lewa oñ i dago alumeji, tak i kakini, Ure̩do̩ ki chʼe-me̩.

Jo̩n 20:19

Todule̩ e̩gba kʼane̩ lo̩ o̩jo̩ le̩, owñ chʼo̩jo̩ ejodudu ef o̩jo̩ mebie abu kʼo̩na ugbo kʼamako̩che̩ jo̩ la chʼe̩re tod ailo amaJu ki aba ma, Jisus lewa dago alumeji, oñ i ka ñwu ma kakini, Ure̩do̩ ki chʼe-me̩.

O̩la E̩bite 2:1

E̩ nako̩ rʼonuche̩ ujeju abudo̩ Ondu E̩fe̩sus, kakini, E̩ne̩ ki gwo̩nyʼawo mebie o̩wo̩-wñ awo̩to̩ kʼi tale alumeji akete agege mebie le̩, aka e̩wñ-i kakini,

Akwodufu 20:24

Uwe̩ ki bo̩ ubo̩ ike̩te̩ ñwu mi, tak uwe̩ akʼe̩wñ e̩gujo-we̩ kpai e̩wñ ure̩do̩-we̩, owñ chʼame̩wño̩re̩-we̩ egini kpai amo̩kokuno̩-we̩ wa kpa oji-wñ; ugbo du kʼu naje̩ ma rewa odu-mi, nawʼugbowe̩ oñ nade̩nyo̩ ñw e̩.

Abakwane̩ 49:10

Okute̩ akwo bo̩ Juda te̩ n, e̩ne̩ ki adʼo̩da wa akwo bʼagbagba e̩re̩-wñ te̩ n, gbogbo taku Shailo lewa; owñ le̩ oñ amone̩ du agbʼo̩la-wñ gbo̩.

Filimo̩n 1:2

kpai Afia, o̩maye-wa e-onobule̩, kpai Archipus kʼowñ kpai awa chʼiso̩ja, kpai ujeju abudo̩ Ondu ki dʼef unyi-we̩:

1 Te̩s 1:1

Po̩l kpai Silfano̩s kpai Timoti tʼugbo ujeju abudo̩ Ondu e-Te̩se̩lonaika ef O̩jo̩ Ata kpai Ondu Jisus Kraisti: ufe̩de̩nyo̩ kpai ure̩do̩ ki dʼugbo me̩.

Jo̩n 8:58

Jisus ka ñwu ma kakini, Ami, ami, naka ñwu me̩, omi do̩mo̩ taku ma bi Ebraham.

Matiu 18:21

E̩gba le̩ Pita te̩wa ka ñw u kakini, Ondu, e̩re̩ onu monu oñ o̩maye-mi adʼumi re kʼu natʼo̩ no̩ ñw u? gbogbo nyʼonu mebie?

Izikie̩l 46:10

Oñ e̩gba ku ma nyʼejefu, idachi le̩ atʼalumeji-ma gudu nyʼejefu, oñ e̩gba ku ma dufu, ma akpe̩re̩ dufu.