Matiu 18:19 - O̩TAKADA O̩LA O̩JO̩ 1970

¹⁹ Omune̩ de̩ ge̩, naka ñwu me̩ kakini, Iche̩wñ kʼalu one̩ meji ef ume̩ chʼoka ile̩-i ugbo e̩wñ du ki che ku me̩ bi, i amud e-ma kwugbo Ata-mi e-efojale.

Matiu 18:19 ပူးပေါင်းရင်းမြစ်များ

Matiu 7:7

Me̩ bi, ma la adu ñwu me̩; me̩ feju, me̩ ali; me̩ dʼo̩wo̩ kʼo̩na, ma la abi ñwu me̩.

Mark 11:24

Todule̩ naka ñwu me̩, kakini, E̩wñ du ku me̩ chadua ku me̩ bi, me̩ ke̩do̩no ka kʼame̩ mʼu gba me̩, tak e̩wñ le̩ ado̩mo̩ ñwu me̩.

Jo̩n 16:23

Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi.

Abo Filipai 1:19

Todu u chema ka kʼoji e-i achʼujadu ñwu mi lef o̩ko̩ ku me̩ agba bʼO̩jo̩ kpai ate̩ko e-Afu Jisusi Kraisti.

Matiu 21:22

Oñ e̩wñ du ki che ku me̩ abi ef adua, ku me̩ la ke̩do̩no, me̩ agba.

Jo̩n 15:7

Iche̩wñ ku me̩ gugu efu mi, kʼo̩la alu-mi la gugu efu me̩, e̩wñ du ki dʼume̩ e̩do̩ me̩ nabi, oñ i amud e-me̩.

1 Jo̩n 3:22

oñ e̩wñ du kʼa abiʼu a agba ugbo-wñ, todabu kʼa ade uko̩-wñ, kʼa la ache e̩wñ ki rʼowñ eju.

E̩wñ kʼAme̩nukpuche̩ Che 12:5

Abe̩le̩ ma fi Pita de ef unyi uga le̩. Ama ujeju abudo̩ Ondu jʼafejukparʼadua eche ñw O̩jo̩ tod uwñ.

Jo̩n 15:16

I chʼame̩ chi mi n, chai omi chi me̩, u la ko me̩ jo̩ todu ku me̩ lo ku me̩ rʼe̩ro, kʼe̩ro-me̩ le̩ ki kpo̩kpe̩; todu kʼe̩wñ du ku me̩ bi Ata ef odu-mi, kʼi nadu ñwu me̩.

E̩wñ kʼAme̩nukpuche̩ Che 1:14

Abo-i chaka nʼibe kate jʼakute̩ adua eche manyʼabobule̩ kpai Meri, iye Jisus, manyʼamo̩maye-wñ ge̩.

Matiu 5:24

mak e̩ tʼe̩wñ ele-we̩ no̩ o̩gba ubo̩ iche̩bo̩ o̩mo̩, oñ e̩ lo kʼe̩ fʼo̩la-we̩ kpʼo̩maye-we̩ ño̩ru ejodudu, tak e̩ wa kʼe̩ dʼe̩wñ ele-we̩ wa che.

E̩wñ kʼAme̩nukpuche̩ Che 6:4

Awa muda akute̩ adua kpai e̩wñ o̩lO̩jo̩ eche.

E̩wñ kʼAme̩nukpuche̩ Che 16:10

Oñ abu kʼi fʼane̩ ego le̩ li, ababale̩ a feju kʼa nyi Masidonia, a fʼo̩la le̩ lo dama ka kʼO̩jo̩ do̩ wa kʼa fʼUche̩nyo̩ je̩r uma.