Matiu 17:22 - O̩TAKADA O̩LA O̩JO̩ 1970

²² Oñ abu ku ma aletʼemi tʼemi ane̩ Galili Jisus ka ñwu ma kakini, Ma che ku ma dʼO̩ma One̩ tef o̩wo̩ amone̩ me̩.

Matiu 17:22 ပူးပေါင်းရင်းမြစ်များ

Matiu 16:21

Akwʼe̩gbale̩ Jisus chane̩ eña amako̩che̩-wñ ka kʼenyi Je̩rusale̩m e-wñ nʼechi n, kʼi ali uwa nana o̩wo̩ abogijo kpʼo̩wo̩ amagboji amatama kpʼamako̩takada, kʼekpa ma akpa, taku ma ñʼadʼu kwane̩ o̩jo̩ e̩ke̩ta-wñ.

Mark 8:31

Tak i chane̩ e̩ko̩ ma kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada añwʼowñ ka kʼinyo̩ n, ku ma la fʼu kpa, o̩jo̩ me̩ta tak i adajikwane̩.

Matiu 17:23

Ama la adʼowñ kpa, tak o̩jo̩ e̩ke̩ta-wñ ma adʼu kwane̩. Oñ e̩do̩-ma mukpabie̩ ololo ololo.

Luku 24:46

Tak i ka ñwu ma kakini, Abe̩le̩ i che̩ko̩tane̩ ka ku Kraist ali uwa kʼi lañʼakwane̩ kwef abo ki ku o̩jo̩ e̩ke̩ta;

Luku 24:26

Idukpe̩ ku Kraist ali uwa ugbo e̩wñ-i tila n? kʼi laño̩ mugudu tef ojima-wñ n?

Luku 9:22

i kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada ki laño̩ kʼo̩, ku ma ñʼadʼu kpa ge̩, tak o̩jo̩ e̩ke̩ta-wñ ma adʼu dajikwane̩ ge̩.

E̩wñ kʼAme̩nukpuche̩ Che 7:52

E̩ne̩ dʼef amakache̩ kʼamata-me̩ ma doli-wñ n? Ma la kpa abo ku ma jʼuche̩ ewa E̩no̩kpakpa rʼuma o̩gbo̩gba le̩. Owñ chʼe̩ne̩ kʼame̩ mud abo ku ma mʼowñ du ñw amone̩ mu ku me̩ laño̩ dʼu kpa fai me̩!

Matiu 26:46

Me̩ kwane̩ kʼa alo; go, e̩ne̩ kʼi mʼumi du ñwu ma mu le̩ me̩ro̩wo̩ awa-i.

Matiu 24:10

Oñ e̩gba le̩ amone̩ wewe adʼo̩la-ma hi, ma la akʼomune̩ ñw amone̩ mu, ma la achulaka omune̩.

Matiu 16:28

Ami, naka ñwu me̩ kakini, Iche̩ka jʼef abo ku ma dago emi-i ki ma nʼugbo du ku ma ñʼama alu kʼuku de̩ n, gbogbo wʼe̩gba ku ma li abu kʼO̩ma One̩ awa ef o̩da ojane̩-wñ.

1 Abo Ko̩rint 11:23

Todu omi mʼe̩wñ kʼu ño̩ du ñw me̩ le̩ gba ugbo Ondu, kakini, Ondu Jisusi mʼakala du odu o̩jo̩ ku ma mʼowñ du ñw amone̩ mu le̩,

Matiu 26:16

Oñ akwʼe̩gba le̩ i feju uña todu kʼi dʼu ñwu ma mu.

Matiu 17:9

Tak abu ku ma gwo̩ru uwo le̩ awane̩, Jisus hi uma owu kakini, E̩wñ igo ku me̩ li le̩, me̩ ki ka ñw e̩ne̩ du gbogbo wʼe̩gba kʼO̩ma One̩ kwane̩ kwef abo ki ku n.

Matiu 17:12

Omi muda aka ñwu me̩-i ka kʼE̩laija lewa me̩, ma la mejuma owñ n, oñ ma fʼe̩wñ du ki dʼuma e̩do̩ chʼo. Abe̩le̩ O̩ma One̩ ache kʼi li uwa ugbo ma ge̩.

Luku 9:43

Oñ ibe takpa rʼo̩chaka-ma efu noj e̩gahi elile e-O̩jo̩-i. Ama abu kʼo̩chaka-ma jʼayaye e̩wñ du kʼi che, i ka ñw amako̩che̩-wñ kakini,