Matiu 16:23 - O̩TAKADA O̩LA O̩JO̩ 1970

²³ Oñ i murida ka ñwu Pita kakini, Lale tʼubi-mi, Setan: e̩wñ e̩da mi hi e̩ che, todabu kʼe̩ ma dʼibe tʼe̩wñ e-O̩jo̩ n, chai tʼe̩wñ e-amone̩.

Matiu 16:23 ပူးပေါင်းရင်းမြစ်များ

Abo Filipai 3:19

ukpoji e-ma chʼelenyo̩, O̩jo̩ e-ma chʼukulu-ma, oñ ojima-ma chʼef anyo̩-ma, ibe-ma chekadʼe̩wñ ane̩ ile̩-i.

Abo Ko̩lo̩se 3:2

Ibe-me̩ ki kadʼe̩wñ ki dʼate̩, i ki kado e̩wñ oj ane̩-ile̩-i n.

Mark 8:33

Ama abu kʼi murida kʼi li amako̩che̩-wñ, i dejuru Pita, i kakini, Lale̩ tʼubi-mi, Setan, todu ibe-we̩ kadʼe̩wñ O̩jo̩ n, chai e̩wñ one̩.

Matiu 4:10

E̩gbale̩ Jisus ka ñw u kakini, Lo we̩, Setan! todu i che̩ko̩tane̩ kakini, Ondu, O̩jo̩-we̩, oñ uwe̩ adojikane̩ ñw u, owñ kate oñ uwe̩ ache.

Jo̩n 6:70

Jisus dohi ñwu ma kakini, I chʼomi chi me̩, ame̩ abome̩gweji-i n? E̩ne̩ʼka efu me̩ la chʼabulumone̩.

Luku 4:8

Taku Jisus dohi ka ñw u kakini, I che̩ko̩ tane̩ kakini, Ondu, O̩jo̩-we̩, oñ uwe̩ adojikane̩ ñw u, owñ kate oñ uwe̩ ache.

Abakwane̩ 3:17

Tak i ka ñw one̩ kakini, Todabu kʼe̩ gba omu o̩ya-we̩ gbo̩, kʼe̩ la mʼe̩ro oli kʼomi tuko̩ ñw e̩ kakini, E̩ ki je̩ n dʼu je̩ le̩, ama fʼane̩pe̩te̩ mu tod uwe̩ me̩; uwe̩ aje̩ e̩wñ kwefu-wñ kpai e̩do̩dudu o̩jo̩ du kʼudeju-we̩ kade;

Abo Rom 14:13

Todule̩ awa ki ño̩ kajo̩ omune̩ ge̩ n; e-ku me̩ muda ka de̩, kakini, One̩ ki we edʼe̩wñ uke̩re̩ abe̩k e̩wñ udahi te̩ ñw o̩maye-wñ.

1 Iko Iko E̩wñ 21:1

Taku Setan kwane̩ akobo̩ abo Israe̩l, oñ i ki Defid e̩che̩ ki fʼabo Israe̩l kaluka.

2 Samiue̩l 19:22

Taku Defid kakini, E̩wñ chʼe-mi kpai ame̩, amo̩ma Ze̩ruaya, kʼame̩ achʼame̩no̩la-mi eñini-i? Ma ñʼadu e̩ne̩ du kpa oj ane̩ Israe̩l eñini-i? Todu, omi ma ka kʼonu Israe̩l omi che eñini?

Aizaya 8:14

Owñ achʼuña kiafo̩ ñw me̩, i muda achʼokuta ewane̩ kpai apata okuta ki adʼone̩ hi ñw abo unyi Israe̩l mejeji. I achʼada kpai oku ñw abo ku ma dodo Je̩rusale̩m.

Abo Rom 14:21

I nyo̩ kʼe̩ we e̩la eje̩ kpai omi achiwebe̩te̩ma e̩ñmo̩ kpai ewe eche e̩wñ du kʼo̩maye-we̩ ake̩re̩ ef uwñ, abe̩k e-kʼi adʼo̩ hi, abe̩k e-kʼi agwe̩gbo.

Matiu 18:7

Atogwo ñw ile̩ tod e̩wñ udʼone̩ hi! Todu e̩wñ udʼone̩ hi awa chuu, i muda chʼatogwo ñw e̩ne̩ kʼe̩wñ udʼone̩ hi lʼef uwñwa.

Matiu 16:22

Taku Pita mʼowñ du, i chane̩ edejurʼu kakini, O̩jo̩ ki li ejumomi-we̩, Ondu; i nʼugbo du kʼe-le̩ ake̩re̩bʼuwe̩ n.