Matiu 16:11 - O̩TAKADA O̩LA O̩JO̩ 1970

¹¹ Abile ku me̩ ma mʼoji-wñ n kakini, I chʼo̩la uje̩wñ oñ u ka ñwu me̩-i n? Me̩ muda mʼo̩la-me̩ ne̩ ugbo o̩jo̩wu e-amaFarisi kpʼamaSadiusi.

Matiu 16:11 ပူးပေါင်းရင်းမြစ်များ

Matiu 16:6

Oñ Jisus ka ñwu ma kakini, Me̩ nago, me̩ mʼo̩la-me̩ ne̩ ugbo o̩jo̩wu e-amaFarisi kpʼamaSadiusi.

Jo̩n 8:43

E̩wñ chi ku me̩ ma moji o̩la kʼu naka n? owñ chʼutodabu ku me̩ ma neke gbo̩ o̩la-mi n.

Luku 12:56

Ame̩, ame̩nayechi! Ame̩ chema alu ku me̩ añwa eju ane̩-ile̩-i kpʼefojale go; ama abile kʼame̩ ma ma alu ku me̩ añwa iko-i go n?

Mark 8:21

Tak i ka ñwu ma, kakini, I ne̩rʼume̩ eju ta n?

Mark 4:40

Tak i ka ñwu ma, kakini, E̩wñ chi ku me̩ chʼokpo-i? Me̩ nʼe̩do̩ ekono ta n?

Matiu 3:7

Ama abu kʼi li ka kʼabo Farisi kpʼabo Sadiusi wewe awʼugbo baptism le̩, i ka ñwu ma kakini, Ame̩, amato̩ olijo! E̩ne̩ juka ñwu me̩ ku me̩ ra bʼuwe̩do̩ kʼi ache kʼi wa te̩?

Matiu 16:1

Tak amaFarisi kpʼamaSadiusi lewa ajʼo̩ ma, oñ ma tʼowñ ene kʼi dʼujiwe kwʼefojale ña ma.

Matiu 16:12

E̩gbale̩ taku ma mʼoji-wñ kakini, I chʼo̩la emune̩ ugbo o̩jo̩wu ku ma du tʼuje̩wñ n, chai ugbo uko̩ o̩la e-amaFarisi kpʼamaSadiusi.

Mark 8:15

Tak i fʼuma eti kakini, Me̩ nago, me̩ fʼo̩la-me̩ de todu o̩jo̩wu e-amaFarisi kpai o̩jo̩wu e-He̩ro̩d.

Luku 12:1

Agbagba le̩, abu kʼo̩wo̩-amone̩ icham nyʼo̩gwo̩ko̩ wewe wa jʼugbokate ku ma chane̩ edʼe̩re̩ do omune̩, i chane̩ eka ñw amako̩che̩-wñ ejodudu kakini, Ame̩ ki mʼo̩la-me̩ ne̩ ugbo o̩jo̩wu amaFarisi kʼi chʼayechi.