Matiu 15:36 - O̩TAKADA O̩LA O̩JO̩ 1970

³⁶ i mʼakala mebie kpai e̩ja egini le̩ gba, oñ abu kʼi fʼO̩jo̩ gwa i fʼu guche̩ tak i mʼu ko ñw amako̩che̩, oñ amako̩che̩ mʼu ko ñw o̩wo̩ amone̩ le̩.

Matiu 15:36 ပူးပေါင်းရင်းမြစ်များ

Abo Rom 14:6

E̩ne̩ ki adʼibe tʼo̩jo̩ʼka, mak Ondu i adʼibe tʼo̩ ñw u; oñ e̩ne̩ ki aje̩ e̩wñ, Ondu i aje̩ ñw u, oñ O̩jo̩ i agwʼo̩ ugwa-wñ; e̩ne̩ ki we̩ eje̩, mak Ondu i we eje̩ ñw u, O̩jo̩ i la agwʼo̩ kpo̩.

Luku 22:19

Tak i mʼakala du oñ abu kʼi fʼugwa-wñ gwa, i fʼu bu, oñ i mʼu du ñwu ma, kakini, E-kide̩ chʼaño̩la-mi [ku ma du chele todu me̩: me̩ che e-kide̩ kʼi chʼurewa-mi.

E̩wñ kʼAme̩nukpuche̩ Che 27:35

Oñ abu kʼi fʼe-kide̩ ka kʼi laño̩ mʼakala gba, i fʼO̩jo̩ gwa eju-ma chaka, oñ abu kʼi mʼu bu i chane̩ eje̩.

Jo̩n 6:11

Todule̩ Jisus mʼikpakpa le̩ gba; oñ abu kʼi fʼugwa-wñ gwa, i mʼu ko kpe̩ ñw abo ku ma jʼane̩; abe̩le̩ i ño̩ fʼe̩ja le̩ kpe̩ ñwu ma, alu du ki dʼuma e̩do̩ ge̩.

1 Abo Ko̩rint 10:31

Todule̩ dagba me̩ je̩, dagba me̩ ñmo̩, dagba me̩ che e̩wñ, me̩ ki chʼe̩wñ du tef ojima O̩jo̩.

1 Samiue̩l 9:13

Ababa ku me̩ mugudu wʼef ewo, ame̩ aliʼu o̩gba tak i nyʼoj otete le̩ kʼi je̩ e̩wñ; todu amone̩ jʼaje̩ e̩wñ tak i wa n, todu owñ akadua bʼe̩wñ iche̩bo̩ le̩ ma; ubi le̩ tak abo ku ma do̩ ma wa aje̩. Todule̩ me̩ nate̩gu nyʼo̩mo̩ fai; todu iko-i oñ me̩ aliʼu.

Jo̩n 6:23

(ama o̩mo̩ko̩ kwo Taibe̩rias wa ame̩ru ugbo ku ma jʼakala abu kʼOndu fʼugwa gwa le̩);

Luku 24:30

Oñ i leatu, abu kʼi chekukane̩ kʼi jʼe̩wñ kpʼama, i mʼakala du oñ i fʼugwa-wñ gwa; tak i fu bu, oñ i mʼu du ñwu ma.

Luku 22:17

Tak i mʼago gba oñ abu kʼi fʼugwa gwa, i kakini, Me̩ mʼe-kide̩ du ku me̩ kpe̩ ñw o̩la-me̩:

Matiu 14:19

Tak i ñwa ñw o̩wo̩ amone̩ le̩ ku ma chekukane̩ oj egbe oñ i mʼakala me̩lu kpʼe̩ja meji le̩ gba, i mʼeju korʼojale, i fʼaduwa-wñ che; tak i fʼakala le̩ guche̩, oñ i mʼu ko ñw amako̩che̩-wñ, oñ amako̩che̩ mʼu ko ñw o̩wo̩ amone̩ le̩.

Matiu 15:35

Tak abu kʼi ñwa ñw o̩wo̩ amone̩ le̩ ku ma chekukʼane̩,

1 Abo Ko̩rint 14:16

Cho̩kpo̩ni iche̩wñ kʼe̩ nʼafu akele O̩jo̩ abile̩ kʼe̩ne̩ ki dʼef uña o̩talaka aje̩ Ami e̩gba kʼe̩ fʼugwa gwa, todabu kʼi ma ma e̩wñ kʼe̩ ka n?