Matiu 12:18 - O̩TAKADA O̩LA O̩JO̩ 1970

¹⁸ Me̩ go, Imo̩to̩ kʼu chi ñw o̩la-mi de̩, owñ chʼE̩nufe̩do̩-mi kʼonugo-mi fʼuyo̩ li ef uwñ kpa. NadʼAfu-mi wa abʼo ma, tak i adʼoj ajo̩ o̩kpakpa ka ñw abo uche̩ichi.

Matiu 12:18 ပူးပေါင်းရင်းမြစ်များ

Aizaya 42:1

Go adu-mi, e-kʼu nagbʼo̩ ne̩ dago, e̩ne̩ kʼu chi kʼonugo-mi nʼuyo̩ ef uwñ le̩ de̩; omi dʼAfu-mi bʼo ma, i adʼajo̩ o̩kpakpa eka dufu ñw abo uche̩ichi.

Luku 4:18

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩;

E̩wñ kʼAme̩nukpuche̩ Che 10:38

alu kʼO̩jo̩ bʼAfu Kiafo̩ kpʼukpahiu ti Jisus abo Nazare̩t le̩ oji, kʼowñ la nyʼugbo du achuko̩lo̩ e̩nyo̩, kʼi laño̩ fʼo̩ga abo du kʼAbulumone̩ tʼuma ma chekpa, todu kʼO̩jo̩ dʼubi-wñ.

Jo̩n 3:34

Todu e̩ne̩ kʼO̩jo̩ kpuche̩ wa aka o̩la kʼO̩jo̩ ka; todu i adu Afu le̩ chele e̩ñwa-e̩ñwa n.

1 Pita 2:4

Me̩ ki te̩me̩rʼowñ waa, owñ le̩ kʼi chʼokuta ki deju, e-kʼamone̩ fʼu ñwa ki nyo̩ n, kʼO̩jo̩ muda chi, kʼi la chʼakoko eju-wñ.

Aizaya 52:13

Me̩ go, adu-mi ache e̩wñ ibe ibe, ma ahiʼu ne, ma adʼu kwane̩, i la adʼatate̩ tabale.

Aizaya 11:2

Tak Afu Jihofa awʼoji-wñ añmi, owñ chʼAfu ibe kpʼe-e̩wñ emʼoji-wñ, Afu ohio̩la kpai e-ukpahiu, Afu e̩wñ ema kpai e-ailo Jihofa era.

2 Pita 1:17

Todu e̩gba kʼi mʼubumo̩ kpai ojima gba ugbo O̩jo̩ Ata, abu kʼojima inaina le̩ nʼomuko̩la abe̩le̩ wa ñw u kakini, E̩ne̩-i chʼo̩ma ufe̩do̩-mi kʼomi fʼuyo̩-mi li ef uwñ.

Abo Ko̩lo̩se 1:13

Owñ le̩ mʼuwa gba kwef o̩da e̩chubi, oñ i mʼuwa ko rʼef ojane̩ e-O̩ma ufe̩do̩-wñ;

Abo Ko̩lo̩se 1:1

Po̩l, e̩nukpuche̩ Kraist Jisus lef edʼO̩jo̩ e̩do̩ ki dʼO̩jo̩ e̩do̩, kpai Timoti, o̩maye-wa,

Abo E̩fe̩sus 1:6

alu ki rʼowñ e̩do̩ kʼe̩do̩-wñ du, ku ma ki ñwulo̩ ojima e-ufe̩de̩nyo̩-wñ e-kʼi mʼu ko chʼuwa ele ef E̩nufe̩do̩ le̩.

E̩wñ kʼAme̩nukpuche̩ Che 14:27

Oñ abu ku ma lewa ku ma la fʼujeju abudo̩ Ondu le̩ do̩ jeju, ma mʼaluka e̩wñ du kʼO̩jo̩ che ugbo ma duka ñwu ma, ma ño̩ kak i mʼo̩na e̩do̩ ekono bi ñw abo uche̩ichi.

E̩wñ kʼAme̩nukpuche̩ Che 11:18

Oñ abu ku ma gbo̩-i ma chechi, ma la dʼojima ñw O̩jo̩ kakini, Mak O̩jo̩ ño̩ mʼibe-erida du ñw abo uche̩ichi ku ma tef iñmi me̩ ge̩!

Luku 23:35

Amone̩ la dago ago. Amagboji ño̩ gwʼu iñmo̩ je̩, ma kakini, I fʼabomune̩ jadu, iche̩wñ kʼe̩ne̩-i che Kraist e̩ne̩ kʼO̩jo̩ du le̩ i ki jadu o̩la-wñ ke.

Luku 9:35

Tak omuko̩laʼka ka kwʼef akpa le̩ kakini, Owñ-i chʼO̩ma-mi kʼu chi; me̩ gbʼo̩la-wñ!

Luku 3:22

tak Afu Kiafo̩ gwo̩ru wa tanʼo, año̩la-wñ dab ikede, tak omuko̩la ka kwʼefojale kakini, Uwe̩ chʼO̩ma ufe̩do̩-mi; u fʼuyo̩-mi li ef uwe̩.

Mark 9:7

Tak akpa lewa mud ebo no ma, oñ omuko̩laʼka ka kwef akpa le̩, kakini, Owñ-i chʼO̩ma ufe̩do̩-mi de̩-i, me̩ gbʼo̩la-wñ.

Mark 1:11

oñ omuko̩laʼka kwʼefojale kakini, Uwe̩ chʼO̩ma ufe̩do̩-mi, u fʼuyo̩-mi li ef uwe̩.

Matiu 17:5

Abu kʼi nʼo̩la le̩ aka ta, go, akpa kʼi afane̩ debono ma; me̩ la go, omuko̩la kwef akpa le̩ kakini, Owñ-i chʼO̩ma ufe̩do̩-mi kʼu fʼuyo̩-mi li ef uwñ; me̩ gbʼo̩la-wñ.

Ze̩karaya 3:8

Gbo̩ ta, uwe̩ Joshua agboji amatama-i, uwe̩ kpai ame̩numana-we̩ ku ma gugu o̩gba-we̩ le̩; todu ujiwe e̩wñ oñ abo-i che; todu go, omi adʼadu-mi E̩pa le̩ dufuwa.

Je̩re̩maya 16:19

O Jihofa, ukpahiu-mi kpʼaku-mi, kʼe̩ chʼokoubi-mi iko o̩bata, abo uche̩ichi uche̩ichi du awʼugbo-we̩ kwʼukpoji ukpoji ane̩-ile̩, ma la akakini, Amata-wa je̩ e̩wñ ogu du tʼo̩lemi le̩ n, e̩wñ ibe̩te̩ ki ma nʼile du efu n.

Aizaya 62:2

Tak abo uche̩ichi uche̩ichi ali o̩kpakpa-we̩, amonu du la ali ojima-we̩; ma la adʼuwe̩ odu etito̩ e-kʼalu Jihofa aka.

Aizaya 53:11

i ali e̩wñ kwef uko̩lo̩ akanya kʼonugo-wñ ache, e̩do̩-wñ abo̩; lef e̩wñ kʼi ma oñ adu-mi o̩kpakpa le̩, adʼo̩kpakpa ñw amone̩ wewe; i la achʼudu-ma.

Eli Eko̩ DʼO̩jo̩ 89:19

E̩gbale̩ uwe̩ kʼo̩la ñw e̩ne̩-we̩ ki amo̩la le̩ ef ane̩ ego oñ e̩ kakini: Omi mʼate̩ko du nʼe̩ne̩ ki gbiti oji me̩, omi mʼe̩ne̩ʼka chi kwef amone̩ le̩ dago atate̩ me̩.

Matiu 12:17

Todu kʼo̩la ku ma ka lef Aizaya akache̩ ki che̩ kakini,