Matiu 11:21 - O̩TAKADA O̩LA O̩JO̩ 1970

²¹ Atogwo ñw e̩, Ko̩raisin! Atogwo ñw e̩, Be̩tsaida! Todu, iche̩wñ kʼuko̩lo̩ ukpahiu kʼi wache ef ume̩ ma che Taya kpai Saido̩n, ma ma kʼukpo eku kpʼelulu nyʼo̩la ku ma ma ribeda kpo̩kpe̩ me̩.

Matiu 11:21 ပူးပေါင်းရင်းမြစ်များ

E̩wñ kʼAme̩nukpuche̩ Che 12:20

O̩la abo Taya kpai abo Saido̩n la chʼe̩bie̩ nyʼu e̩do̩; oñ ma falujo̩ lewʼugbo-wñ, tak abu ku ma gba Blastus ki nʼo̩da unyi olu onu ibe kʼi chʼonuku-ma, ma tʼo̩ ene kʼure̩do̩ ki dʼagbagba-ma, todabu kʼabo ojane̩-ma ali uje̩wñ je̩ ojane̩ onu le̩.

Jo̩n 12:21

todule̩ abo le̩ te̩wʼugbo Filip kʼi chʼabo Be̩tsaida e-Galili; ma la tʼowñ ene kakini, Odu-wa, i dʼuwa e̩do̩ kʼa li Jisus.

Luku 9:10

Tak abu kʼame̩nukpuche̩ mudakubi wa, ma fʼe̩wñ du ku ma che choli ñw u. Tak i mʼuma ko, ahi tʼo̩wo̩ʼka tef ewo ku ma do̩ ko̩ Be̩tsaida.

Mark 6:45

Ababale̩ i kʼamako̩che̩-wñ e̩che̩ ku ma kwotʼo̩ko̩, ku ma dʼo̩gba-wñ nyi Be̩tsaida ejudaba, gbogbo tak owñ onugo ki je̩ ñw amone̩ ki tinyo̩ le̩ lo.

Matiu 15:21

Taku Jisus kwʼo̩mo̩ oñ i le rʼo̩wo̩ Taya kpai Saido̩n.

Job 42:6

todule̩ nahihie̩ne̩ o̩la-mi-i, ibe-mi rida, oñ u tʼef ebutu kpʼelulu-i.

O̩takada ki kwʼo̩wo̩ Jud 1:11

Atogwo ñwu ma! Todabu ku ma mʼo̩na Ken du, ma laño̩ mʼo̩la-ma darʼef ila Belam ku ma rʼo̩me̩ ñwu ma, oñ ma lenyo̩ rʼef iñwa Ko̩ra.

Jo̩n 1:44

Filip la chʼabo Be̩tsaida, ewo Anduru kpai Pita le̩.

Luku 6:17

Tak owñ kpʼama mugwo̩ru wa, oñ i kwodago ugbo ki de̩ te̩e̩le̩, tak o̩wo̩ amako̩che̩-wñ lile kpai ugwe̩ko̩ amone̩ wewe ki kwo Judia du kpai Je̩rusale̩m kpʼo̩lʼomi ane̩ Taya kpai Saido̩n ku ma wa ku ma gbʼo̩la-wñ, todu kʼi ño̩ fʼuma o̩ga chekpa.

Mark 8:22

Taku ma lewa Be̩tsaida. Oñ ma dʼafejuʼka wʼugbo-wñ, ma la gbo̩ko̩bʼowñ kʼi do̩wo̩kadʼo.

Mark 7:31

Oñ i ño̩ kwʼalo̩me̩ Taya le ge̩, I legu Saido̩n du wa ohimini Galili, i lalegu ane̩ De̩kapo̩lis du.

Mark 3:8

Tak abu kʼugwe̩ko̩ amone̩ gbʼinabali e̩wñ du kʼi che, ma kwo Judia kpai Je̩rusale̩m kpʼIdumea kpʼejudaba Jo̩rdan, kpai ane̩ ki le Taya kpai Saido̩n daka wʼugbo-wñ.

Matiu 18:7

Atogwo ñw ile̩ tod e̩wñ udʼone̩ hi! Todu e̩wñ udʼone̩ hi awa chuu, i muda chʼatogwo ñw e̩ne̩ kʼe̩wñ udʼone̩ hi lʼef uwñwa.

Matiu 11:22

U muda ka ñwu me̩ kakini, I ame̩ ñwu Taya kpai Saido̩n o̩jo̩ ajo̩ tʼame̩ le.

E̩wñ kʼAme̩nukpuche̩ Che 27:3

O̩jo̩ñwa-wñ a lewa mʼane̩ Saido̩n; Julius la bʼo̩wo̩ lo̩ ñw Po̩l, i je̩ ñw u nyʼugbo amonuku-wñ ku ma dejutʼo̩.

Luku 4:26

ma la kpe̩ E̩laija nyʼugbo e̩ne̩ du ef uma n, chai nyʼugbo o̩yaukuo̩ko̩ Sare̩fat ki dʼoj ane̩ Saido̩n oka.

Mark 7:24

Tak abu kʼi kwane̩ kwʼo̩mo̩ i nyʼalo̩me̩ Taya kpai Saido̩n. Oñ i gudu tef unyiʼka, i dʼowñ e̩do̩ kʼe̩ne̩ du ki ma n; i la neke maja n.

Matiu 26:24

O̩ma One̩ alo chuu, alu ku ma ko̩ o̩la-wñ tane̩. Ama atogwo ñw e̩ne̩ ku ma adʼO̩ma One̩ ñw amone̩ mu lef uwñ le̩! Ma ma bi e̩ne̩ le̩ n, i ma chʼo̩me̩me̩le̩ ñw u.

Je̩re̩maya 13:27

U fʼe̩wñ ihie̩ne̩-we̩ li me̩, owñ chʼo̩ko̩ eje̩-we̩, kpʼebe kʼe̩ be, kpʼe̩wñtuñ e-e̩wñ abutabu-we̩, o̩ko̩ eje̩-we̩, kpʼebe̩, we̩, oj otete otete oko. Atogwo ñw e̩, O Je̩rusale̩m! ab i akpo̩kpe̩ kade tak uwe̩ aje̩ ñw ma fʼe̩ gwe̩ hiolo?

Joe̩l 3:4

Ochochi, e̩wñ chʼe-mi kpai ame̩, O Taya kpai Saido̩n? kpai ane̩ Filistia chaka? Akoji e̩wñʼka me̩ du ñw mi le̩? I la che̩wñ ku me̩ adʼakoji ñw mi, omi ahika dʼakoji-me̩ le̩ dabiwa abʼume̩ onugo oji ma piopio.

Emo̩s 1:9

Abu ki Jihofa aka de̩ kakini: Tod ada me̩ta ku Taya je̩, i-i, tod e̩wñ le̩ me̩le̩, u ñʼarʼudu ku ma bu ñw u da bʼo̩ te̩ n; todabu ku ma mʼo̩gbo̩ amone̩-i du ko ñw Ido̩m, ku ma ma rewa alo amo̩maye ku ma kpe̩ le̩ n.

O̩la E̩bite 6:12

Tak u li e̩gba kʼi mʼuhiuko̩ e̩ke̩fa chi, ane̩ kwomiejo otemeje, olu la mud edudu dabe̩ne̩ kʼukpo eku ku ma nʼedudu e̩la hi; ochu odukulu la dab e̩bie̩.

O̩la E̩bite 11:3

Tak u nadu ñw ame̩nibenu-mi meji, ku ma akache̩ o̩jo̩ icham nyʼo̩gwo̩ko̩ nyʼo̩gbo̩ me̩gwe̩ta, ukpo eku adʼo̩la-ma.