Matiu 10:4 - O̩TAKADA O̩LA O̩JO̩ 1970

⁴ Saimo̩n abo Kenan kpai Judas Iskario̩t, e-kʼi mʼowñ du ñwu ma mu le̩.

Matiu 10:4 ပူးပေါင်းရင်းမြစ်များ

Matiu 26:14

Tak abu kʼe̩ne̩ʼka ef amame̩gweji le̩ kʼi kʼodu Judas Iskariot nyʼugbo amagboji amatama,

Jo̩n 13:2

Oñ abu ku ma jo̩ ajʼo̩je̩ o̩kpane̩, e̩gba le̩ Abulumone̩ mʼibe du tʼef e̩do̩ Judas e-Saimo̩n Iskario̩t todu kʼi mʼowñ du ñw amone̩ mu me̩,

Jo̩n 6:71

O̩la Judas, o̩ma Saimo̩n Iskario̩t oñ i ka-i, todu owñ, kʼi chʼe̩ne̩ʼka ef abo-me̩gweji le̩, ache ki mʼowñ du ñw amone̩ mu.

Mark 14:43

Oñ ababale̩ abu kʼi nʼo̩la le̩ aka, Judas, e̩ne̩ʼka ef amame̩gweji le̩ lewa, o̩wo̩ amone̩ nʼugbada kpʼugbolo kpe̩re̩ wa kpʼowñ, ma kwʼugbo amagboji amatama kpai amako̩takada kpai abogijo wa.

Matiu 26:47

Oñ abu kʼi nʼo̩la le̩ aka ta, go, Judas, kʼi chʼe̩ne̩ʼka ef amame̩gweji le̩, lewa; o̩wo̩ amone̩ ku ma nʼugbada kpai ugbolo la darʼo̩ ubi; ugbo amagboji amatama kpai abogijo amone̩ le̩ ma kwo wa.

Luku 22:47

Oñ abu kʼi nʼo̩la aka ta, me̩ go, o̩wo̩ amone̩ kpai e̩ne̩ ku ma do̩ ko̩ Judas kʼi chʼoka ef amame̩gweji le̩ tʼuma o̩gba, oñ i te̩me̩ru Jisus kʼi dʼalu-wñ kʼo̩ alu.

Luku 22:3

Oñ Setan mugudu tefu Judas, ku ma hiodu ko̩ Iskario̩t, owñ dʼef aluka amame̩gweji le̩.

Mark 14:10

Taku Judas Iskario̩t, kʼi chʼe̩ne̩ʼka ef amame̩gweji le̩, kwʼo̩mo̩ nyʼugbo amagboji amatama, todu kʼi mʼowñ du ñwu ma mu.

Matiu 27:3

E̩gba le̩ abu ki Judas kʼi dʼu ñwu ma mu le̩ fu li ka ku ma fʼabi kpʼo̩, i chane̩ ejumama oñ i mʼajifa ogue̩gwa le̩ ko dabiwa ñw amagboji amatama kpai abogijo,

E̩wñ kʼAme̩nukpuche̩ Che 1:25

kʼi mʼuña e̩wñ-eche-ñw one̩ kpai uko̩lo̩ e̩nukpuche̩ e-ki Judas ñwa bʼo̩ te̩ kʼi le tʼuña e-wñ gba.

E̩wñ kʼAme̩nukpuche̩ Che 1:13

Oñ e̩gba ku ma mʼu gudu wʼo̩mo̩ ma mute̩gu nyʼunyi ojale ugbo ku ma gugu le̩, owñ che Pita kpai Jo̩n kpai Jeme̩s kpai Anduru, Filip kpai Tomas, Barto̩lomiu kpai Matiu, Jeme̩s e-Alfio̩s kpai Saimo̩n Zelo̩tes, kpai Judas e-Jeme̩s.

Matiu 26:2

Ame̩ chema ka ki bo̩ o̩jo̩ meji tak Elaloji awane̩, ku ma adʼO̩ma One̩ ñwu ma mu ku ma fʼu kamoli.

Matiu 26:15

i kakini, E̩wñ dʼume̩ e̩do̩ ku me̩ du ñwu mi, tak omi adʼu ñwu me̩? Taku ma mʼajifa ogue̩gwa ko jʼoj e̩bo̩ ñw u.

Jo̩n 6:64

Ama aboʼka jʼef ume̩ ku ma ma ke̩do̩no n. Todu Jisus chema kwʼejodudu abo ki che ku ma ma ke̩do̩no n, kpai e̩ne̩ ki adʼowñ ñw amone̩ mu.