Matiu 10:16 - O̩TAKADA O̩LA O̩JO̩ 1970

¹⁶ Go, uche̩ kʼomi akpe̩ me̩-i dabe̩ne̩ kʼamala nyʼo̩ge̩ge̩de̩ amo̩gu; todule̩ me̩ ki gbeju dab amejo, ku me̩ ki muda chʼame̩ne̩do̩foo dab ikede.

Matiu 10:16 ပူးပေါင်းရင်းမြစ်များ

Luku 10:3

Me̩ nalo me̩; me̩ go, omi akpʼume̩-i dabe̩ne̩ kʼamo̩mala rʼalumeji amo̩gu.

Abo Filipai 2:15

todu ku me̩ ki we enʼuchalu, kʼe̩wñ ejaduña ki we egwe̩gwa nyʼume̩, ku me̩ chʼamo̩ma e-O̩jo̩ ku ma ma nʼe̩kpabie̩ o̩la n jʼalumeji o̩gba amone̩ ki mugo ki murida tʼiba-i, ef abo e-le̩ ame̩ kwotejugede dabe̩ne̩ kʼe̩wñ ugane̩ ef ile̩-i,

1 Abo Ko̩rint 14:20

Amo̩maye, me̩ ki nʼibe imo̩to̩ efu n; ama ugbo e̩wñ e̩bie̩ne̩ eche me̩ ki mud o̩me̩kpa, ama ibe-me̩ ki mud ibe o̩kone̩.

Abo Ko̩lo̩se 4:5

Me̩ tale ibe ibe ugbo abo ku ma jʼo̩do̩da, me̩ fʼiko-i la te̩.

Luku 21:15

Todu omi adʼalu ñwu me̩ kpʼibe, e-kʼame̩no̩la-me̩ du ma neke rʼo̩na nyʼu n, abe̩k echagwunyu n.

E̩wñ kʼAme̩nukpuche̩ Che 20:29

Omi chema ka kʼu mʼubi dagba fai amo̩gu e̩bie̩ne̩ awʼef ume̩, ma ado̩wo̩mʼujo̩ amala-i n.

2 Abo Ko̩rint 11:3

Ama narailo tode̩gba ki anʼugbo du ku ma afʼume̩ ibe kpabie̩ bʼe̩do̩-foo̩ kpʼe̩do̩-yaala Kraisti te̩ alu kʼejo̩ le̩ mʼIf ibe da ef ugbeju-wñ.

1 Te̩s 5:22

Me̩ nahimama e̩wñ bibi alu du kʼi chaka de̩ eju.

2 Abo Ko̩rint 11:14

E-le̩ chʼe̩wñ aye n, todu i chaka che Setan onugo, i arʼalu kʼi de̩ eju one̩ da chʼonuche̩ ugane̩.

Abakwane̩ 3:1

Ejo le̩ la gbeju tʼame̩wñ iñmi oko du ki Jihofa O̩jo̩ che le. Oñ i ka ñw onobule̩ le̩ kakini, Ochochi, O̩jo̩ ka kʼame̩ ki jʼe̩ro oli du ef uche̩-i n?

1 Te̩s 2:10

Ame̩ chʼame̩nibenu kpʼO̩jo̩, alu kʼa de̩ ugbo ame̩ ku me̩ ke̩do̩no, alu kʼa chʼefe̩, kʼa chʼo̩kpakpa, kʼa ma nʼuchalu n.

Abo Ko̩lo̩se 1:9

Lef e-le̩, akwʼo̩jo̩ kʼa gbo̩, awa ño̩ we echadua todu me̩ n. A la abiʼi ebi todu kʼema e̩wñ ki dʼowñ e̩do̩ o̩gbolo ki che̩ko̩ ef ume̩, ef ibe kpai oji e̩wñ e-afu du ema,

2 Abo Ko̩rint 1:12

Todu e̩wñ ki chʼuba kʼa ba de̩, owñ chʼibenu kʼakone̩ o̩la ki dʼef uwa agba kakini, Ef efo̩ kpʼo̩yala e-O̩jo̩, i la chʼef o̩fili o̩re̩la n, chai ef ufe̩de̩nyo̩ e-O̩jo̩, a jo̩ achʼe̩wñ ef ile̩-i, ugbo e-me̩ itʼoji.

2 Abo Ko̩rint 8:20

A himama-wñ, tode̩gba kʼe̩ne̩ du abulumʼuwa ef e̩wñ odimili kʼa che ñw one̩-i,

Abakwane̩ 3:13

Taku Jihofa O̩jo̩ ka ñw onobule̩ le̩ kakini, E̩wñ chʼe-kʼuwe̩ che-i? Tak onobule̩ le̩ kakini, Ejo le̩ gba mi ibe, tak u je̩.

Je̩re̩maya 40:16

Ama Ge̩dalaya, o̩ma Ahaikam, ka ñwu Johanan, o̩ma Kareya, kakini, Uwe̩ ache e̩wñ-i n; todu olemi e̩ ro̩ nyʼIshmae̩l le̩.

Hosiya 7:11

Ifraim la dab ikede, kʼibe-wñ ma jo̩ n, i la nʼibe n, i do̩ abo Ijipti, i la anyʼAsiria.

Matiu 24:25

Me̩ go, u ka ñwu me̩ tane̩ me̩.

Matiu 24:45

E̩ne̩ chʼadu kʼi chʼachubi odu-wñ kpai anibe e-kʼodu-wñ dʼu dago chʼadejute̩ abunyi-wñ kʼi kʼuje̩wñ ñwu ma je̩ iko-wñ?

Matiu 25:2

E̩lu ef uma chʼame̩ne̩fule̩fu, one̩ me̩lu-ma la chʼamanibe.

Matiu 25:4

Amanibe muda nʼekpo ef uli-ma manyʼagege-ma.

Matiu 25:9

Ama amanibe le̩ dohi kakini, Tode̩gba kʼi ma bʼawa kpʼame̩ jo̩ n; me̩ nyʼugbo abo ku ma tʼekpo ku me̩ la ñw o̩la-me̩.

Nihe̩maya 4:13

Todule̩ u mʼamone̩ ko jo̩ ubi o̩do̩ le̩ ugbo ki ma gbo̩gba n, kpai ugbo ki chʼe̩kpo̩fo̩. U ko ma gugu akwo̩ra unyi akwo̩ra unyi, kpai o̩kwo̩chageli-ma kpai o̩kwo̩-ma kpai o̩o̩do̩-ma.