Matiu 1:18 - O̩TAKADA O̩LA O̩JO̩ 1970

¹⁸ Oñ alu ku ma bi Kraisti la de̩ kakini, Abu ku ma mʼiye-wñ Me̩ri du kpe̩ Jose̩f, o̩gba taku ma wa dama kpʼo̩la-ma, ma li abu kʼi defu lugbo Afu Kiafo̩.

Matiu 1:18 ပူးပေါင်းရင်းမြစ်များ

Job 14:4

E̩ne̩ neke dʼe̩wñ ki fe̩ dufu kwef e̩wñ ki ma fe̩ n? I nʼe̩ne̩ʼkate n.

Abo Hibru 10:5

Lef e-le̩ oñ abu kʼi awʼef ile̩ i kakini, E̩wñ iche̩bo̩ kpʼe̩wñ eduwa dʼuwe̩ e̩do̩ n, e̩ muda fʼaño̩la ñwo̩che te̩ ñw omi me̩;

Abakwane̩ 3:15

Nanyi o̩la tʼagbagba uwe̩ kpai onobule̩, kpai agbagba ugbe̩-we̩ kpai ugbe̩-wñ; i afʼuwe̩ oji gwenunu, oñ uwe̩ afʼowñ agbe̩re̩ gwenunu.

Abo Hibru 7:26

Todu agboji amatama e̩go̩ e-le̩ chʼeju-wñ ñw a, owñ chʼe̩ne̩ ki fe̩, ali e̩bie̩ne̩ dʼef uwñ n, i de̩ jali, i che̩date̩ bʼame̩nadure te̩, oñ i mud e̩ne̩ ki dʼatate̩ tʼefojale efojale le;

Job 15:14

O̩ne̩ chʼe̩wñ kʼi afe̩? Abe̩k e̩ne̩ kʼonobule̩ bi, kʼi achʼo̩kpakpa?

Luku 1:25

Abe̩le̩ Ondu che ñwu mi ef o̩jo̩ kʼi wa go mi, kʼi mʼicha ku ma ka ñwu mi ef amone̩ du kwobʼumi te̩.

Matiu 1:1

O̩takada o̩lo̩pu Jisus Kraisti o̩ma Defid, o̩ma Ebraham o̩gba o̩gba de̩.

O̩lo̩da Eduwa Onukeji 22:23

Iche̩wñ kʼigbe̩le̩ kʼi ma mʼe̩ne̩ke̩le̩ n, e-ku ma du kpʼo̩ko̩ do̩mo̩, kʼe̩ne̩ke̩le̩ʼka fʼu li ef ewo, kʼi bʼo̩ dachi,

Matiu 2:11

Tak abu ku ma mugudu tef unyi ma fʼo̩ma kekele le̩ li kpai Me̩ri, iye-wñ, oñ ma lewa bʼane̩ ma adojikane̩ ñw u. Taku ma mʼe̩wñ akoko-ma tu, ma kʼo̩jamalia, kpai o̩bia frankinse̩ns kpai otulale mur chʼowñ ele.

Matiu 12:46

Abu kʼu do̩mo̩ ako̩la ñw o̩wo̩ amone̩ le̩ ta, go, iye-wñ kpʼamo̩maye-wñ dago o̩do̩da, ma feju eko̩la ñw u.

Luku 2:5

kʼi kʼodu-wñ nyʼef o̩takada manyu Me̩ri, ku ma dukpʼo̩ le̩; efu-wñ la nana me̩.