Mark 9:25 - O̩TAKADA O̩LA O̩JO̩ 1970

²⁵ Tak e̩gba ku Jisus li ka kʼo̩wo̩ amone̩ ara wa jo̩ i dejurʼafu ki ma de̩hiolo n le̩, i ka ñw u, kakini, Uwe̩, afu kʼe̩ chʼajalu kpai ajeti-i, omi añwa ñw e̩ kʼe̩ kwʼef uwñ dufu, e̩ ki ño̩ gudu tʼef uwñ ge̩ n.

Mark 9:25 ပူးပေါင်းရင်းမြစ်များ

E̩wñ kʼAme̩nukpuche̩ Che 16:18

I la nʼe-le̩ ache o̩jo̩ wewe. Ama abu ki ko̩ Po̩l o̩la i mu-nda oñ i ka ñw afu le̩ kakini, Uwe̩ naka ñw u ef odu Jisusi Kraisti: kwʼef uwñ dufu. Tak i kwʼef uwñ dufu e̩re̩re̩ le̩.

Luku 9:42

Oñ abu kʼi awa, ebili le̩ fʼu ro̩ fiane̩, i la chʼo dab ajukpakpa. Taku Jisus dejurʼafu ki ma de̩hiolo n le̩, oñ i fʼo̩ga imo̩to̩ le̩ chekpa, tak i mʼu dudabi ñw ata-wñ.

Mark 9:15

Oñ ababale̩ abu kʼo̩wo̩ amone̩ le̩ du fʼowñ li, awuwu fu ma mu tabale, oñ ma ra nyʼugbo-wñ agwʼo̩.

Matiu 17:18

Taku Jisus dejurʼu oñ ebili le̩ kwʼef uwñ dufu; o̩ga imo̩to̩ le̩ la takpa akwʼiko le̩.

O̩takada ki kwʼo̩wo̩ Jud 1:9

E̩gba ki Maike̩l, kʼi chʼagboji amonuche̩ O̩jo̩, muda bʼAbulumone̩ tukana año̩la Mose̩s, i gbe̩do̩ egwʼajo̩ nʼo̩ achakpabie̩-wñ n. Chai eka i ka kakini, Ondu ki dejurʼe̩.

Luku 11:14

Tak i do̩mo̩ anʼebili kʼi chʼajalu dufu. Oñ i leatu abu kʼebili le̩ kwodufu ajalu le̩ kwoko̩la; tak o̩wo̩ amone̩ le̩ kwoyaye.

Luku 8:29

Todu i do̩mo̩ aka ñw afu ki ma de̩hiolo n le̩ kʼi kwʼef e̩ne̩ le̩ dufu. Todu i te̩tamʼe̩ne̩ le̩ o̩gbe̩nugbe̩ oñ ma kʼagba nyʼowñ o̩wo̩ kpai e̩re̩ adidewñ; i muda fʼigbaligba jada, oñ ebili fʼowñ ne tʼaje̩tachi.

Luku 4:41

Amebili ño̩ kwo bʼefu amone̩ wewe te̩, ma nakwa kakini, Uwe̩ chʼO̩ma O̩jo̩! Oñ i dejuru ma, i la je̩ ñwu ma ko̩la n, todabu ku ma ma ka kʼowñ che Kraist.

Luku 4:35

Taku Jisus dejurʼu kakini, Fʼo̩wo̩ bʼalu-we̩ ma, kʼe̩ kwʼef uwñ dufu! Oñ abu kʼebili le̩ mʼu dufiane̩ alumeji ma i kwʼef uwñ dufu, i la chʼo abu du n.

Ze̩karaya 3:2

Taku Jihofa ka ñw E̩no̩la le̩ kakini, Jihofa ki nukarʼuwe̩, O E̩no̩la; i-i Jihofa ki du Je̩rusale̩m le̩ ki nukarʼe̩. I chʼiji e̩munaʼka ku ma dinya kwef una le̩ de̩ n?

Matiu 12:22

E̩gba le̩ ma dʼe̩ne̩ kʼi nʼebili wʼugbo-wñ, i chʼafeju kpai ajialu: oñ Jisus fʼo̩ga-wñ che kpa. Tak abale̩ ajialu le̩ kwoko̩la, i laño̩ gane̩.

Mark 9:24

Ababale̩ ata imo̩to̩ le̩ kwukwa, kakini, Nake̩do̩no; te̩ko e̩do̩-mi ki ko̩ ekono.

Mark 9:26

Oñ abu kʼi fʼukwa kwa kʼi laño̩ chʼo dab o̩ga ebili, i kwodufu; oñ imo̩to̩ le̩ dab oku one̩ te̩; todabe̩le̩ amone̩ wewe kakini, I leku.