Mark 9:23 - O̩TAKADA O̩LA O̩JO̩ 1970

²³ Oñ Jisus ka ñw u, kakini, E neke kʼe̩ ka-i fa? E̩wñ du jʼache ñw e̩ne̩ ki ake̩do̩no.

Mark 9:23 ပူးပေါင်းရင်းမြစ်များ

Jo̩n 11:40

Jisus ka ñw u kakini, U ka ñw e̩ kakini, Iche̩wñ kʼe̩ ke̩do̩no uwe̩ ali ojima O̩jo̩ n?

Abo Hibru 11:6

Ama lubi e̩do̩ ekono ojoji ache kʼe̩ nyʼO̩jo̩ eju jʼache n, todu i chʼotila kʼe̩ne̩ ki ate̩me̩rʼO̩jo̩ ki ke̩do̩no ka kʼi do̩mo̩, kʼowñ ño̩ mud e̩ne̩ ki aro̩me̩ ñw abo ku ma feju owñ.

Mark 11:23

Ami, naka ñwu me̩, E̩ne̩ du ki aka ñw uwo-i kakini, Muchi kwʼo̩mo̩ kʼe̩ dʼo̩la-we̩ rikpolo tef ohimini kʼe̩do̩-wñ ma la chʼejeji n, kʼi la ake̩do̩no ka kʼe̩wñ kʼi aka la anoji, i ado̩mo̩ ñw u.

Matiu 17:20

Oñ i ka ñwu ma kakini, Lef e̩do̩ ekono-me̩ kʼi de̩ re-i. Todu, ami, naka ñwu me̩, iche̩wñ ku me̩ nʼe̩do̩ ekono dab e̩yo̩ mustadi, ame̩ aka ñw uwo-i kakini, Chi kwʼemi kʼe̩ nyʼano̩mo̩, i la achi alo, oñ e̩wñ du kʼome̩ ma neke che n ade̩ n. [

2 Iko Iko E̩wn 20:20

Taku ma takpa kwane̩ odudu, oñ ma le dufu nyʼaje̩tachi Te̩koa: oñ abu ku ma dufu alo, Jiho̩shafat kwane̩ dago, i kakini, Me̩ gbʼomu-mi, O Juda, kpʼame̩ ku me̩ dodo Je̩rusale̩m: me̩ ki dʼo̩la Jihofa O̩jo̩-me̩ rʼochochi, tak ame̩ adago kpaka; me̩ ki dʼo̩la amakache̩-wñ rʼochochi tak i ara ñwu me̩.

Luku 17:6

Oñ Ondu kakini, Iche̩wñ ku me̩ ma ne̩ e̩do̩-ekono dabe̩ne̩ kʼe̩yo̩ mustadi, me̩ ma ka ñw oli sikamain kide̩ kakini, Muwu tʼe̩te̩te̩te̩, kʼe̩ dʼo̩la-we̩ ne ef ohimini; oñ i ma gbo̩la-me̩ gbo̩.

E̩wñ kʼAme̩nukpuche̩ Che 14:9

Owñ le̩ gbo̩ abu ki Po̩l ako̩la: Po̩l la kejurʼu chii, oñ abu kʼi li ka kʼi nʼe̩do̩ ekono ku ma ajadu owñ,

Mark 9:22

I la dʼu ro̩ tef una kpai ef omi o̩gbe̩nugbe̩, todu kʼi mʼu du kpa tinyo̩; e̩ muda nʼe̩wñ du kʼe̩ neke che, e̩ te̩ko wa, li uwa ejumomi.

Mark 9:24

Ababale̩ ata imo̩to̩ le̩ kwukwa, kakini, Nake̩do̩no; te̩ko e̩do̩-mi ki ko̩ ekono.

Matiu 14:29

Oñ i kakini, Lewa. Taku Pita kwʼef o̩ko̩ tej omi, oñ i kwolule̩ ej omi awʼugbo Jisus;