Mark 9:20 - O̩TAKADA O̩LA O̩JO̩ 1970

²⁰ Taku ma mʼowñ du wʼugbo-wñ; tak abu kʼafu le̩ fʼowñ li, ababale̩ i chʼo dab o̩ga ebili, tak i leane̩ ali gbiligbili, alu-wñ awuwowo.

Mark 9:20 ပူးပေါင်းရင်းမြစ်များ

Mark 1:26

Tak afu ki ma de̩hiolo n le̩ chʼo dab ajukpakpa, i dʼomu dago akwa, oñ i kwʼef uwñ dufu.

Luku 4:35

Taku Jisus dejurʼu kakini, Fʼo̩wo̩ bʼalu-we̩ ma, kʼe̩ kwʼef uwñ dufu! Oñ abu kʼebili le̩ mʼu dufiane̩ alumeji ma i kwʼef uwñ dufu, i la chʼo abu du n.

1 Pita 5:8

Eju-me̩ ki chefe̩rane̩, me̩ gwe̩ke̩ adide: e̩no̩la-me̩, Abulumone̩ le̩, dab idu ki ako̩la, i tale afeju e̩ne̩ kʼi adu mi:

Jo̩n 8:44

E̩te̩-me̩ chʼata-me̩ Abulumone̩ le̩, oñ e̩ño̩ e̩wñ ata-me̩ dʼume̩ e̩do̩ ku me̩ che. E̩ne̩ le̩ chʼakpone̩ kwʼabakwane̩, i la dago ef ochochi n, todabu kʼochochi ma dʼef uwñ n. E̩gba du kʼi ako̩la ki chʼolemi, kwef e̩wñ e-wñ oñ i aka le̩ todabu kʼi chʼe̩nolemi, ata-wñ i la che.

Luku 9:42

Oñ abu kʼi awa, ebili le̩ fʼu ro̩ fiane̩, i la chʼo dab ajukpakpa. Taku Jisus dejurʼafu ki ma de̩hiolo n le̩, oñ i fʼo̩ga imo̩to̩ le̩ chekpa, tak i mʼu dudabi ñw ata-wñ.

Luku 8:29

Todu i do̩mo̩ aka ñw afu ki ma de̩hiolo n le̩ kʼi kwʼef e̩ne̩ le̩ dufu. Todu i te̩tamʼe̩ne̩ le̩ o̩gbe̩nugbe̩ oñ ma kʼagba nyʼowñ o̩wo̩ kpai e̩re̩ adidewñ; i muda fʼigbaligba jada, oñ ebili fʼowñ ne tʼaje̩tachi.

Mark 9:26

Oñ abu kʼi fʼukwa kwa kʼi laño̩ chʼo dab o̩ga ebili, i kwodufu; oñ imo̩to̩ le̩ dab oku one̩ te̩; todabe̩le̩ amone̩ wewe kakini, I leku.

Mark 9:18

ugbo du kʼi agwo̩nyʼu, i afʼu fana, tak alu-wñ awuwowo, oñ i alenyi; o̩la-wñ la agbo̩gbe̩. Oñ u ka ñw amako̩che̩-we̩ todu ku ma nʼo dufu; iñmi-ma la wʼo̩ n.

Mark 9:19

Tak i dohi ñwu ma, kakini, O, abo o̩gba ki ko̩ eke̩do̩no-i, gbogbo wʼe̩gba nadʼugbo me̩ ta? Gbogbo wʼe̩gba oñ naje̩ kpʼame̩? Me̩ mʼu du wʼugbo mi.

Mark 9:21

Tak i tʼata-wñ ene, kakini, Adiko e̩gba e̩wñ-i chane̩ echʼo? Oñ i kakini, Kwʼimo̩to̩.

Luku 9:39

e̩ la go, afuʼka amʼu, tak achigili ukwa afʼo̩ alu; oñ i achʼo dab ajukpakpa, alu-wñ la awuwowo, i aguche̩ ye̩ge̩ye̩ge̩, akanya i la che tak afu le̩ ki kwobʼo̩ o̩la te̩,