Mark 6:12 - O̩TAKADA O̩LA O̩JO̩ 1970

¹² Taku ma dufu nyʼatakoya todu kʼamone̩ ki ribeda.

Mark 6:12 ပူးပေါင်းရင်းမြစ်များ

Matiu 4:17

Akwe̩gba le̩ Jisus chane̩ etakoya, i nakakini, Me̩ ribeda; todu ojane̩ e-efojale me̩ro̩wo̩ me̩.

E̩wñ kʼAme̩nukpuche̩ Che 20:21

U gbibenu ibe-erida tʼO̩jo̩ kpʼe̩do̩-ekono Ondu-wa Jisus Kraisti ñw amaJu kpai amaGrik nyo̩nyo.

E̩wñ kʼAme̩nukpuche̩ Che 11:18

Oñ abu ku ma gbo̩-i ma chechi, ma la dʼojima ñw O̩jo̩ kakini, Mak O̩jo̩ ño̩ mʼibe-erida du ñw abo uche̩ichi ku ma tef iñmi me̩ ge̩!

E̩wñ kʼAme̩nukpuche̩ Che 2:38

Oñ Pita ka ñw ma kakini, Me̩ ribeda, kʼe̩ne̩ne̩ne̩ne̩-me̩ ki nache baptism ef odu Jisusi Kraisti, ku ma tʼadure-me̩ no̩ taku me̩ agbʼAfu Kiafo̩ ele.

Luku 13:3

O̩da! naka ñwu me̩; ama iche̩wñ ku me̩ ma ribeda n, o̩chaka-me̩ alenyo̩ dab ama.

Luku 11:32

Aboke̩le̩ Nine̩fa le̩ akwane̩ kpai abo o̩gba-i ef ajo̩, oñ ma akpa ma abi; todabu ku ma rʼibe da tod akoya ku Jona ta; me̩ la go, e̩ne̩ ki tu Jona le la dʼemi.

Matiu 3:8

Todule̩ ame̩ ki rʼe̩ro kʼi chʼeju ibe erida.

Matiu 3:2

I kakini, Me̩ ribeda, todu ojane̩ e-efojale me̩rʼo̩wo̩ me̩.

Izikie̩l 18:30

Todule̩ ami akajo̩ me̩, O̩ abunyi Israe̩l, nakajo̩ e̩ne̩ne̩ne̩ne̩ teju alu kʼo̩na o̩na-wñ de̩, Ondu Jihofa ka-i. Me̩ mudabi wa ku me̩ rida bʼada du ku me̩ je̩ te̩, todu kʼudu efe̩ ki wo echʼe̩wñ uke̩re̩-me̩.

E̩wñ kʼAme̩nukpuche̩ Che 26:20

Ama u mudu ka ñw abo Damaskus ejodudu, kpʼabo Je̩rusale̩m kpʼabo ane̩ Judia chaka, kpʼabo uche̩ichi ka ku ma ki ribeda ku ma laño̩ rida abʼO̩jo̩ ku ma nʼuko̩lo̩ ki chʼeju ibe erida ache.

E̩wñ kʼAme̩nukpuche̩ Che 3:19

Todule̩ me̩ naribeda, me̩ ki la rida to̩ kʼama ki fʼadure-me̩ kpalu, todu kʼiko iko o̩la eruko ki kwʼo̩gba Ondu wa:

Luku 24:47

ku ma ki ño̩ fʼakoya ibe erida kpai adure eto̩no̩ ta ef odu-wñ ugbo abo uche̩ichi chaka, kʼama ki chane̩ Je̩rusale̩m.

Luku 15:10

Abe̩le̩, naka ñwu me̩, uyo̩ awate̩ eju amonuche̩ O̩jo̩ noj e̩nadureʼka kʼi aribeda.

Luku 15:7

Naka ñwu me̩ kakini, Abe̩le̩ uyo̩ ade̩ efojale noj e̩nadureʼka kʼi ribeda, tʼe-kʼi de̩ noj ame̩no̩kpakpa o̩gbo̩ me̩le̩ nyoke me̩gwe̩la kʼeku ibe-erida ma ku ma n le.

Luku 13:5

O̩da! naka ñwu me̩; ama iche̩wñ ku me̩ ma ribeda n, o̩chaka-me̩ alenyo̩ abe̩le̩.

Mark 1:15

E̩gba-wñ jo̩ me̩, o̩da onu ojane̩ O̩jo̩ me̩rane̩; me̩ ribeda ku me̩ ke̩do̩no Uche̩nyo̩.

Matiu 11:20

Tak i chane̩ ekicha ñw ewo ewo ugbo kʼojile uko̩lo̩ ukpahiu-wñ wache, todabu ku ma ma ribeda n.

Matiu 9:13

Me̩ muda lo ku me̩ ko̩che̩ e̩wñ kʼi chʼofe, Ejumomi dʼumi e̩do̩, e̩wñ iche̩bo̩ la dʼumi e̩do̩ n; todu u wa kʼu do̩ abo̩kpakpa n, chai ame̩nadure.

Luku 9:6

Taku ma kwʼo̩mo̩ dufu, oñ ma tʼewo ewo ale, ma nʼuche̩nyo̩ aje̩; ma la nʼo̩ga amone̩ ache ugbo du.

Mark 1:3

omuko̩la e̩ne̩ kʼi akwa ef aje̩tachi kakini, Me̩ fʼo̩na Ondu ñwo̩che, me̩ chʼo̩kpa o̩na-wñ tʼokpolo.

Matiu 11:1

Oñ i lewatʼe̩gba ki Jisus fuñwa ñw amako̩che̩-wñ me̩gweji kpa, i kwʼo̩mo̩ le nyʼakʼamone̩ e̩wñ kpʼakoya eta ewo ewo-ma.