Mark 2:16 - O̩TAKADA O̩LA O̩JO̩ 1970

¹⁶ E̩gba kʼamako̩takada e-amaFarisi li ka kʼi aje̩wñ kpai ame̩nadure kpai amagbo̩kane̩, ma ka ñw amako̩che̩-wñ kakini, I ajʼe̩wñ, i año̩ ñmo̩ kpai amagbo̩kane̩ kpai ame̩nadure?

Mark 2:16 ပူးပေါင်းရင်းမြစ်များ

Luku 19:10

Todu O̩ma One̩ lewa kʼi feju kʼi laño̩ jadu e-ki lenyo̩.

Luku 18:11

E̩ne̩ Farisi le̩ kwodago achadua abe̩-i kpai o̩la-wñ: i kakini, O̩jo̩, nagwʼe̩ ukpe̩ kʼu ma dab abo ki bo̩ n, amagba-e̩wñ-afuma, amachuji, amatene o̩ya one̩, i chaka chʼalu kʼagbo̩kane̩-i de̩, u dabe̩le̩ n.

1 Abo Ko̩rint 2:15

E̩ne̩ Afu añwa e̩wñ du go, e̩ne̩ du la añwa owñ go n.

E̩wñ kʼAme̩nukpuche̩ Che 23:9

Tak i mud ukwa lile lile jo̩, oñ abu kʼamako̩takada iche̩ka e-o̩wo̩ amaFarisi kwane̩ dago ma chane̩ ejuja kakini, A li e̩wñ e̩bie̩ne̩ du o̩la e̩ne̩ kide̩ n; iche̩wñ kʼafuʼka abe̩k onuche̩ O̩jo̩ ko̩la ñw u fa?

Luku 19:7

Tak abu ku ma li u, o̩chaka-ma kwokeñmini kakini, I le tʼejefu kʼi ru ugbo e̩ne̩ke̩le̩ kʼi chʼe̩nadure.

Aizaya 65:5

kʼama kakini, Uwe̩ kate ki dago o̩wo̩ʼka o̩mo̩, e̩ ki te̩me̩rʼumi n, todu omi chʼe̩ne̩ kiafo̩ tʼuwe̩ le. Abo-i chʼodudu ki akwu nyʼumi iñmo̩, una ki ajo gbogbo dʼo̩jo̩ ma che.

Abo Hibru 12:3

Todu ame̩ ki fʼibe alu kʼi fe̩do̩lichi ugbo o̩la kʼame̩nadure ka nyʼowñ o̩la ñwa, tode̩gba kʼo̩la-me̩ ada ki fʼonugo-me̩ hia.

Mark 2:7

E̩wñ chi kʼe̩ne̩-i ako̩la abe̩i? I achakpabie̩ O̩jo̩. E̩ne̩ neke tʼadure no̩ chai e̩ne̩ʼkate? owñ chʼO̩jo̩.

Matiu 18:17

I la che̩wñ kʼi ko̩ egbo̩ e-ma, e̩ ka ñw abo udo̩ ujeju. I la che̩wñ kʼi ño̩ ko̩ egbo̩ e-abo udo̩ ujeju ge̩, i ki dab abo uche̩ichi kpʼagbo̩kane̩ ñw e̩.

Matiu 9:11

Tak abu kʼamaFarisi li, ma ka ñw amako̩che̩-wñ kakini, E̩wñ chi kʼako̩ me̩ e̩wñ aje̩-wñ kpʼamagbo̩kane̩ kpʼame̩nadure ta?

Matiu 5:46

Todu iche̩wñ ku me̩ fe̩do̩ abo ku ma fe̩do̩ me̩, e̩wñ chʼuro̩me̩ ku me̩ ane̩? I chaka chʼamagbo̩kane̩ onugo chʼe-le̩ n?

Mark 2:15

Oñ ileatu abu kʼi chekukane̩ aje̩-wñ ef unyi-wñ, kʼamagbo̩kane̩ kpai ame̩nadure wewe chekukane̩ kpai Jisus kpai amako̩che̩-wñ; todu ma che̩wewe, oñ ma rʼo̩ ubi.

Luku 5:30

Tak amaFarisi kpai amako̩takada-ma keñmini nyʼamako̩che̩-wñ o̩la kakini, E̩wñ chi kʼame̩ aje̩wñ, kʼame̩ la añmo̩ kpʼamagbo̩kane̩ kpʼame̩nadure-i?