Mark 16:9 - O̩TAKADA O̩LA O̩JO̩ 1970

⁹ E̩gba kʼi kwane̩ odudu odudu o̩jo̩ ejodudu ef o̩jo̩ mebie, i tejugede ñwu Me̩ri Magdalini ejodudu, owñ chʼe̩ne̩ kʼi fʼamebili mebie ne kwef uwñ dufu le̩.

Mark 16:9 ပူးပေါင်းရင်းမြစ်များ

Luku 8:2

kpʼabobule̩ iche̩ka e-kʼamafu bibi kpai e̩gbo o̩la kwobʼuma te̩; abo le̩ che Me̩ri, ku ma do̩ ko̩ Magdalini, e-kʼamebili mebie kwʼef uwñ dufu,

Jo̩n 20:12

oñ i li amonuche̩ meji ku ma kʼe̩wñ efufu bʼo̩la ma gugu, oka dʼugbo oji-wñ, oka la dʼugbo e̩re̩-wñ ugbo kʼaño̩la Jisus dachi le̩.

Mark 15:47

Oñ Me̩ri Magdalini kpai Me̩ri iye Jose̩s li ugbo ku ma dʼu dachi.

Luku 24:10

Ama le̩ la che Me̩ri e-Magdalini kpai Jo̩ana kpai Me̩ri e-Jeme̩s; tak abobule̩ ki bo̩ ku ma jʼugbo ma fʼe̩wñ-i ka ñw ame̩nukpuche̩.

Matiu 27:56

Me̩ri Magdalini la dʼef uma kpai Me̩ri iye Jeme̩s kpai Jose̩f, kpai iye amo̩ma Ze̩be̩di le̩.

Mark 15:40

Abobule̩ ño̩ jʼo̩najiji ago ge̩; Me̩ri Magdalini kpai Me̩ri iye Jeme̩s kekele kpai Jose̩s kpai Salome jʼef uma,

O̩la E̩bite 1:10

U lewate̩ ef Afu, o̩jo̩ ki chʼojima Ondu. Tak u gbʼomuko̩la lile ubi-mi dabe̩ne̩ kʼo̩kakachi,

1 Abo Ko̩rint 16:2

O̩jo̩ ejodudu ef o̩jo̩ mebie du e̩ne̩ne̩ne̩ne̩-me̩ ki nadʼe̩wñ ne ugbo-wñ teju alu ki ra ñw u, todu ki we enʼo̩ko̩ ete̩ e̩gba du kʼu lewa.

E̩wñ kʼAme̩nukpuche̩ Che 20:7

Oñ o̩jo̩ ejodudu ef o̩jo̩ mebie, abu kʼawa jeju kʼa bʼakala je̩ Po̩l kʼo̩la rʼuma eju, abu kʼa che kʼa lo o̩jo̩ñwa-wñ; oñ i dʼef o̩la le̩ eka gbogbo wʼalumeji odu.

Mark 16:8

Ma kwodufu oñ ma ra bʼoji te̩; todu o̩la-ma chane̩ ega, ibe-ma ño̩ mukpatuka ge̩; ma ka abu du ñw e̩ne̩ du n; todu ma chʼokpo tabale. [

2 Amonu 5:4

Taku Neaman nyʼejefu, oñ i ka ñw odu-wñ kakini, Abe̩i, abe̩i oñ imo̩to̩ onobule̩ kʼi kwʼane̩ Israe̩l ka-i.