Mark 16:17 - O̩TAKADA O̩LA O̩JO̩ 1970

¹⁷ Ujiwe ki alebʼabo ku ma ke̩do̩nʼo la jo̩-i: ma ane amebili dufu ef odu-mi; ma ako̩la alu ichi tito̩ ojoji ojoji;

Mark 16:17 ပူးပေါင်းရင်းမြစ်များ

E̩wñ kʼAme̩nukpuche̩ Che 5:16

Oñ ugwe̩ko̩ amone̩ ewo ewo ki le Je̩rusale̩m daka ño̩ wa jo̩. Ma nʼame̩no̩ga wa kpʼabo kʼamafu ki ma de̩ hiolo n ke̩che̩ bʼuma ma; ma la fʼo̩ga-ma che kpa chaka.

1 Abo Ko̩rint 12:28

O̩jo̩ la kʼe̩wñ iche̩ka jo̩ ef ujeju abudo̩-wñ, ejodudu chʼame̩nukpuche̩, ekeji chʼamakache̩, e̩ke̩ta chʼamakone̩wñ, ubile̩ tak i chʼamachʼuko̩lo̩ ukpahiu, ubile̩ tak ele ufe̩de̩nyo̩ o̩ga echekpa, amabone̩che, amañone̩o̩na, alu ichi uche̩uche̩.

1 Abo Ko̩rint 12:10

e-e̩nomune̩ la chʼuko̩lo̩ ukpahiu eche; e-e̩nomune̩ chʼache̩ eka; oñ e-e̩nomune̩ la chʼama-fu eñwaru; e-e̩nomune̩ ojoji chʼalu ichi ichi eka; oñ e-e̩nomune̩ chʼomudechi eje̩;

E̩wñ kʼAme̩nukpuche̩ Che 8:7

Todu amafu ki ma fe̩ n kwef amone̩ wewe dufu kpai ogu lile ekpa; oñ o̩ga ame̩no̩ga e̩kuto̩la kpai ame̩no̩lo̩ wewe takpa.

Luku 10:17

Abo o̩gbo me̩ta nyoke me̩gwa le̩ mudakubi wa kpai uyo̩; ma kakini, Ondu, i chaka chʼamebili ma chʼe̩kamuhite̩ ñw a ef odu-we̩.

E̩wñ kʼAme̩nukpuche̩ Che 10:46

todu ma gbo̩ abu ku ma nʼalu ichi ichi aka ku ma la nabumʼO̩jo̩. Taku Pita dohi kakini,

Jo̩n 14:12

Ami, ami, naka ñwu me̩, e̩ne̩ ki ake̩do̩nʼomi, uko̩lo̩ kʼomi ache, e̩ne̩ le̩ ñʼache ge̩, kpai e-ki tʼe-i le i ache ge̩; todabu kʼomi anyʼugbo Ata.

E̩wñ kʼAme̩nukpuche̩ Che 19:6

Tak abu ki Po̩l kʼo̩wo̩ nʼuma Afu Kiafo̩ lewa bʼuma ma; taku ma kwoko̩la ichi ichi, ma laño̩ nʼache̩ aka.

1 Abo Ko̩rint 14:2

Todu e̩ne̩ ki ako̩la ichi i chʼone̩ i ako̩la ñw u n, chai O̩jo̩; todu e̩ne̩ du agbo̩ n; i la ako̩la e̩wñ afili ef afu.

1 Abo Ko̩rint 12:30

O̩chaka-ma nʼele ufe̩de̩nyo̩ e-o̩ga echekpa? O̩chaka-ma ako̩la ichi ichi? O̩chaka-ma ajomudechi?

1 Abo Ko̩rint 13:1

Iche̩wñ kʼu nʼichi ichi amone̩ kpai e-amonuche̩ O̩jo̩ ako̩la, kʼu ma la nʼufe̩do̩ n, u mud ude̩ ki ako̩la kiñ kiñ kiñ abe̩k agogo ki ako̩la goñ goñ goñ ofo.

E̩wñ kʼAme̩nukpuche̩ Che 16:18

I la nʼe-le̩ ache o̩jo̩ wewe. Ama abu ki ko̩ Po̩l o̩la i mu-nda oñ i ka ñw afu le̩ kakini, Uwe̩ naka ñw u ef odu Jisusi Kraisti: kwʼef uwñ dufu. Tak i kwʼef uwñ dufu e̩re̩re̩ le̩.

Mark 9:38

Jo̩n ka ñw u, kakini, Akone̩wñ, a li abu kʼe̩ne̩ʼka ane̩ amebili dufu ef odu-we̩; tak a fʼu naba, todabu kʼi ma tʼuwa ubi n.

E̩wñ kʼAme̩nukpuche̩ Che 2:33

Todule̩ abu kʼo̩wo̩ awo̩to̩ O̩jo̩ dʼowñ dago atate̩, kʼi laño̩ gba Afu Kiafo̩ ku ma katane̩ le̩ ugbo O̩jo̩ Ata, i fʼe̩wñ ku me̩ li ku me̩ la gbo̩ dafo-i.