Mark 14:15 - O̩TAKADA O̩LA O̩JO̩ 1970

¹⁵ Tak owñ adʼunyi ojale lile ña me̩, ane̩-wñ chʼe̩te̩ru jʼef uwñ, me̩ ñwʼo̩mo̩ che tane̩ ñw a.

Mark 14:15 ပူးပေါင်းရင်းမြစ်များ

E̩wñ kʼAme̩nukpuche̩ Che 1:13

Oñ e̩gba ku ma mʼu gudu wʼo̩mo̩ ma mute̩gu nyʼunyi ojale ugbo ku ma gugu le̩, owñ che Pita kpai Jo̩n kpai Jeme̩s kpai Anduru, Filip kpai Tomas, Barto̩lomiu kpai Matiu, Jeme̩s e-Alfio̩s kpai Saimo̩n Zelo̩tes, kpai Judas e-Jeme̩s.

E̩wñ kʼAme̩nukpuche̩ Che 20:8

E̩mu wewe la jʼef unyi ojale ugbo kʼawa jo̩ le̩.

Jo̩n 21:17

I ka ñw u onu e̩ke̩ta kakini, Saimo̩n, o̩ma Jo̩n, e̩ che̩do̩ mi? Pita chʼe̩do̩dudu todabu kʼi ka ñw u onu e̩ke̩ta le̩ kakini, E̩ che̩do̩ mi? Oñ i ka ñw u kakini, Ondu, uwe̩ chema e̩wñ du; uwe̩ chema ka kʼu nache̩do̩ we̩. Jisus ka ñw u kakini, Kʼuje̩wñ ñw amala-mi.

Ita, Ita 16:1

E̩wñ kʼe̩do̩ ñwa ki che chʼe̩wñ one̩, ohi kʼukpalu adu muda kwʼugbo Jihofa.

Eli Eko̩ DʼO̩jo̩ 110:3

Amone̩-we̩ gʼe̩do̩la-ma akʼo̩la-ma wa dab e̩wñ iche̩bo̩ iko ukpahiu-we̩ e̩wñ o̩la kiafo̩ ajʼo̩la-ma. Abokolobia-we̩ ake̩che̩ dufu alu kʼeli achi odudʼodudu.

2 Iko Iko E̩wn 6:30

e̩gba le̩ uwe̩ ki dʼefojale ugbo kʼe̩ gugu le̩ agbo̩, kʼe̩ la tʼo̩ no̩ kʼe̩ du ñw e̩ne̩ne̩ne̩ne̩ kʼe̩ chemʼef e̩do̩-wñ alu kʼe̩wñ kʼi che de̩, (todu uwe̩, uwe̩ kate, ma ef e̩do̩ amo̩ma amone̩);

Abo Hibru 4:13

Oñ e̩wñ kʼi nyi ki ma tejugede eju-wñ n de̩ n, e̩wñ du la tago ofo, e̩wñ du ño̩ che̩chite̩ eju e̩ne̩ e-kʼa acholi e̩wñ jo̩ ñw u.

2 Timoti 2:19

I chaka dʼabe̩le̩ e̩re e̩wñ O̩jo̩ ki de̩ kpaka le̩ dago kpo, abu kʼi fʼuhiuko̩-i ne̩, kakini, Ondu chema abo ku ma chʼabo-wñ, kpai, Abo du ku ma dʼodu Ondu ki kwo bʼe̩wñ ki ma tʼo̩kpakpa n te̩.

Mark 14:14

oñ ugbo du kʼi agudu nyi, me̩ ka ñw e̩ne̩fe̩nyi le̩, kakini, Akone̩wñ kakini, Ugbo unyi uru-mi ugbo kʼomi kpai amako̩che̩-mi aje̩ Elaloji de̩?

Mark 14:16

Tak amako̩che̩-wñ kwʼo̩mo̩ nyʼef ewo, oñ ma li abu kʼi dʼalu kʼi ka ñwu ma; taku ma fʼElaloji ñwo̩che te̩.