Mark 12:15 - O̩TAKADA O̩LA O̩JO̩ 1970

¹⁵ I dʼugbo kʼa te̩, abe̩k a ki te̩ n? Ama abu kʼi chema ayechi-ma, i ka ñwu ma kakini, E̩wñ chi ku me̩ jʼumi ma-i? Dʼo̩ko̩ʼka wa kʼu go.

Mark 12:15 ပူးပေါင်းရင်းမြစ်များ

O̩la E̩bite 2:23

Oñ nanʼuku kpa amo̩ma-wñ; tak ujeju ujeju abudo̩ Ondu du ama ka kʼomi chʼe̩ne̩ kʼi atejane̩ ef ekpili kpʼef e̩do̩: u la adu ñw e̩ne̩ne̩ne̩ne̩-me̩ teju alii kʼuko̩lo̩-wñ de̩.

Abo Hibru 4:13

Oñ e̩wñ kʼi nyi ki ma tejugede eju-wñ n de̩ n, e̩wñ du la tago ofo, e̩wñ du ño̩ che̩chite̩ eju e̩ne̩ e-kʼa acholi e̩wñ jo̩ ñw u.

1 Abo Ko̩rint 10:9

A ki la jʼOndu ma, alu kʼabo iche̩ka-ma jʼowñ ma tak amejo̩ fʼuma kpa rinyo̩ le̩ n.

E̩wñ kʼAme̩nukpuche̩ Che 5:9

Taki Pita ka ñw u kakini, Abile kʼame̩ fʼalu-me̩ jo̩ ku me̩ jʼAfu Ondu ma? Go, e̩re̩ abo ku ma dʼoku o̩ko̩-we̩ ji jʼalugbana-i, ma la adʼuwe̩ dufu ge̩.

Jo̩n 21:17

I ka ñw u onu e̩ke̩ta kakini, Saimo̩n, o̩ma Jo̩n, e̩ che̩do̩ mi? Pita chʼe̩do̩dudu todabu kʼi ka ñw u onu e̩ke̩ta le̩ kakini, E̩ che̩do̩ mi? Oñ i ka ñw u kakini, Ondu, uwe̩ chema e̩wñ du; uwe̩ chema ka kʼu nache̩do̩ we̩. Jisus ka ñw u kakini, Kʼuje̩wñ ñw amala-mi.

Luku 20:23

Ama abu kʼi mʼibe ugbeju-ma i ka ñwu ma kakini,

Mark 10:2

Tak abo Farisi te̩wʼugbo-wñ, atʼowñ ene, kakini, O̩da aje̩ ñw one̩ dʼo̩ya-wñ tinyo̩? Ejama ma jʼowñ ma.

Matiu 22:18

Ama abu ki Jisus chema ali bibi-ma i kakini, E̩wñ chi ku me̩ jʼumi ma-i? Ame̩ ame̩nayechi.

Izikie̩l 17:2

O̩ma one̩, ko̩la e̩wo̩fi ñwu ma, kʼe̩ la fʼita kpa ñw abo unyi Israe̩l;

Matiu 20:2

Oñ abu kʼowñ kpʼabuko̩lo̩ le̩ fʼalude o̩jo̩ʼka iko̩bo̩ me̩jo̩, i je̩ ñwu ma lo tef uche̩ achiwebe̩te̩ma-wñ.

Mark 12:14

Oñ abu ku ma lewa, ma ka ñw u, kakini, Akone̩wñ, a chema ka kʼe̩ chʼe̩ne̩ ochochi, kʼe̩ne̩ du la wʼe̩ eju n; todu i chʼeju amone̩ e̩ go n; chai o̩na O̩jo̩ ochochi uwe̩ ako̩ one̩; o̩da aje̩ ñw one̩ tʼo̩ko̩-ane̩ ñwu Sisa, abe̩k i aje̩ n?

Mark 12:16

Oñ ma mʼu du wa. Tak i ka ñwu ma kakini, Ojibo kpai o̩la ku ma ko̩-i, e-e̩ne̩ de̩? Ma ka ñw u, kakini, E-Sisa de̩.

Jo̩n 8:6

E-ku ma ka-i ma du jʼowñ ma, todu ku ma nʼe̩wñ ku ma gwo̩nyu ugbo-wñ. Ama Jisus te̩kpe̩ adʼo̩mo̩-wo̩-wñ kʼolubutu ane̩.