Mark 11:23 - O̩TAKADA O̩LA O̩JO̩ 1970

²³ Ami, naka ñwu me̩, E̩ne̩ du ki aka ñw uwo-i kakini, Muchi kwʼo̩mo̩ kʼe̩ dʼo̩la-we̩ rikpolo tef ohimini kʼe̩do̩-wñ ma la chʼejeji n, kʼi la ake̩do̩no ka kʼe̩wñ kʼi aka la anoji, i ado̩mo̩ ñw u.

Mark 11:23 ပူးပေါင်းရင်းမြစ်များ

Matiu 17:20

Oñ i ka ñwu ma kakini, Lef e̩do̩ ekono-me̩ kʼi de̩ re-i. Todu, ami, naka ñwu me̩, iche̩wñ ku me̩ nʼe̩do̩ ekono dab e̩yo̩ mustadi, ame̩ aka ñw uwo-i kakini, Chi kwʼemi kʼe̩ nyʼano̩mo̩, i la achi alo, oñ e̩wñ du kʼome̩ ma neke che n ade̩ n. [

Jo̩n 15:7

Iche̩wñ ku me̩ gugu efu mi, kʼo̩la alu-mi la gugu efu me̩, e̩wñ du ki dʼume̩ e̩do̩ me̩ nabi, oñ i amud e-me̩.

Matiu 21:21

Oñ Jisus dohi ñwu ma kakini, Ami, naka ñwu me̩ kakini, Iche̩wñ ku me̩ nʼe̩do̩ ekono, kʼe̩do̩-me̩ ma chʼejeji n, iche̩wñ e-oli o̩gbaikolo-i kate oñ me̩ ache n; dagba me̩ chaka ka ñw uwo-i kakini, E̩ ki muchi kwʼemi kʼe̩ dʼo̩la-we̩ rikpolo tef ohimini abadi, i adʼabe̩le̩.

Eli Eko̩ DʼO̩jo̩ 37:4

Eliura-we̩ ki ño̩ chʼefu Jihofa, tak i adʼe̩wñ kʼe̩do̩-we̩ abi ñw e̩.

Jo̩n 14:13

E̩wñ du ku me̩ la abi ef odu-mi, e-le̩ nache, todu kʼAta ki nʼojima ef O̩ma.

Luku 17:6

Oñ Ondu kakini, Iche̩wñ ku me̩ ma ne̩ e̩do̩-ekono dabe̩ne̩ kʼe̩yo̩ mustadi, me̩ ma ka ñw oli sikamain kide̩ kakini, Muwu tʼe̩te̩te̩te̩, kʼe̩ dʼo̩la-we̩ ne ef ohimini; oñ i ma gbo̩la-me̩ gbo̩.

1 Abo Ko̩rint 13:2

Iche̩wñ kʼu nʼache̩ eka, kʼu laño̩ chema e̩wñ afili chaka, kpʼe̩wñ ema du; i la che̩wñ kʼu nʼe̩do̩ ekono chaka, kʼu chʼuwo ki gbo̩gba kwʼe̩gu-wñ, kʼu ma la nʼufe̩do̩ n, u chʼe̩wñ du n.

Matiu 14:13

Oñ abu ku Jisus gbo̩ i tʼo̩ko̩ kwʼo̩mo̩ le tef aje̩tachi ugbo kʼowñ kate ade̩. Tak e̩gba kʼo̩wo̩ amone̩ le̩ gbo̩, ma kwʼewo ewo le e̩re̩ tʼo̩ ubi.