Mark 11:18 - O̩TAKADA O̩LA O̩JO̩ 1970

¹⁸ Amagboji amatama kpai amako̩takada la gbʼo̩, oñ ma tejane̩ alu ku ma ale ku ma adʼu kpa tinyo̩; todu ailo-wñ aba ma, todu ibe takpa rʼo̩wo̩ amone̩ le̩ chaka efu noj uko̩-o̩la kʼi ako̩ ma.

Mark 11:18 ပူးပေါင်းရင်းမြစ်များ

Matiu 7:28

Oñ i lewa tʼe̩gba ki Jisus fʼo̩la le̩ ka kpoji, awuwu fʼo̩wo̩ amone̩ le̩ mu noj uko̩ o̩la-wñ:

Mark 12:12

Taku ma feju ku ma gwo̩nyʼu, ma muda chokpo o̩wo̩ amone̩ le̩; todu ma ma ka kʼi fʼita-i kpa mʼuma o̩la. Taku ma tʼowñ no̩ oñ ma le ma.

E̩wñ kʼAme̩nukpuche̩ Che 24:25

Oñ abu kʼi aka o̩la o̩kpakpa rʼuma eju kpʼo̩la efʼo̩wo̩ mʼo̩la ne̩ kpʼo̩la ajo̩ ki ache ki wa, Filiks kwo railo, oñ i dohi kakini, Lo fai ta; u la fʼo̩wo̩ li nadʼuwe̩.

Jo̩n 7:46

Abimo̩to̩ le̩ dohi kakini, One̩ du ko̩la alu kʼe̩ne̩ kide̩ aka mama ta n.

Luku 20:19

Tak amako̩takada kpai amagboji amatama feju ku ma ko o̩wo̩ nyʼowñ o̩la ef auwa kide̩ gbage̩de̩; ma la railo amone̩; todu ma chema ka kʼugbo ma oñ i kpʼita kide̩.

Luku 19:47

I la do̩mo̩ ako̩ ma e̩wñ ef unyi O̩jo̩ o̩jo̩ñwa o̩jo̩ñwa. Ama amagboji amatama kpai amako̩takada kpai abo ku ma to̩gba ef amone̩ le̩ feju ku ma kpʼo̩ tinyo̩:

Luku 4:22

Oñ o̩chaka amone̩ nagbʼo̩ ibenu, ma laño̩ yaye o̩la ufe̩de̩nyo̩ ki kwʼef alu-wñ dufu; taku ma kakini, Owñ-i chʼo̩ma Jo̩se̩f de̩ n?

Mark 11:32

A muda aka ki, Kwʼugbo one̩? ma chokpo amone̩; todu kʼo̩chaka-ma do̩ ku Jo̩n chʼakache̩ O̩jo̩ ochochi.

Mark 6:20

todu He̩ro̩d railo Jo̩n abu kʼi chema kʼi chʼe̩no̩kpakpa kpai e̩ne̩ kiafo̩, oñ i nafejutʼo̩. E̩gba kʼi gbʼo̩la-wñ, i fitʼowñ nana, i la yo̩ ñw o̩la-wñ e̩gbo̩.

Mark 3:6

Tak amaFarisi ledufu, oñ ababale̩ ama kpai abo He̩ro̩d nyojuju nyʼu alu ku ma le ku ma fu kpa tinyo̩.

Mark 1:22

Awuwu uko̩-o̩la kʼi ko̩ ma la fʼuma mu: todu i nako̩ ma dab e̩ne̩ kʼi nʼo̩da, i che dab amako̩takada n.

Matiu 21:15

Oñ abu kʼamagboji amatama kpʼamako̩takada fʼe̩wñ aye kʼi che li, kpʼabimo̩to̩ ku ma jʼef unyi O̩jo̩ akwukwa kakini, Hosana ñw O̩ma Defid, i bi ma eju.

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

1 Amonu 22:18

Tak onu Israe̩l ka ñwu Jihoshafat kakini, Omi ka ñw e̩ ka kʼi akache̩ e̩wñ e̩nyo̩ ugbo mi n, chai e̩wñ e̩bie̩ne̩ n?

1 Amonu 22:8

Tak onu Israe̩l ka ñwu Jihoshafat kakini, I chenʼe̩ne̩ kate kʼa neke tu Jihofa ene ugbo-wñ, owñ che Maikaya, o̩ma Imla; owñ muda chʼe̩ne̩ ulaka-mi; todu i akache̩ e̩nyo̩ ugbo mi n, chai e̩bie̩ne̩. Oñ Jiho̩shafat kakini, Onu ki ka abe̩le̩ n,

1 Amonu 21:20

Tak Ehab ka ñw E̩laija kakini, Uwe̩ fʼumi li? uwe̩, e̩nebi-mi-i? Tak i dohi kakini, Omi fʼuwe̩ li ukpe̩ kʼe̩ mʼo̩la-we̩ dute̩ kʼe̩ che e̩wñ ki bie̩ne̩ eju Jihofa.

Luku 2:47

Ibe abo du ku ma netirʼu mukpatuka tod eju-wñ ki chene̩ kpai ohi kʼi adu ñwu ma.

Jo̩n 7:1

Tak ubi e-kide̩ Jisus tʼalule̩ ane̩ Galili, todu i dʼowñ e̩do̩ kʼi lule̩ ane̩ Judia n, todabu kʼamaJu feju ku ma dʼu kpa.

Jo̩n 7:19

I che Mose̩s dʼo̩lo̩da ñwu me̩ n? E̩ne̩ du ef ume̩ la che alu kʼo̩lo̩da ka n.