Mark 10:2 - O̩TAKADA O̩LA O̩JO̩ 1970

² Tak abo Farisi te̩wʼugbo-wñ, atʼowñ ene, kakini, O̩da aje̩ ñw one̩ dʼo̩ya-wñ tinyo̩? Ejama ma jʼowñ ma.

Mark 10:2 ပူးပေါင်းရင်းမြစ်များ

Jo̩n 8:6

E-ku ma ka-i ma du jʼowñ ma, todu ku ma nʼe̩wñ ku ma gwo̩nyu ugbo-wñ. Ama Jisus te̩kpe̩ adʼo̩mo̩-wo̩-wñ kʼolubutu ane̩.

Matiu 23:13

Ama atogwo, ame̩, amako̩takada kpai amaFarisi, ame̩nayechi! todabu ku me̩ fʼo̩na ojane̩ e-efojale re nyʼamone̩; todu ame̩ la gudu tʼo̩ n, me̩ la tʼo̩ no̩ ñw abo ku ma che ku ma gudu ku ma gudu n. [

1 Abo Ko̩rint 10:9

A ki la jʼOndu ma, alu kʼabo iche̩ka-ma jʼowñ ma tak amejo̩ fʼuma kpa rinyo̩ le̩ n.

Jo̩n 11:57

Amagboji amatama kpai amaFarisi la fʼuko̩ te̩ e̩gba le̩ me̩ kakini, Iche̩wñ kʼe̩ne̩ du ma ugbo kʼi de̩ kʼi ka dufu ku ma fʼu mu.

Jo̩n 11:47

Todule̩ amagboji amatama kpʼamaFarisi fʼabo̩hiala do̩ jeju, ma kakini, E̩wñ a jʼache-i taa? todu e̩ne̩ kide̩ ache ujiwe wewe.

Jo̩n 7:48

I nʼe̩ne̩ du ef amagboji abe̩k ef amaFarisi kʼi ke̩do̩nʼowñ me̩?

Jo̩n 7:32

AmaFarisi gbo̩ abu kʼo̩wo̩-amone̩ dʼo̩la-wñ te̩ ajeñmini, abe̩-i; tak amagboji amatama kpai amaFarisi fʼabimo̩to̩ kpe̩ wa ku ma fʼu mu.

Luku 16:14

AmaFarisi ku ma achʼalu o̩ko̩ la gbo̩ e̩wñ-i chaka; oñ ma gwʼowñ iñmo̩ je̩.

Luku 11:39

Tak Ondu ka ñw u kakini, Fai, ame̩ ku me̩ chʼamaFarisi nagwʼejo̩do̩da ago kpʼugba; ejefu-me̩ muda che̩ko̩ tiili ñw e̩wñ edinya kpai e̩wñ bibi.

Luku 7:30

Ama amaFarisi kpai amamoli o̩lo̩da de̩ya kpo̩ e̩wñ kʼO̩jo̩ neku le̩ ñw o̩la-ma, abu ku ma ma je̩ ñw u che ma baptism n.

Luku 6:7

Tak amako̩takada kpʼabo Farisi fʼeju mʼu ne̩ tode̩gba kʼi ache o̩ga one̩ o̩jo̩ uñmi; todu ku ma ki li e̩wñ ku ma du gwajo̩nʼo.

Luku 5:30

Tak amaFarisi kpai amako̩takada-ma keñmini nyʼamako̩che̩-wñ o̩la kakini, E̩wñ chi kʼame̩ aje̩wñ, kʼame̩ la añmo̩ kpʼamagbo̩kane̩ kpʼame̩nadure-i?

Mark 8:15

Tak i fʼuma eti kakini, Me̩ nago, me̩ fʼo̩la-me̩ de todu o̩jo̩wu e-amaFarisi kpai o̩jo̩wu e-He̩ro̩d.

Mark 8:11

Tak amaFarisi dufu wa, oñ ma chane̩ ejʼo̩ iñwa, ma feju ujiwe ki akwʼojale ugbo-wñ, ma jʼowñ ma.

Matiu 22:35

tak e̩ne̩ʼka ef uma kʼi chʼamoli o̩lo̩da fʼene tʼu kʼi jʼowñ ma.

Matiu 19:3

Tak amaFarisi lewʼugbo-wñ ajʼo ma, ma kakini, O̩da aje̩ ñw one̩ dʼo̩ya-wñ tinyo̩ tod o̩la tʼo̩la du?

Matiu 16:1

Tak amaFarisi kpʼamaSadiusi lewa ajʼo̩ ma, oñ ma tʼowñ ene kʼi dʼujiwe kwʼefojale ña ma.

Matiu 15:12

E̩gba le̩ amako̩che̩-wñ te̩wa aka ñw u kakini, E̩ chema ka kʼabu kʼamaFarisi gbʼo̩la le̩ i fʼuma dahi?

Matiu 9:34

AmiFarisi muda kakini, Lugbo agboji amebili oñ i ane amebili dufu.

Malakai 2:16

Todu edʼo̩ya tinyo̩ chʼe̩wñ ulaka-mi, Jihofa O̩jo̩ e-Israe̩l ka-i, kpai e̩ne̩ ki kʼotogbo-wñ bʼe̩wñ afuma kʼi ache ma; todule̩ me̩ nafʼafu-me̩ de, ku me̩ we edʼo̩wo̩ tef ukpo arʼo̩kpo̩.

Mark 10:1

I kwane̩ kwʼo̩mo̩ wa oj ane̩ Judia kpai ejudaba Jo̩rdan; oñ o̩wo̩ amone̩ ño̩ kpe̩re̩ wʼugbo-wñ ge̩; tak i ño̩ ko̩ ma e̩wñ alu kʼi te̩tache.

Mark 10:3

Oñ i dohi ñwu ma, kakini, Abu Mose̩s tuko̩ ñwu me̩?