Maika 6:10 - O̩TAKADA O̩LA O̩JO̩ 1970

¹⁰ E̩wñ akoko bibi ño̩ bo̩ jʼef unyi e̩ne̩bibi ge̩? kpʼuñwa e̩wñ ki nya kʼi chʼe̩wñ ihie̩ne̩ le̩?

Maika 6:10 ပူးပေါင်းရင်းမြစ်များ

Emo̩s 3:10

Todu ama ma e̩nyo̩ eche n, Jihofa aka-i, abo ku ma kʼe̩wñ akpulu eche kpʼoji eji muja unyi unyi ojima-ma.

Ita, Ita 20:10

E̩ñwa e̩bo̩ kpai e̩ñwa agbamgbam kʼeta kpai ela-wñ chʼojoji ojoji ejeji-wñ chʼe̩wñ ihie̩ne̩ okujo̩ eju Jihofa.

Ita, Ita 21:6

E̩wñ akoko kʼukpalu olemi ako wa chʼatula kʼabo ku ma tene uku ake̩che̩ tʼemi tʼemi.

Ita, Ita 20:23

E̩ñwa e̩bo̩ ojoji ojoji chʼe̩wñ ihie̩ne̩ ñw Jihofa, e̩bo̩ olemi la anyo̩ n.

Ita, Ita 11:1

E̩bo̩ uji chʼe̩wñ ihie̩ne̩ ñw Jihofa, ama e̩wñ eñwa tʼeju-wñ chʼuyo̩-wñ.

Ita, Ita 10:2

E̩wñ akoko ku ma ne̩ lef ali bibi anʼile du n, ali o̩kpakpa muda agba one̩ bʼuku te̩.

Jo̩shua 7:1

Ama amo̩ma Israe̩l fʼada je̩ efu e̩wñ ku ma kojo̩ ñw O̩jo̩ le̩; todu Ekan, o̩ma Karmi, o̩ma Zabdi, o̩ma Zara, ef o̩lo̩pu Juda, mʼe̩wñ ko kwef e̩wñ ku ma kojo̩ ñw O̩jo̩ le̩; tak uwe̩do̩ Jihofa mutajo abʼabo Israe̩l ma.

Ze̩fanaya 1:9

O̩jo̩ le̩ omi la awa bʼudu ñw abo du ku ma ro̩ lʼoji ubo̩ alugbana, ku ma la kʼe̩wñ afuma kpʼuji wʼef unyi odu-ma e̩ko̩.

Maika 6:9

Omuko̩la Jihofa nakwa ñw ewo-i— oñ ibe nʼago odu-we̩: Me̩ gbʼomu itali, kpʼe̩ne̩ kʼi dʼo̩da-wñ te̩!

Emo̩s 3:9

Ame̩ ki dʼu kpogo unyi unyi ojima Ashdo̩d, kpʼunyi unyi ojima oj ane̩ Ijipti, ku me̩ kakini, Me̩ kʼo̩la-me̩ wa jeju oj uwo uwo Samaria, ku me̩ la go utu inaina ki tʼo̩mo̩, kpʼabo ku ma che ma o̩lachi ku ma jʼalumeji-wñ.

Ze̩karaya 5:6

Tak u kakini, E̩wñ i che ta? Oñ i kakini, E̩fa uñwe̩wñ ki adufu le̩ de̩. I ño̩ kakini, Alu kʼe̩wñ le̩ de̩ eju ugbo du ane̩-i de̩.