Maika 3:3 - O̩TAKADA O̩LA O̩JO̩ 1970

³ ku me̩ laño̩ je̩ o̩re̩la abo-mi, ku me̩ la na año̩-ma bʼuma o̩la te̩, ku me̩ gu achiku-ma che̩, ku me̩ la fʼuma kpanya jo̩ dabe̩ne̩ ku ma ako nyʼucha, dabe̩ne̩ ki chʼe̩la ef uchade̩.

Maika 3:3 ပူးပေါင်းရင်းမြစ်များ

Eli Eko̩ DʼO̩jo̩ 14:4

Amachʼuko̩lo̩ ibe̩te̩ le̩ chaka ma e̩wñ du n ku ma kʼamone̩-mi je̩ dabe̩ne̩ kʼuje̩wñ, ma la kwado̩ Jihofa n?

Izikie̩l 11:3

kʼama kakini, Iko kʼa ako̩ unyi me̩rane̩ n. Ewo-i chʼucha, awa la chʼe̩la-wñ.

Ze̩fanaya 3:3

Amagboji-wñ ku ma jʼalumeji-wñ chʼamidu ku ma jo̩ akwa; amakajo̩-wñ la chʼamo̩gu ku ma dufu olane̩ ma tʼe̩wñ du no̩ nyʼodudu n.

Eli Eko̩ DʼO̩jo̩ 27:2

E̩gba kʼamache̩wñ bie̩ne̩ lewa kobʼumi, ku ma je̩ o̩re̩la-mi, owñ chʼabo ku ma che mi o̩pe̩cha kpai ame̩nebi-mi, ma fʼe̩re̩ ko̩, oñ ma lewane̩.

Aizaya 3:14

Jihofa abʼabogijo amone̩-wñ kpʼamajo̩fe̩-ma kajo̩: Ame̩ chʼabo ku me̩ kʼuche̩ achiwebe̩te̩ma le̩ je̩ kpa, ane̩ ame̩no̩bata ku me̩ dinya jʼef unyi-me̩.

Izikie̩l 24:4

mʼe̩kpanya-wñ ya jʼef uwñ, e̩kpanya-wñ ki nyo̩ du, tʼuta-wñ, tʼo̩wo̩-wñ; mʼachiku e-o̩me̩me̩le̩ ko nyʼu e̩ko̩.

Maika 2:8

O̩feje-i abo-mi kwane̩ dabe̩ne̩ kʼe̩nebi; me̩ mʼotogbo manyʼe̩wñ o̩la gwo̩, bʼabo ku ma lale no̩ko̩o̩ kʼibe uja ma dʼef uma n o̩la te̩.

Ita, Ita 30:14

Abo o̩gbaʼka do̩mo̩ kʼenyi-ma chʼo̩kwo̩chageli, elichi-ma la chʼo̩be̩, ku ma mʼame̩no̩bata ko mi bʼile̩ te̩, ku ma ko ame̩nale bʼef amone̩ te̩.

Aizaya 3:15

Abu me̩ le ku me̩ fʼamone̩-mi te̩mane̩, ku me̩ la fʼame̩no̩bata eju no̩? Ondu, Jihofa ki nʼe̩wñ du, ka-i.

Emo̩s 8:4

Me̩ ki gbʼe-kide̩, ame̩, kʼe̩do̩ ache me̩ fafafa ku me̩ dʼe̩nale mi, ku me̩ la je̩ ñw ame̩no̩bata we ede̩,