Maika 1:13 - O̩TAKADA O̩LA O̩JO̩ 1970

¹³ Fʼo̩kogu ji manyʼe̩la ki afule, O onobule̩ ki adodo Lakish; owñ le̩ chʼuchane̩ adure ñw o̩ma onobule̩ Zayo̩n, todu ma fʼada kʼIsrae̩l je̩ li ef uwe̩.

Maika 1:13 ပူးပေါင်းရင်းမြစ်များ

Abakwane̩ 19:17

Oñ i lewatu abu ku ma mʼuma ko wʼo̩do̩da, i kakini, Ra lo tod oji-we̩; e̩ ki dʼej ubi n, e̩ ki dago ugbo du egbili-i n; ra tugbo uwo le̩, tode̩gba ku ma fʼuwe̩ lie̩.

1 Amonu 14:16

I la atʼabo Israe̩l no̩ tinyo̩ tod adure adure Je̩ro̩boam, owñ chʼe-kʼowñ onugo che kpai e-kʼi ño̩ je ñw abo Israe̩l che ge̩.

1 Amonu 16:31

Oñ i lewatu, dabe̩ne̩ kʼelule̩ ef adure Jeroboam o̩ma Nebat, chʼe̩wñ fuye̩ eju-wñ, i ño̩ fʼu Je̩zebel O̩ma E̩tbeal onu Saido̩n, ne̩ chʼo̩ya, tak i re̩ Beal, i laño̩ dojikane̩ ñw u.

1 Amonu 4:28

Ma ño̩ ko o̩ka barli kpai egbe wa o̩mo̩ tod amanya kpai amagema, ma ko wʼugbo ku ma nʼeku-wñ alu ku ma ñwa ñw e̩ne̩ne̩ne̩ne̩.

2 Amonu 14:19

Taku ma fʼalo da nyʼu Je̩rusale̩m; oñ i ra nyi Lakish; ma muda fʼʼonuche̩ kpe̩ tʼo̩ ubi nyi Lakish, oñ ma mʼu du kpa o̩mo̩.

2 Amonu 18:17

Tak onu Asiria fu Tartan kpai Rabsaris kpai Rabshake̩ kpe̩ kwo Lakish nyʼugbo onu He̩ze̩kaya, ma kʼabogu wewe wa Je̩rusale̩m. Oñ ma mute̩gu lewa Je̩rusale̩m. Tak e̩gba ku ma mute̩gu wa kpa, ma lewa dago ugbo o̩cha omi abukpe omi e-ate̩ le̩, oñ chʼe-ki dʼej o̩na oko agwukpo.

2 Amonu 8:18

Oñ i lule̩ lʼo̩na amonu Israe̩l, alu kʼabo unyi Ehab che; todu i nʼoma Ehab chʼo̩ya-wñ; i la fʼe̩wñ ki bie̩ne̩ eju Jihofa che.

2 Iko Iko E̩wn 11:9

kpai Adoreim kpai Lakish kpai Azika

2 Iko Iko E̩wn 32:9

Ubi le̩ Se̩nake̩rib fʼabuko̩lo̩-wñ kpuche̩ nyi Je̩rusale̩m (owñ onugo la dʼo̩gba Lakish, ukpahiu-wñ du la jʼugbo-wñ), oñ i fʼuche̩ kpe̩ ru He̩ze̩kaya onu Juda kpʼabo Juda du ku ma jo̩ Je̩rusale̩m, kakini,

Job 39:10

Uwe̩ neke nʼiku ji e̩fa kʼi akʼe̩be̩ ñw e̩? I jʼaluche̩ tʼuwe̩ ubi ef o̩go̩?

Akwodufu 32:21

Taku Mose̩s ka ñw Aro̩n kakini, Ab amone̩-i chʼe̩ kʼe̩ fʼadure inaina-i fa bʼuma oji ma taa?

Aizaya 10:31

Madmena chʼe̩nara, abo ku ma dodo Gebim ara tod oji-ma.

Aizaya 36:2

Tak onu Asiria le̩ fu Rabshake̩ kpe̩ akwo Lakish nyi Je̩rusale̩m ugbo onu He̩ze̩kaya, abogu-wñ chewewe. Oñ i dago ugbo o̩na kʼomi acha tef abukpe ojikpadala uche̩ ugbo ku ma gwʼukpo le̩.

Aizaya 37:8

Abe̩le̩ Rabshake̩ mudabi, oñ i lewa ke̩re̩bʼonu Asiria abu kʼi do̩mo̩ akʼogu bo̩ Libna; todu owñ gbʼinabali ka kʼi kwo bo̩ Lakish te̩ me̩.

Je̩re̩maya 3:8

Tak u li kakini, Omi chaka dʼIsrae̩l ki alʼubi ubi le̩ tinyo̩ kʼu la mʼo̩takada e̩daru du ñw u tod o̩ko̩ eje̩-wñ le̩, Juda o̩maye-wñ ki adʼo̩wo̩ tef ukpo arʼo̩kpo̩ le̩ ko̩ erailo. Owñ muda ño̩ lenʼajo̩ko̩ ge̩.

Je̩re̩maya 34:7

e̩gba kʼabogu onu Babilo̩n jʼakʼogu bo̩ Je̩rusale̩m, kpʼewo ewo Juda ki bo̩, kpai Lakish, kpai Azika; todu abʼe-le̩ kate bo̩ chʼewo Juda ki nʼaku.

Je̩re̩maya 4:29

Ewo ewo du ara tod ekuku amananya kpʼabo ku ma nʼo̩o̩do̩ ku ma gbo̩; ma ra nyʼefoko ugbo ki jukpa; ma la mute̩gu rʼef okuta okuta; ma hi ewo ewo du tinyo̩, i nʼe̩ne̩kate ki gugu ef uwñ n.

Izikie̩l 23:11

O̩maye-wñ, Oholiba, la liʼu, i muda kpabie̩ tule ef udo̩laga-wñ kpʼe̩wñ abutabu-wñ, kʼi la tʼo̩ko̩ eje̩ e-o̩maye-wñ le.

Maika 1:5

Todu ada ki Jeko̩b je̩ oñ e̩wñ-i chaka de̩, kpai tod adure adure abo unyi Israe̩l. E̩wñ chʼada ki Jeko̩b je̩ ta? Owñ che Samaria n? E̩wñ la chʼotete otete Juda ke? I che Je̩rusale̩m in?

Jo̩shua 10:3

Todule̩ Adoni-Zede̩k, onu Je̩rusale̩m le̩ fʼone̩ kpe̩ru Hohma onu He̩bro̩n, kpai Piram onu Jarmut, kpai Jafia onu Lakish, kpai De̩bir onu Eglo̩n, kakini,

Jo̩shua 15:39

kpai Lakish kpai Bo̩zkat kpai Eglo̩n

O̩la E̩bite 2:14

Omi muda nʼe̩wñ meji ñw e̩ta kʼu nadu gwunyʼe̩, kakini, E̩ chenʼabo ku ma gwo̩nyʼuko̩ o̩la Belam o̩mo̩, owñ ki ko̩ Bele̩k kʼi kʼe̩wñ udahi jo̩ o̩gba amo̩ma Israe̩l, kʼama ki je̩ e̩wñ ku ma kpa ñw ode ku ma ki ño̩ che e̩wñ abutabu.

O̩la E̩bite 2:20

I muda nʼe̩wñ kʼu nadu gwunyʼe̩, ka kʼuwe̩ tʼonobule̩ Je̩ze̩be̩l le̩ no̩ te̩ ofo, owñ ki adʼo̩la-wñ kʼakache̩ le̩, kʼi la ako̩ amadu-mi, oñ i agba ma ibe ku ma che e̩wñ abutabu ku ma ño̩ je̩ e̩wñ ku ma kpa ñw ode.