Maika 1:1 - O̩TAKADA O̩LA O̩JO̩ 1970

¹ O̩la Jihofa ki wʼugbo Maika, e̩ne̩ Mo̩rashe̩t, o̩kpanachi Jotan kpʼEhaz kpai He̩ze̩kaya, amonu Juda, owñ chʼo̩la Samaria kpai Je̩rusale̩m kʼi li.

Maika 1:1 ပူးပေါင်းရင်းမြစ်များ

2 Amonu 15:32

O̩do̩ ekeji ki Peka o̩ma Re̩malaya jʼonu Israe̩l Jotam, o̩ma Uzaya, chane̩ ejʼonu Juda.

2 Amonu 15:5

Taku Jihofa fʼonu le̩ gwʼo̩ga, oñ i mud e̩no̩ga ikpemute gbogbo mʼo̩jo̩ uku-wñ. I la gugu ef unyi kʼi chʼe̩date̩ ojoji. Jotam o̩ma onu le̩ la nʼo̩da abo unyi-wñ, owñ nʼajo̩ amone̩ ane̩ le̩ aka.

2 Amonu 16:1

O̩do̩ Peka o̩ma Re̩malaya e̩ke̩gwebie̩, Ehaz o̩ma Jotam onu Juda chane̩ ejʼonu-wñ.

2 Amonu 18:1

Oñ i lewatu o̩do̩ e̩ke̩ta ku Hoshia, o̩ma Ela, jʼonu Israe̩l taku He̩ze̩kaya, o̩ma Ehaz, chane̩ ejʼonu Juda.

2 Iko Iko E̩wn 28:1

O̩do̩ Ehaz chʼogu e̩gba kʼi chane̩ ejonu. Oñ i jonu Je̩rusale̩m o̩do̩ me̩gwe̩fa; i la chʼe̩wñ o̩kpakpa eju Jihofa alu kʼata-wñ Defidi che n.

2 Iko Iko E̩wn 29:1

O̩do̩ He̩ze̩kaya chʼogue̩lu e̩gba kʼi chane̩ ejonu. I la jonu Je̩rusale̩m o̩do̩ ogu nyoke me̩la. Odu iye-wñ la ko̩ Abaija, o̩ma Ze̩karaya.

Aizaya 1:1

Ane̩ kʼAizaya, o̩ma Emoz, go de̩, owñ chʼe̩wñ Juda kpai Je̩rusale̩m kʼi li o̩kpanachi Uzaya kpai Jotam kpʼEhaz kpai He̩ze̩kaya, amonu Juda le̩.

Aizaya 1:2

O efojale, gbo̩ ke, O ile̩, netiru ke; todu Jihofa ka me̩, i kakini: U fʼamo̩ma ne̩ gba, ma muda fʼe̩re̩ ubi ro̩ ñw mi.

Aizaya 7:1

Oñ i lewatʼo̩kpanachi Ehaz, o̩ma Jo̩tam kʼi chʼo̩ma Uzaya, onu Juda le̩, ku Re̩zin, onu Siria, kpai Peka, o̩ma Re̩malaya onu Israe̩l, mute̩gu nyi Je̩rusale̩m ku ma kʼogu bʼo̩, ma muda neke dʼu n.

Aizaya 7:9

Oji Ifraim la che Samaria, oji Samaria la chʼo̩ma Re̩malaya le̩. Me̩ ma dʼo̩ rʼochochi n, ame̩ anʼe̩rane̩ n chuu.

Je̩re̩maya 26:18

Maika e̩ne̩ Mo̩reshe̩t le̩ kache̩ iko He̩ze̩kaya, onu Juda, oñ i ka ñw amone̩ Juda chaka kakini, Abu ki Jihofa ki nʼe̩wñ du aka de̩, kakini, Ma akʼe̩be̩ Zayo̩n dabe̩ne̩ kʼoko; Je̩rusale̩m amud ugbudu ucho̩do̩, oñ uwo unyi-i adab otete efoko ʼka.

Hosiya 1:1

O̩la Jihofa ki wʼugbo Hosiya, o̩ma Been, iko Uzaya kpai Jotan kpai Ehaz kpai He̩ze̩kaya, amonu Juda, kpai iko Je̩roboam, o̩ma Joash, onu Israe̩l de̩.

Hosiya 4:15

Dagba kʼuwe̩, O Israe̩l, chaka tʼajo̩ko̩, Juda ki muda fʼudu n. Me̩ ki la te̩gu nyi Gilgal in, me̩ ki la te̩gu nyi Be̩t-afe̩n in, me̩ ki la go̩ kakini, Oji Jihofa n.

Hosiya 8:14

Todu Israe̩l fʼAcho̩na-wñ gbenyo̩, oñ i fʼunyi unyi ojima ko̩ jo̩; Juda la che kʼewo ewo ki nʼaku ki wewe nyo̩gba; omi muda aje̩ ñw una wa abʼewo ewo-wñ ma, owñ la afʼunyi unyi ojima-wñ lie̩.

Emo̩s 1:1

O̩la Emo̩s kʼi dʼef amadide ame̩wño̩re̩ Te̩koa, owñ chʼo̩la Israe̩l kʼi li iko Uzaya, onu Juda, kpʼiko Je̩ro̩boam, o̩ma Joash, onu Israe̩l. I li o̩do̩ meji tak ane̩ le̩ miejo.

Emo̩s 6:1

Atogwo ñw abo ku ma jo̩ Zayo̩n añmi ofo, kpʼabo ku ma ke̩do̩no ejo̩ ku ma jo̩ oj uwo Samaria no̩ko̩o̩, owñ chʼame̩nuwohi ku ma jʼef uche̩ichi ki tʼo̩gba, e-kʼabo unyi Israe̩l awʼugbo ma!

Maika 1:5

Todu ada ki Jeko̩b je̩ oñ e̩wñ-i chaka de̩, kpai tod adure adure abo unyi Israe̩l. E̩wñ chʼada ki Jeko̩b je̩ ta? Owñ che Samaria n? E̩wñ la chʼotete otete Juda ke? I che Je̩rusale̩m in?

Maika 3:9

Me̩ gbʼe-i, o̩ko̩ nagba bʼume̩, ame̩ ku me̩ dʼoji dufu ef unyi Jeko̩b kpʼabo̩hiala unyi Israe̩l, ku me̩ hihie̩ne̩ oj ajo̩ o̩kpakpa eka, ku me̩ la mʼe̩wñ du ki chʼeju-wñ rida.

Habakuk 1:1

O̩la ku Habakuk, akache̩, li de̩.

2 Pita 1:21

Todu, e̩wñ ki du one̩ e̩do̩ nʼache̩ eka du wa mama ta n: chai abo kʼAfu Kiafo̩ ne̩ ma alo kʼo̩la ki kwʼugbo O̩jo̩.