Luku 9:44 - O̩TAKADA O̩LA O̩JO̩ 1970

⁴⁴ O̩la-i ki natunyʼume̩ eti; todu ma ache ku ma dʼO̩ma One̩ tef o̩wo̩ amone̩.

Luku 9:44 ပူးပေါင်းရင်းမြစ်များ

E̩wñ kʼAme̩nukpuche̩ Che 2:23

owñ, ku ma mudu te̩ ñwu ma alu kʼuneku O̩jo̩ date̩, kpai alu kʼO̩jo̩ fuma tane̩, ame̩ nʼo̩wo̩ ame̩nugbite̩re̩ fʼu kaba mʼoli, me̩ la fʼu kpa ku:

Luku 9:22

i kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada ki laño̩ kʼo̩, ku ma ñʼadʼu kpa ge̩, tak o̩jo̩ e̩ke̩ta-wñ ma adʼu dajikwane̩ ge̩.

Abo Hibru 2:1

Lef e-kide̩ oñ i dukpe̩ kʼa dibetʼe̩wñ kʼa gbo̩ le̩ ololololo tode̩gba kʼa cha gwʼo̩ du.

Luku 2:19

Me̩ri la nʼo̩la e̩wñ le̩ du adejute̩, i nʼibe-wñ akpe̩ ef e̩do̩-wñ.

Jo̩n 19:11

Jisus dohi ñw u kakini, Iche̩wñ ku ma ma du ñw e̩ kwʼate̩ n, e̩ ma nʼo̩da du ugbo mi n. Tod e-kide̩ e̩ne̩ ki mʼumi du ñw e̩ nʼadure ki nana tule.

Jo̩n 16:4

U muda fʼo̩la e̩wñ kide̩ ka ñwu me̩ me̩, todu kʼe̩gba du kʼauwa le̩ lewa kʼame̩ ki dibekadʼo ka kʼomi ka ñwu me̩ me̩. U la ka e̩wñ kide̩ ñwu me̩ kwʼabakwane̩ n, todabu kʼu dʼugbo me̩.

Luku 24:44

Tak i ka ñwu ma kakini, E-i chʼo̩la-mi kʼu ka ñwu me̩ e̩gba kʼu dʼugbo me̩ ta, ka kʼi chʼotila kʼe̩wñ du ki che̩ko̩tane̩ ef o̩loda Mose̩s kpʼamakache̩ kpʼEli ku Defid ko̩ do̩ O̩jo̩ ugbo o̩la-mi, ki che̩ kpa.

Luku 18:31

Tak i mʼamame̩gweji le̩ ko oñ i ka ñwu ma kakini, Me̩ go, a ate̩gu nyi Je̩rusale̩m, tak o̩la O̩ma One̩ du ki che̩ko̩tane̩ lef amakache̩ achekpoji.

Luku 2:51

Tak i lebʼuma oñ i lewa Nazare̩t; i la fʼo̩la-wñ kamuhi te̩ ñwu ma; oñ iye-wñ dejutʼo̩la-i du ef e̩do̩-wñ.

Luku 1:66

Abo du ku ma la gbʼo̩ mʼu du tef e̩do̩-ma, ma kakini, Abʼimo̩to̩ kide̩ ade̩ ta? Todu o̩wo̩ Ondu dʼubi owñ.

Mark 9:31

Todu i nʼe̩wñ ako̩ amako̩che̩-wñ, oñ i ka ñwu ma kakini, Ma adʼO̩ma One̩ tef o̩wo̩ amone̩, taku ma adʼowñ kpa; oñ abu ku ma fʼu kpa, o̩jo̩ me̩ta tak i adajikwane̩.

Mark 8:31

Tak i chane̩ e̩ko̩ ma kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada añwʼowñ ka kʼinyo̩ n, ku ma la fʼu kpa, o̩jo̩ me̩ta tak i adajikwane̩.

Matiu 26:2

Ame̩ chema ka ki bo̩ o̩jo̩ meji tak Elaloji awane̩, ku ma adʼO̩ma One̩ ñwu ma mu ku ma fʼu kamoli.

Matiu 16:21

Akwʼe̩gbale̩ Jisus chane̩ eña amako̩che̩-wñ ka kʼenyi Je̩rusale̩m e-wñ nʼechi n, kʼi ali uwa nana o̩wo̩ abogijo kpʼo̩wo̩ amagboji amatama kpʼamako̩takada, kʼekpa ma akpa, taku ma ñʼadʼu kwane̩ o̩jo̩ e̩ke̩ta-wñ.

2 Samiue̩l 24:14

Taku Defid ka ñwu Gad kakini, O̩pe̩cha kʼu dʼef uwñ-i gbe̩: a ki ñwa tef o̩wo̩ Jihofa; todu ejumomi e-wñ tabale; i ki la je̩ ñwu mi ñwa tef o̩wo̩ one̩ n dee.

Jo̩n 16:31

Jisus dohi ñwu ma kakini, Me̩ ke̩do̩no fa-i?