Luku 9:43 - O̩TAKADA O̩LA O̩JO̩ 1970

⁴³ Oñ ibe takpa rʼo̩chaka-ma efu noj e̩gahi elile e-O̩jo̩-i. Ama abu kʼo̩chaka-ma jʼayaye e̩wñ du kʼi che, i ka ñw amako̩che̩-wñ kakini,

Luku 9:43 ပူးပေါင်းရင်းမြစ်များ

Matiu 17:22

Oñ abu ku ma aletʼemi tʼemi ane̩ Galili Jisus ka ñwu ma kakini, Ma che ku ma dʼO̩ma One̩ tef o̩wo̩ amone̩ me̩.

2 Pita 1:16

Todu i chʼalo̩ ku ma nʼibe elo̩ oñ a tʼo̩ ubi tak a je̩ ñwu me̩ ma ukpahiu kpai ewa e-Ondu-wa Jisusi Kraisti n, ama awa onugo la mud abo kʼeju-wa li e̩gahi-wñ.

Luku 8:25

Tak i ka ñwu ma kakini, Ugbo e̩do̩-ekono-me̩ de̩? Ma la railo, ma kwoyaye, ma ko̩la ñw o̩la-ma kakini, E̩ne̩ de̩-i taa? I chaka chʼomi kpai afu, i añwa ñwu ma, ma la gbʼo̩la-wñ gbo̩?

Luku 5:26

Ibe o̩gbo̩-ma chaka du la mukpatuka, oñ ma dojima ñw O̩jo̩; efu-ma la che̩ko̩ ñw ailo, ma kakini, E̩wñ-aduña oñ a li eñini.

Luku 4:36

Tak e̩gahi fʼuma mu chaka, oñ ma ka ñw o̩la-ma kakini, O̩la e̩wñ de̩-i ta? Todu i nʼo̩da kpʼukpahiu añwañw amafu ku ma ma de̩hiolo n oñ ma kwʼef one̩ dufu?

Ze̩karaya 8:6

Abu ki Jihofa ki nʼe̩wñ du aka de̩ kakini, Dagba i chʼe̩wñ awuwu eju abubo̩ amone̩-i iko le̩, i ño̩ dukpe̩ ki chʼe̩wñ awuwu eju-mi ge̩? Jihofa ki nʼe̩wñ du aka-i.

Luku 5:9

Todu e̩gahi fʼu mu kpai abo du ku ma manyʼuwñ noj e̩ja ku ma mu le̩;

Mark 6:51

Tak i nyʼugbo ma ef o̩ko̩; afu le̩ muda; tak ibe ef uma mukpatuka ololo ololo.

Eli Eko̩ DʼO̩jo̩ 139:14

Nagogbodʼe̩, todu alu kʼe̩ che mi abailo, i chʼe̩wñ aye. Uko̩lo̩-we̩ du chʼawuwu! Onugo-mi la chema e-le̩ nyo̩nyo̩.

Luku 9:42

Oñ abu kʼi awa, ebili le̩ fʼu ro̩ fiane̩, i la chʼo dab ajukpakpa. Taku Jisus dejurʼafu ki ma de̩hiolo n le̩, oñ i fʼo̩ga imo̩to̩ le̩ chekpa, tak i mʼu dudabi ñw ata-wñ.

Luku 18:43

Oñ e̩re̩re̩le̩ i kwogane̩, i la tʼowñ ubi, i nadojima ñw O̩jo̩: oñ abu kʼamone̩ le̩ chaka li u, ma nañwulo̩ O̩jo̩.