Luku 9:22 - O̩TAKADA O̩LA O̩JO̩ 1970

²² i kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada ki laño̩ kʼo̩, ku ma ñʼadʼu kpa ge̩, tak o̩jo̩ e̩ke̩ta-wñ ma adʼu dajikwane̩ ge̩.

Luku 9:22 ပူးပေါင်းရင်းမြစ်များ

Luku 24:7

i ka ku ma adʼO̩ma One̩ tef o̩wo̩ ame̩nadure tila, ku ma fu kamoli, tak o̩jo̩ e̩ke̩ta-wñ i adabi kwane̩.

Luku 9:44

O̩la-i ki natunyʼume̩ eti; todu ma ache ku ma dʼO̩ma One̩ tef o̩wo̩ amone̩.

1 Pita 1:11

Ma jʼatejane̩ iko e̩gba, kpai alu kʼiko kʼAfu Kraisti kʼi dʼef uma le̩ adu dufu ade̩, owñ chʼabu kʼi nagbʼibenu tane̩ ugbo iwo̩ ki Kraist ali kpai ojima ki dʼubi-wñ.

Mark 9:31

Todu i nʼe̩wñ ako̩ amako̩che̩-wñ, oñ i ka ñwu ma kakini, Ma adʼO̩ma One̩ tef o̩wo̩ amone̩, taku ma adʼowñ kpa; oñ abu ku ma fʼu kpa, o̩jo̩ me̩ta tak i adajikwane̩.

Mark 8:31

Tak i chane̩ e̩ko̩ ma kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada añwʼowñ ka kʼinyo̩ n, ku ma la fʼu kpa, o̩jo̩ me̩ta tak i adajikwane̩.

Matiu 17:12

Omi muda aka ñwu me̩-i ka kʼE̩laija lewa me̩, ma la mejuma owñ n, oñ ma fʼe̩wñ du ki dʼuma e̩do̩ chʼo. Abe̩le̩ O̩ma One̩ ache kʼi li uwa ugbo ma ge̩.

1 Abo Ko̩rint 15:4

ka ku ma ño̩ mʼu du ji; ka ku ma la mʼowñ du kwane̩ o̩jo̩ e̩ke̩ta alu kʼO̩takada O̩la O̩jo̩ ka;

Luku 24:26

Idukpe̩ ku Kraist ali uwa ugbo e̩wñ-i tila n? kʼi laño̩ mugudu tef ojima-wñ n?

Matiu 17:22

Oñ abu ku ma aletʼemi tʼemi ane̩ Galili Jisus ka ñwu ma kakini, Ma che ku ma dʼO̩ma One̩ tef o̩wo̩ amone̩ me̩.

Ze̩karaya 13:7

O o̩kwo̩chageli, mʼolu ji ke, kʼe̩ kobʼadidala-mi, e̩ kobo̩ e̩ne̩ ki chʼe̩go̩-mi le̩, Jihofa ki nʼe̩wñ du ka-i. Fʼadide le̩ gwo, tak ame̩wño̩re̩ egini akpatuka; tak omi arʼo̩wo̩-mi da abʼamo̩ma egini-ma.

Danie̩l 9:26

Oñ e̩gba kʼebie ugbo o̩gbo̩ me̩ta nyoke meji jo̩ kpa, ma ako̩ Me̩saya da rinyo̩, i la anʼe̩wñ du n. Tak abo e̩nuto̩gba ki awa akpʼewo kpai uña kiafo̩ le̩ fo̩; ukpoji-wñ la awa fuulu dabe̩ne̩ kʼuwobi omi; ma la ajʼogu gbogbo tʼukpoji-wñ. Ma fʼalache̩ alache̩ ñwate̩ me̩.

Abakwane̩ 3:15

Nanyi o̩la tʼagbagba uwe̩ kpai onobule̩, kpai agbagba ugbe̩-we̩ kpai ugbe̩-wñ; i afʼuwe̩ oji gwenunu, oñ uwe̩ afʼowñ agbe̩re̩ gwenunu.

Matiu 27:63

Ma kakini, Odu, a rewa ka kʼadone̩la le̩ ka e̩gba kʼi deju ta kakini, O̩jo̩ me̩ta tak u nakwane̩.

Luku 17:25

Ama ejodudu i ali uwa wewe tila, oñ abo̩gba kide̩ afʼowñ ñwago ku ma kʼo̩ dab ijo̩bu.

Luku 24:44

Tak i ka ñwu ma kakini, E-i chʼo̩la-mi kʼu ka ñwu me̩ e̩gba kʼu dʼugbo me̩ ta, ka kʼi chʼotila kʼe̩wñ du ki che̩ko̩tane̩ ef o̩loda Mose̩s kpʼamakache̩ kpʼEli ku Defid ko̩ do̩ O̩jo̩ ugbo o̩la-mi, ki che̩ kpa.