Luku 9:16 - O̩TAKADA O̩LA O̩JO̩ 1970

¹⁶ Tak abu kʼi mʼakala me̩lu kpai e̩ja meji le̩ ko, i chʼeju go ojale, i fʼele O̩jo̩ ka nyʼu, tak i mʼu bu, oñ i mʼu ko ñw amako̩che̩-wñ ku ma dugugu o̩gba o̩wo̩-amone̩ le̩.

Luku 9:16 ပူးပေါင်းရင်းမြစ်များ

Matiu 14:19

Tak i ñwa ñw o̩wo̩ amone̩ le̩ ku ma chekukane̩ oj egbe oñ i mʼakala me̩lu kpʼe̩ja meji le̩ gba, i mʼeju korʼojale, i fʼaduwa-wñ che; tak i fʼakala le̩ guche̩, oñ i mʼu ko ñw amako̩che̩-wñ, oñ amako̩che̩ mʼu ko ñw o̩wo̩ amone̩ le̩.

Luku 24:30

Oñ i leatu, abu kʼi chekukane̩ kʼi jʼe̩wñ kpʼama, i mʼakala du oñ i fʼugwa-wñ gwa; tak i fu bu, oñ i mʼu du ñwu ma.

Matiu 15:36

i mʼakala mebie kpai e̩ja egini le̩ gba, oñ abu kʼi fʼO̩jo̩ gwa i fʼu guche̩ tak i mʼu ko ñw amako̩che̩, oñ amako̩che̩ mʼu ko ñw o̩wo̩ amone̩ le̩.

Abo Rom 14:6

E̩ne̩ ki adʼibe tʼo̩jo̩ʼka, mak Ondu i adʼibe tʼo̩ ñw u; oñ e̩ne̩ ki aje̩ e̩wñ, Ondu i aje̩ ñw u, oñ O̩jo̩ i agwʼo̩ ugwa-wñ; e̩ne̩ ki we̩ eje̩, mak Ondu i we eje̩ ñw u, O̩jo̩ i la agwʼo̩ kpo̩.

E̩wñ kʼAme̩nukpuche̩ Che 27:35

Oñ abu kʼi fʼe-kide̩ ka kʼi laño̩ mʼakala gba, i fʼO̩jo̩ gwa eju-ma chaka, oñ abu kʼi mʼu bu i chane̩ eje̩.

Jo̩n 6:23

(ama o̩mo̩ko̩ kwo Taibe̩rias wa ame̩ru ugbo ku ma jʼakala abu kʼOndu fʼugwa gwa le̩);

Jo̩n 6:11

Todule̩ Jisus mʼikpakpa le̩ gba; oñ abu kʼi fʼugwa-wñ gwa, i mʼu ko kpe̩ ñw abo ku ma jʼane̩; abe̩le̩ i ño̩ fʼe̩ja le̩ kpe̩ ñwu ma, alu du ki dʼuma e̩do̩ ge̩.

Luku 22:19

Tak i mʼakala du oñ abu kʼi fʼugwa-wñ gwa, i fʼu bu, oñ i mʼu du ñwu ma, kakini, E-kide̩ chʼaño̩la-mi [ku ma du chele todu me̩: me̩ che e-kide̩ kʼi chʼurewa-mi.

1 Abo Ko̩rint 11:24

oñ abu kʼi fʼugwa gwa i mʼu bu, tak i kakini, E-kide̩ chʼaño̩la-mi, e-kʼi chʼutodu me̩: me̩ chʼe-i tef urewa-mi.

1 Abo Ko̩rint 10:30

Iche̩wñ kʼomi mana nyʼu lo̩na ufe̩de̩nyo̩, e̩wñ chi ku ma chakpabie̩ e-mi noj e̩wñ kʼomi fʼugwa-wñ gwa ta?

Mark 7:34

tak i chʼeju go ojale, i nafifi, oñ i ka ñw u, kakini, E̩fata, owñ che, Mubite̩.

1 Samiue̩l 9:13

Ababa ku me̩ mugudu wʼef ewo, ame̩ aliʼu o̩gba tak i nyʼoj otete le̩ kʼi je̩ e̩wñ; todu amone̩ jʼaje̩ e̩wñ tak i wa n, todu owñ akadua bʼe̩wñ iche̩bo̩ le̩ ma; ubi le̩ tak abo ku ma do̩ ma wa aje̩. Todule̩ me̩ nate̩gu nyʼo̩mo̩ fai; todu iko-i oñ me̩ aliʼu.

Luku 9:15

Oñ ma fʼabe̩le̩ che, ma je̩ ñw o̩chaka-ma chekukane̩.

Luku 9:17

Ma la je̩, oñ efu-ma chaka ko̩; taku ma mʼabubo̩-wñ ki kwu ma bo̩ ko, i chʼaligada me̩gweji.