Luku 7:40 - O̩TAKADA O̩LA O̩JO̩ 1970

⁴⁰ Taku Jisus dohi ka ñw u kakini, Saimo̩n, u chenʼe̩wñ kʼu naka ñw e̩. Oñ i kakini, Akone̩wñ, ka ke.

Luku 7:40 ပူးပေါင်းရင်းမြစ်များ

Jo̩n 16:30

Fa-i a ma kʼuwe̩ chema e̩wñ du, e̩ la nʼeku ki aku uwe̩ kʼone̩ atʼuwe̩ ene n: ef e-kide̩ oñ a ke̩do̩no ka kʼugbo O̩jo̩ e̩ kwodufu wa.

Jo̩n 16:19

Jisus chema ka ki dʼuma e̩do̩ ku ma tʼowñ ene, tak i ka ñwu ma kakini, O̩la kide̩ oñ me̩ tʼo̩la-me̩ ene oji-wñ? Owñ chʼe-kʼu kakini, I de̩ pe̩ me̩ ñʼali mi n; tak i año̩ dabi de̩ pe̩ oñ eju-me̩ ado mi?

Jo̩n 13:13

Ame̩ do̩ mi ko̩ Akone̩wñ kpai Ondu, o̩me̩me̩le̩ me̩ la ka-i, todu abe̩le̩ u de̩.

Jo̩n 3:2

owñ le̩ wʼugbo Jisus odu, oñ i ka ñw u kakini, Rabai, a chema kʼuwe̩ chʼakone̩wñ ki kwugbo O̩jo̩ wa; todu e̩ne̩ du neke che ujiwe kʼuwe̩ ache-i n, chai e̩gba kʼO̩jo̩ dʼubi wñ.

Luku 18:18

Tak agbojiʼka tʼowñ ene kakini, Akone̩wñ, uwe̩ e̩ne̩nyo̩, e̩wñ nache kʼiñmi ogbegbele̩ amud e̩wñ ogu kʼu naje̩?

Luku 6:8

Owñ muda ma ibe ki dʼef uma, oñ i ka ñw e̩ne̩ kʼo̩wo̩-wñ gbe̩ le̩ kakini, Kwane̩ wa kʼe̩ dago alumeji-i. Tak i kwane̩ wa adago.

Luku 5:31

Oñ Jisus dohi ñwu ma kakini, Eku obochi aku abo ku ma nʼo̩lafia n, chai abo kʼo̩la-ma ma nyo̩ n.

Luku 5:22

Ama abu ku Jisus li iñwa ku ma je̩ le̩, i dohi ñwu ma kakini, E̩wñ chi ku me̩ jiñwa ef e̩do̩-me̩?

Matiu 7:22

Iko le̩ amone̩ wewe aka ñwu mi kakini, Ondu, Ondu, i chʼef odu-we̩ oñ a kache̩ n? I chʼef odu-we̩ oñ a nʼamebili dufu n? I laño̩ chʼef odu-we̩ oñ a chʼuko̩lo̩ ukpahiu wewe n?

Izikie̩l 33:31

Taku ma wʼugbo we̩ alu kʼamone̩ le̩ awa, oñ ma jʼane̩ o̩gba we̩ dabe̩ne̩ kʼabo e-mi, ma la gbʼo̩la kʼe̩ ka, ma muda che n; todu ma nʼalu-ma ñʼone̩ ufe̩do̩, e̩do̩-ma la tile uji ku ma aje̩ ubi.

Matiu 26:49

Tak ababa le̩ i nyʼugbo Jisus, i kakini, Agba-oo. Rabai! Oñ i dʼalu kʼo̩ alu.

Malakai 1:6

O̩ma adojima ñw ata-wñ, adu la ache ñw odu-wñ; mak iche̩wñ kʼomi chʼata one̩, ugbo ojima-mi de̩ ke? I la che̩wñ kʼomi chʼodu, ugbo ailo-mi ku ma ra de̩? Jihofa ki nʼe̩wñ du ako̩la ñwu me̩, ame̩ amatama, ku me̩ dʼodu-mi rʼibe̩te̩. Oñ me̩ kakini, Ugbo oñ awa dʼodu-we̩ rʼibe̩te̩ ke?

Luku 7:39

Ama abu kʼe̩ne̩ Farisi ki dʼo̩ wa le̩ li, i ka ef e̩do̩-wñ kakini, E̩ne̩-i ma chʼakache̩ i ma ma e̩ne̩ kʼonobule̩ ki ado̩wo̩kadʼo-i che kpʼalu kʼi de̩, todabu kʼi chʼe̩nadure.

Luku 7:41

Amajo̩me̩ meji do̩mo̩ ku ma je̩ ato̩ko̩ʼka o̩me̩; oka nʼo̩ o̩me̩ olia oli mebie, e-ekeji la chʼolia ogue̩gwa nyoke me̩ta.

1 Amonu 2:14

Oñ i kakini, U chenʼo̩laʼka kʼu naka ñw e̩. Oñ iye le̩ kakini, Ka waa.