Luku 7:25 - O̩TAKADA O̩LA O̩JO̩ 1970

²⁵ E̩wñ me̩ muda ledufu ali ke? One̩ kʼi dʼe̩wñ newu newu tʼo̩la? Me̩ go, abo ku ma nyi otogbo ojima ku ma la jʼachile̩ ef unyi amonu ma jo̩.

Luku 7:25 ပူးပေါင်းရင်းမြစ်များ

Matiu 6:29

ama naka ñwu me̩ kakini, I chaka che So̩lo̩mo̩n ef ojima-wñ chaka i kʼe̩wñ bʼo̩la ma dab oka ef e̩wñ-i n.

Matiu 3:4

Oñ e̩wñ ki Jo̩n le̩ ko bʼo̩la ma, ma nʼedudu inyakulumi hi, i la dʼaño̩ lʼago-wñ de; e̩wñ kʼi aje̩ chʼakubaliba kpʼiño̩ oko.

Aizaya 59:17

I mʼo̩kpakpa du bʼe̩do̩ ma dab e̩wñ ido̩na ogu, i la dʼukata ujadu dʼoji; e̩wñ o̩la kʼi nyi chʼache̩ ena, tak i dʼogu eja bʼoji e-le̩ ma.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

E̩sta 5:1

Oñ i lewatʼo̩jo̩ e̩ke̩ta-wñ, kʼE̩sta fʼo̩la onu-wñ mu, oñ i kwodago anuku unyi onu, e-ki me̩rʼunyi onu. Onu la gugu oj ede-wñ, ef unyi ugugu onu-wñ, ame̩rʼugbo ku ma gudu wʼef unyi le̩.

E̩sta 4:2

oñ i le gbogbo wʼo̩gba alaku onu, todu ma je̩ ñw e̩ne̩ du kʼi nyʼe̩gbanukpo gudu alaku onu n.

E̩sta 1:11

kʼama ki du Fashti, o̩ya onu, wa o̩gba onu, kpai ike̩be̩ onu-wñ, kʼi ña amone̩ kpai amagboji alifia-wñ; todu i fe̩reju ego.

E̩sta 1:3

o̩do̩ e̩ke̩ta kʼi jʼo̩fe̩ i fʼo̩te̩ hi ñw amagboji-wñ chaka kpai abuko̩lo̩-wñ, ukpahiu Pe̩rsia kpai Me̩dia, owñ chʼabo ku ma bi lʼeju O̩jo̩ kpai amagboji ojane̩ ojane̩ le̩, jʼo̩gba-wñ,

2 Amonu 1:8

Oñ ma dohi ñw u kakini, E̩ne̩ ki nyʼafe̩ ku ma nʼedudu che kʼaño̩ la lʼago-wñ de i che. Tak i kakini, E̩laija, e̩ne̩ Tishbi le̩, de̩.

1 Amonu 10:5

kpʼuje̩wñ oj itebulu-wñ kpʼalu kʼamibolo-wñ gugu e-ma jo̩, kpʼalu kʼabo ku ma che e̩wñ ñw u dago jo̩ kpʼe̩wñ o̩la-ma, kpʼabo ku ma nʼago omi ñw u, kpʼate̩gu-wñ ugbo kʼi ate̩gu nyʼunyi Jihofa; i nʼenʼibe du efu ge̩ n.

2 Samiue̩l 19:35

Eñini-i o̩do̩-mi la chʼo̩gbo̩ me̩le̩; omi ma ojoji e̩nyo̩ kpai e̩bie̩ne̩ ge̩? Adu-we̩-i ama urinyo̩ e̩wñ kʼu naje̩ abe̩k e̩wñ kʼu nañmo̩ ge̩? Omi neke gbʼomu eli kʼaboke̩le̩ kpai abobule̩ ako̩? Todule̩ e̩wñ chi kʼadu-we̩-i ñʼachʼadu anʼodu-mi onu oji ta?

Matiu 11:8

E̩wñ me̩ la dufu alike? One̩ kʼi kʼe̩wñ ne̩wu ne̩wu nyʼo̩la? Me̩ go, abo ku ma anyi e̩wñ ne̩wu ne̩wu jʼunyi amonu.

Luku 7:24

Oñ abu kʼamonuche̩ Jo̩n kwo bʼo̩mo̩ te̩, i chane̩ eka o̩la Jo̩n ñw o̩wo̩-amone̩ le̩ kakini, E̩wñ me̩ dufu nyʼaje̩tachi ago le̩ taa? Ikpo e-kʼafu amiejo ofo?

Luku 7:26

Mak e̩wñ me̩ ledufu ku me̩ li? Akache̩? Eba, naka ñwu me̩, i laño̩ che tʼakache̩ le ololo.

Luku 16:19

Oñ e̩ne̩ʼka do̩mo̩ ki chʼanana; i la anyi e̩wñ odufa kpai ukpo line̩n ki nyo̩, i la do̩mo̩ achile̩ o̩jo̩ñwa o̩jo̩ñwa.