Luku 7:22 - O̩TAKADA O̩LA O̩JO̩ 1970

²² Tak i dohi ñwu ma kakini, Me̩ nyʼadʼinabali e̩wñ ku me̩ li ku me̩ la gbo̩ ñwu Jo̩n; amafeju agane̩, amachika alule̩, o̩la ame̩no̩ga ikpemute akwo hiolo; amajeti agbo̩la, ma jʼakʼabo ki ku kwane̩, ma jʼajʼuche̩nyo̩ rʼame̩nale;

Luku 7:22 ပူးပေါင်းရင်းမြစ်များ

Luku 4:18

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩;

Jeme̩s 2:5

Me̩ gbo̩, amo̩maye-mi kʼomi afe̩do̩ me̩, i chʼame̩nale ile̩-i oñ O̩jo̩ chi ku ma mud amanana ef e̩do̩ ekono n? kpʼamaje̩ e̩wñ ogu ojane̩-wñ kʼi kʼo̩la-wñ tane̩ ñw ame̩nufe̩do̩-wñ ni

Matiu 21:14

Tak amafeju kpʼabo ku ma chika lewʼugbo-wñ ef unyi O̩jo̩, oñ i fʼo̩ga-ma che.

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Luku 7:21

Ef adiko auwa le̩, i je̩ ñw o̩ga kpai o̩pe̩cha kpai afu ibi kwo bʼamone̩ wewe te̩; i ño̩ mʼugane̩ du chʼamafeju wewe ele ufe̩de̩nyo̩ ge̩.

Ze̩fanaya 3:12

Omi muda atʼame̩no̩bata ku ma chʼame̩nubie̩ no̩ jʼalumeji-we̩. Oñ abo le̩ achubiyo̩ odu Jihofa,

Je̩re̩maya 31:8

Go, omi ako ma kwʼane̩ o̩wo̩ o̩pata ate̩ wa, kʼu la ko ma kwʼugbo ukpoji ane̩ ile̩ ugbo ki jiji tule wa jo̩, amafeju kpʼame̩no̩lo̩ ajʼef uma, onobule̩ ki dʼefu kpʼe̩ne̩ ki achefu, akpe̩re̩; uwewe-ma atabale oñ ma adabi wʼemi.

Aizaya 43:8

Kʼamafeju ku ma nʼeju dufu wa, kpʼamajeti ku ma nʼeti!

Aizaya 42:16

Omi la akʼamafeju wa lʼo̩na kʼama ma ma n, lʼikpa ikpa kʼama ma ma n oñ nane̩ ma le. Naje̩ ñw e̩chubi mud ugane̩ o̩gba-ma, oñ ugbo ki de̩ kpolo kpolo nache te̩e̩le̩. E̩wñ-i nache, u la ahiʼuma tinyo̩ n.

Eli Eko̩ DʼO̩jo̩ 146:8

Jihofa achʼeju amafeju. Jihofa akʼabo ku ma pu tane̩ kwane̩ Jihofa afe̩do̩ ame̩no̩kpakpa.

Job 29:15

Omi chʼeju ñw amafeju, kpʼe̩re̩ ñw abo ku ma chika.

E̩wñ kʼAme̩nukpuche̩ Che 8:7

Todu amafu ki ma fe̩ n kwef amone̩ wewe dufu kpai ogu lile ekpa; oñ o̩ga ame̩no̩ga e̩kuto̩la kpai ame̩no̩lo̩ wewe takpa.

Jo̩n 1:46

Taku Natanie̩l ka ñw u kakini, E̩te̩ e̩wñ e̩nyo̩ neke de̩ Nazare̩t? Filip ka ñw u kakini, Lewa go,

Matiu 11:5

amakpejufo̩ adabi agane̩, amachika alule̩, o̩la ame̩no̩ga ikpemute afe̩, amajeti la agbo̩la, ma kʼabo ki ku kwane̩, ma ño̩ jʼUche̩nyo̩ rʼame̩nale.

Luku 7:23

e̩ne̩ ki ma la dʼo̩la-wñ hi efu mi n gbede.