Luku 7:16 - O̩TAKADA O̩LA O̩JO̩ 1970

¹⁶ Oñ ailo fʼabo du mu; ma la kwodojima ñw O̩jo̩ kakini, Akache̩ lile kwane̩ ef uwa-i, O̩jo̩ lewa fejudo abo-wñ me̩.

Luku 7:16 ပူးပေါင်းရင်းမြစ်များ

Luku 7:39

Ama abu kʼe̩ne̩ Farisi ki dʼo̩ wa le̩ li, i ka ef e̩do̩-wñ kakini, E̩ne̩-i ma chʼakache̩ i ma ma e̩ne̩ kʼonobule̩ ki ado̩wo̩kadʼo-i che kpʼalu kʼi de̩, todabu kʼi chʼe̩nadure.

Matiu 9:8

Oñ abu kʼo̩wo̩ amone̩ le̩ li ma kworailo, ma chane̩ edojima ñw O̩jo̩ kʼi dʼo̩da abe̩le̩ ñw one̩.

Luku 1:68

Ondu, O̩jo̩ e-Israe̩l ki nele; todabu kʼi wa fejudo amone̩-wñ, i laño̩ fʼe̩wñ uro̩me̩ che ñwu ma ku ma tane̩,

Je̩re̩maya 33:9

oñ ewo-i achʼodu uyo̩ ñwu mi kpʼuñwulo̩ kpʼojima eju abo uche̩ichi ane̩ ile̩-i du, ku ma agbʼinabali e̩nyo̩ du kʼu nache ñwu ma. Ma la arailo, o̩la-ma aga noji e̩wñ e̩nyo̩ du kpʼure̩do̩ du kʼomi agba wa ñw u.

Luku 5:26

Ibe o̩gbo̩-ma chaka du la mukpatuka, oñ ma dojima ñw O̩jo̩; efu-ma la che̩ko̩ ñw ailo, ma kakini, E̩wñ-aduña oñ a li eñini.

Luku 2:20

Tak amadidala le̩ mudabi kpai edojima ñw O̩jo̩ kpai eñwulo̩-wñ noj e̩wñ du ku ma gbo̩ ku ma li, alu ku ma ko̩la ñwu ma.

Luku 1:65

Oñ ailo kwoba abadogbe-ma du; o̩la-i du la mud oluka ane̩ uwo Judia chaka.

Matiu 21:11

Oñ o̩wo̩ amone̩ le̩ kakini, Owñ-i che Jisus, akache̩ kʼi kwo Nazare̩t e-Galili le̩.

Matiu 15:31

Todabe̩le̩ o̩wo̩ amone̩ le̩ chane̩ eyaye abu ku ma li amajalu ku ma ako̩la, kʼame̩no̩lo nʼo̩lafia, kʼamachika alule̩, kʼamafeju agane̩; oñ ma kwodojima ñw O̩jo̩ e-Israe̩l.

Eli Eko̩ DʼO̩jo̩ 65:9

Uwe̩ lewa afejudʼane̩ ile̩-i me̩, e̩ la chʼomio̩fo rʼu, uwe̩ aje̩ ñw ane̩ nʼo̩fu nana; o̩cha ohimini O̩jo̩ chʼeko̩ ñw omi-o̩fo̩; e̩ fʼile̩ ñwo̩che abe̩le̩, oñ e̩ ñwʼe̩wñ e̩yo̩ che jo̩ ñw ma.

Akwodufu 4:31

Amone̩ le̩ la dʼo̩ rʼochochi; oñ e̩gba ku ma gbo̩ ka ku Jihofa lewa fejudo amo̩ma Israe̩l, kʼi la go o̩bata-ma, ma fʼoji-ma dalo̩, oñ ma la dojikane̩ ñw u.

Abo Galatia 1:24

taku ma dojima ñw O̩jo̩ ef umi.

E̩wñ kʼAme̩nukpuche̩ Che 5:5

Oñ abu kʼAnanaius gbʼo̩la-i, i lewane̩, i mʼiñmi da. Ailo lile la lewa bʼabo du ku ma gbo̩ le̩ ma.

Jo̩n 9:17

Todule̩ ma dabi ka ñw afeju le̩ kakini, O̩la e̩ne̩ le̩ fa, ab uwe̩ ka, todabu kʼi mʼuwe̩ eju chi? Oñ i kakini, Akache̩ i che.

Jo̩n 6:14

Todule̩ abu kʼamone̩ fʼujiwe kʼi che li, ma kakini, Owñ-i chʼakache̩ O̩jo̩ ki awʼef ile̩-i le̩ de̩, ochochi.

Jo̩n 4:19

Onobule̩ le̩ ka ñw u kakini, Odu-mi, u cheli kʼuwe̩ chʼakache̩.

Jo̩n 1:25

Taku ma tʼowñ ene, ma la ka ñw u kakini, Mak e̩wñ chi kʼuwe̩ achʼone̩ baptism? kʼuwe̩ ma chʼiKraisti n, abe̩k E̩laija n, abe̩k akache̩ le̩ n taa?

Jo̩n 1:21

Taku ma tʼowñ ene kakini, Tod e̩wñ? Uwe̩ chʼE̩laija? Oñ i kakini, I chʼomi no. Uwe̩ chʼakache̩ le̩? Ila dohi kakini, O̩da.

Luku 24:19

Tak i ka ñw ma kakini, Owñ chʼe̩wñ? Oñ ma ka ñw u ka kʼo̩la e-Jisus abo Nazare̩t e-kʼi chʼakache̩ kʼi nʼukpahiu ef uko̩lo̩ kpʼo̩la eju O̩jo̩ kpai eju amone̩ chaka;

Luku 9:19

Ma dohi kakini, Jo̩n kʼi ache baptism le̩; abomune̩ muda aka kʼE̩laija, abomune̩ la aka kʼakache̩ igbeleʼka mudajikwane̩.

Luku 8:37

Tak ugwe̩ko̩ amone̩ ku ma jʼojane̩ ki le Ge̩rasa daka bi u kʼi kwobʼuma te̩; todabu kʼailo fu ma mu nana; oñ i kwotʼo̩ko̩ le̩ mudabi.

Luku 5:8

Abu ku Saimo̩n Pita fʼu li, i kwofiane̩ okuku e̩re̩ Jisus, i kakini, Ondu, kwo bʼumi te̩, todabu kʼu chʼe̩ne̩ke̩le̩ adure.

Matiu 28:8

Taku ma kwo bʼoji le̩ te̩ piopio, ailo-wñ naba ma, ma la ayo̩ ololo. Oñ ma fule alo ku ma mʼu du ka ñw amako̩che̩-wñ.

E̩wñ kʼAme̩nukpuche̩ Che 7:37

Owñ le̩ che Mose̩s ki ka ñw amo̩me̩ne̩ke̩le̩ Israe̩l kakini, O̩jo̩ adʼakache̩ kʼi dab omi kwef amo̩maye-me̩ dago ñw me̩.

Luku 19:44

taku ma agwʼuwe̩ mane̩, kpai amo̩ma-we̩ efu-we̩; ma la atʼokuta okate no̩ oji omune̩ efu-we̩ n; ukpe̩ kʼe̩ ma ma iko ku ma wa feju dʼuwe̩-i n.

O̩lo̩da Eduwa Onukeji 18:15

Jihofa O̩jo̩-we̩ adʼakache̩ʼka kʼi dab omi kwane̩ ef amo̩maye-we̩ alumeji-we̩ ñw e̩—owñ le̩ me̩ anetiru—

Luku 7:15

Tak e̩ne̩ ki ku le̩ kwane̩ gugu, oñ i chane̩ eko̩la. Tak i mʼu du ñw iye-wñ.