Luku 6:12 - O̩TAKADA O̩LA O̩JO̩ 1970

¹² Oñ ileatu iko le̩ i kwodufu nyʼibe̩uwo kʼi chadua; i la do̩mo̩ achadua ñw O̩jo̩ gbogbo ñw o̩jo̩.

Luku 6:12 ပူးပေါင်းရင်းမြစ်များ

Eli Eko̩ DʼO̩jo̩ 22:2

O O̩jo̩-mi, nadʼudo̩ o̩ro̩ka, e̩ la dohi ñw mi n; kpai iko odu, u la nʼuñmi n.

Aizaya 26:9

Eju-we̩ anʼonugo-mi odu; i-i, u nʼe̩do̩chacha atene we̩. Todu e̩gba kʼoji ajo̩ kʼuwe̩ kpa jʼile̩, abo ku ma dodo ile̩ ako̩che̩ e̩wñ ki chʼo̩kpakpa.

Danie̩l 6:10

Tak e̩gba ki Danie̩l ma ka kʼonu mʼo̩wo̩ dutʼorubutu le̩, i nyʼef unyi-wñ (ope unyi-wñ la chʼe̩bi rʼo̩wo̩ Je̩rusale̩m), tak i kʼokuku-wñ nyʼane̩ onu me̩ta o̩jo̩ du, oñ i chadua, i la fʼo̩ko̩-wñ gbabʼO̩jo̩ alu kʼi te̩tache akwoubi.

Matiu 5:1

Oñ abu kʼi fʼo̩wo̩ amone̩ li, i mute̩gu nyʼibe̩ uwo; abu kʼi kwoguguane̩, amako̩che̩-wñ la wʼugbo-wñ.

Matiu 6:6

Ama e̩gba kʼuwe̩ achadua, e̩ mugudu tef unyi-we̩ ejefu, tak abu kʼe̩ fʼo̩na re, e̩ nachadua ñw Ata-we̩ kʼi dʼef umaja; tak Ata-we̩ kʼi agane̩ ef umaja adʼakoji-wñ ñw e̩.

Mark 1:35

Inajo̩-inajo̩ i kwane̩ ledufu nyʼaje̩tachi, tak i chadua o̩mo̩.

Mark 3:13

Tak i mute̩gu tʼibe̩uwo le̩, oñ i fʼabo ki dʼowñ onugo e̩do̩ do̩ wʼugbo-wñ; ma la nyʼugbo-wñ.

Mark 6:46

Oñ abu kʼowñ kpai ama mudaru, i kwʼo̩mo̩ le tʼibe̩uwo kʼi chadua.

Luku 5:16

Owñ muda hinyubi tef aje̩tachi achadua.

Luku 6:11

Tak ibe takpa rʼuma efu nʼoji uwe̩do̩ ki kʼuma efu; ma la kwolo kpʼomune̩ e̩wñ ku ma ache Jisus.

Luku 6:17

Tak owñ kpʼama mugwo̩ru wa, oñ i kwodago ugbo ki de̩ te̩e̩le̩, tak o̩wo̩ amako̩che̩-wñ lile kpai ugwe̩ko̩ amone̩ wewe ki kwo Judia du kpai Je̩rusale̩m kpʼo̩lʼomi ane̩ Taya kpai Saido̩n ku ma wa ku ma gbʼo̩la-wñ, todu kʼi ño̩ fʼuma o̩ga chekpa.

Luku 9:18

Tak ileatu abu kʼowñ kate do̩mo̩ achadua, amako̩che̩-wñ jʼugbo-wñ; oñ i tʼuma ene kakini, E̩ne̩ oñ amone̩ aka kʼomi che?

Luku 9:28

Oñ i leatu dabe̩ne̩ kʼo̩jo̩ me̩jo̩ kʼi kʼo̩la kide̩ i mu Pita kpai Jo̩n kpai Jeme̩s ko oñ i mute̩gu tʼoj uwo le̩ kʼi chadua.

Luku 9:29

Tak i leatu echadua kʼi achadua alu kʼeju-wñ de̩ murida ojoji, oñ afe̩-wñ chane̩ edefufu kʼi abʼeju je̩.

Jo̩n 6:3

Oñ Jisus mute̩gu nyʼibe̩uwo, i la gugu o̩mo̩ kpai amako̩che̩-wñ.

Abo Ko̩lo̩se 4:2

Me̩ gwo̩nyʼadua-eche waa, me̩ gwe̩ke̩ ef uwñ ef ugwa egwa.

Abo Hibru 5:7

Ef o̩jo̩ o̩re̩la-wñ i nʼukwa akwa taa kpʼaku ero̩ agbo̩ko̩bo̩ kpʼejumomi eche ugbo e̩ne̩ ki neke jadu-wñ kwef uku, oñ abu kʼO̩jo̩ gbo̩ tod ekpe̩do̩ru kʼi kpe̩do̩rʼu,

1 Samiue̩l 15:11

So̩l kʼomi du jʼonu le̩ awo̩ mi; todu i mudabi bʼumi ubi te̩ me̩, i la che e̩wñ kʼomi ñwa ñw u n. Oñ Samiue̩l we̩do̩; tak i kwokwado̩ Jihofa gbogbo ñwʼo̩jo̩.