Luku 5:32 - O̩TAKADA O̩LA O̩JO̩ 1970

³² U wa kʼu do̩ abo̩kpakpa n chai ame̩nadure ku ma lef uribeda.

Luku 5:32 ပူးပေါင်းရင်းမြစ်များ

Luku 19:10

Todu O̩ma One̩ lewa kʼi feju kʼi laño̩ jadu e-ki lenyo̩.

Luku 15:10

Abe̩le̩, naka ñwu me̩, uyo̩ awate̩ eju amonuche̩ O̩jo̩ noj e̩nadureʼka kʼi aribeda.

Luku 15:7

Naka ñwu me̩ kakini, Abe̩le̩ uyo̩ ade̩ efojale noj e̩nadureʼka kʼi ribeda, tʼe-kʼi de̩ noj ame̩no̩kpakpa o̩gbo̩ me̩le̩ nyoke me̩gwe̩la kʼeku ibe-erida ma ku ma n le.

E̩wñ kʼAme̩nukpuche̩ Che 3:19

Todule̩ me̩ naribeda, me̩ ki la rida to̩ kʼama ki fʼadure-me̩ kpalu, todu kʼiko iko o̩la eruko ki kwʼo̩gba Ondu wa:

Luku 24:47

ku ma ki ño̩ fʼakoya ibe erida kpai adure eto̩no̩ ta ef odu-wñ ugbo abo uche̩ichi chaka, kʼama ki chane̩ Je̩rusale̩m.

E̩wñ kʼAme̩nukpuche̩ Che 17:30

Todule̩ abu kʼO̩jo̩ fʼeju kpʼiko ugbodu kide̩ bo, fa-i i aka ñw amone̩ du ugbo du ku ma ribeda:

2 Pita 3:9

I cheka kʼOndu afo̩kpane̩ ugbo o̩la kʼi katane̩ alu kʼefo̩kpane̩ de̩ eju abo iche̩ka n; e̩do̩ i muda aje̩ ugbo me̩, i neku kʼe̩ne̩ du ki lenyo̩ n, chai kʼo̩chaka amone̩ ki tu eribeda.

E̩wñ kʼAme̩nukpuche̩ Che 2:38

Oñ Pita ka ñw ma kakini, Me̩ ribeda, kʼe̩ne̩ne̩ne̩ne̩-me̩ ki nache baptism ef odu Jisusi Kraisti, ku ma tʼadure-me̩ no̩ taku me̩ agbʼAfu Kiafo̩ ele.

E̩wñ kʼAme̩nukpuche̩ Che 20:21

U gbibenu ibe-erida tʼO̩jo̩ kpʼe̩do̩-ekono Ondu-wa Jisus Kraisti ñw amaJu kpai amaGrik nyo̩nyo.

E̩wñ kʼAme̩nukpuche̩ Che 3:26

Abu kʼO̩jo̩ mʼimo̩to̩-wñ le̩ du daji kwane̩ i fʼowñ kpuche̩ rʼume̩ ejodudu kʼi de̩nyo̩ ñwu me̩ ef erida kʼi arʼe̩ne̩ne̩ne̩ne̩-me̩ da bʼe̩wñ bibi-me̩ te̩.

Matiu 18:10

Nago, me̩ ki dʼe̩ne̩ʼka ef abo egini-i ro̩che̩ke̩ne̩ n; todu naka ñwu me̩ kakini, amonuche̩ e-ma jʼago eju Ata-mi e-efojale pioo. [

E̩wñ kʼAme̩nukpuche̩ Che 5:31

O̩jo̩ nʼo̩wo̩-wñ awo̩to̩ mʼowñ le̩ dudago kʼi mud Uchane̩ kpʼE̩najadu, kʼi dʼibe enda kpʼadure eto̩no̩ ñw abo Israe̩l.

Mark 15:10

Todu i chema ka kʼi chʼutodabu ku ma lie̩na-wñ oñ amagboji amatama mʼowñ du ñw u i.

Aizaya 57:15

Todu abu kʼE̩ne̩ ki ne̩ atate̩ kʼi dodo ogbegbele̩, kʼodu-wñ ko̩ Efo̩ aka de̩ kakini: Omi gugu uña kiafo̩ ki dʼatate̩, kpai ugbo e̩ne̩ kʼe̩do̩-wñ kpabie̩ ki hi o̩la-wñ wane̩ ge̩, kʼu je̩ ñw afu e̩ne̩ ki hi o̩la-wñ wane̩ ki ruko, kʼu laño̩ je̩ ñw e̩do̩ ame̩ne̩do̩-kpabie̩ le̩ ki ruko.

Mark 15:7

Oñ e̩ne̩ʼka do̩mo̩ kʼodu-wñ ko̩ Barabas, ma fʼu ji te̩ manyʼabo ku ma dʼane̩ utu le̩, ma chʼabo ku ma kpone̩ ef ane̩ ku ma dutu le̩.

Matiu 9:13

Me̩ muda lo ku me̩ ko̩che̩ e̩wñ kʼi chʼofe, Ejumomi dʼumi e̩do̩, e̩wñ iche̩bo̩ la dʼumi e̩do̩ n; todu u wa kʼu do̩ abo̩kpakpa n, chai ame̩nadure.

Mark 2:17

E̩gba ku Jisus gbo̩ i ka ñwu ma kakini, Eku obochi ku abo kʼo̩la-ma gbiti n, chai abo ki acho̩ga. Omi wa kʼu do̩ abo̩kpakpa n, chai ame̩nadure.

Luku 5:31

Oñ Jisus dohi ñwu ma kakini, Eku obochi aku abo ku ma nʼo̩lafia n, chai abo kʼo̩la-ma ma nyo̩ n.

Luku 5:33

Taku ma ka ñw u kakini Amako̩che̩ Jo̩n ajialu o̩gbe̩nugbe̩, ma la nʼo̩ko̩ agba bʼO̩jo̩: abe̩le̩ abo e-amaFarisi jʼache ge̩; abo e-we̩ muda aje̩ ma la añmo̩.