Luku 24:46 - O̩TAKADA O̩LA O̩JO̩ 1970

⁴⁶ Tak i ka ñwu ma kakini, Abe̩le̩ i che̩ko̩tane̩ ka ku Kraist ali uwa kʼi lañʼakwane̩ kwef abo ki ku o̩jo̩ e̩ke̩ta;

Luku 24:46 ပူးပေါင်းရင်းမြစ်များ

Aizaya 50:6

U mʼubi-mi dute̩ ñw abo ku ma gwʼo, u laño̩ dʼiti-mi te̩ ñw abo ku ma chi edudu-wñ; u dʼeju-mi maja bʼanyo̩ kpʼito̩ ku ma to̩rʼu te̩ n.

Luku 24:44

Tak i ka ñwu ma kakini, E-i chʼo̩la-mi kʼu ka ñwu me̩ e̩gba kʼu dʼugbo me̩ ta, ka kʼi chʼotila kʼe̩wñ du ki che̩ko̩tane̩ ef o̩loda Mose̩s kpʼamakache̩ kpʼEli ku Defid ko̩ do̩ O̩jo̩ ugbo o̩la-mi, ki che̩ kpa.

Luku 24:7

i ka ku ma adʼO̩ma One̩ tef o̩wo̩ ame̩nadure tila, ku ma fu kamoli, tak o̩jo̩ e̩ke̩ta-wñ i adabi kwane̩.

E̩wñ kʼAme̩nukpuche̩ Che 17:3

i mubi rʼuma eju, i ño̩ muko jo̩ ñw ma ejugede kaku Kraisti ki li uwa kʼi laño̩ akwane̩ kwef abo ki ku chʼe̩wñ tila, oñ i kakini, Kraisti le̩ de̩-i, owñ che Jisus e-kʼomi adʼuche̩-wñ kpogo ñw me̩-i.

1 Pita 1:3

O̩jo̩ kʼi laño̩ chʼAta Ondu-wa Jisusi Kraisti ki nele. I fʼuwa bi etito̩ teju ejumomi-wñ o̩gbaje̩je̩ ñw ukibeno ki deju, lef edajikwane̩ ki Jisusi Kraisti dajikwane̩ kwef abo ki ku.

E̩wñ kʼAme̩nukpuche̩ Che 4:12

I la nʼe̩nomune̩ kʼujadu dʼef uwñ n; todu i nʼodu omune̩ ojoji du o̩gane̩ ojale-i ku ma dʼu te̩ ef amone̩ ki dʼugbo ku ma ajadu wa ef uwñ n.

Matiu 26:24

O̩ma One̩ alo chuu, alu ku ma ko̩ o̩la-wñ tane̩. Ama atogwo ñw e̩ne̩ ku ma adʼO̩ma One̩ ñw amone̩ mu lef uwñ le̩! Ma ma bi e̩ne̩ le̩ n, i ma chʼo̩me̩me̩le̩ ñw u.

Jo̩n 20:9

Todu e̩gbale̩ ma mʼoji O̩takada O̩la O̩jo̩ kʼi kakini, I dukpe̩ kʼowñ ki kwane̩ kwef abo ki ku, ta n.