Luku 23:5 - O̩TAKADA O̩LA O̩JO̩ 1970

⁵ Ma muda je̩ ñw o̩la le̩ kʼi kpanyane̩ tule; ma kakini, I ako̩nyu amone̩ efu, i ako̩ amone̩ e̩wñ o̩gbo̩ ane̩ Judia chaka, i la chane̩ akwo Galili gbogbo wʼemi kide̩.

Luku 23:5 ပူးပေါင်းရင်းမြစ်များ

Jo̩n 2:11

Uchane̩ ujiwe-wñ-i Jisus che Kena e-Galili. Oñ i dʼojima-wñ tejugede. Amako̩che̩-wñ la ke̩do̩nʼowñ.

Jo̩n 1:43

O̩jo̩ñwa-wñ i dʼowñ e̩do̩ kʼi dufu nyi Galili. Tak i fu Filip li, oñ Jisus ka ñwu kakini, Tʼumi ubi.

Mark 1:14

Abu ku ma mu Jo̩n du ñwu ma mu, Jisus wʼane̩ Galili atakoya Uche̩nyo̩ O̩jo̩, kakini,

Matiu 4:23

Taku Jisus fʼo̩gbo̩ ane̩ Galili du le ako̩ ma e̩wñ ef unyi ujeju-ma. I la nʼakoya Uche̩nyo̩ Ojane̩ ata, kpʼo̩ga du kpʼe̩gbo du ef amone̩ le̩ ache kpa.

E̩wñ kʼAme̩nukpuche̩ Che 23:10

Oñ abu kʼi mud aro̩ lile jo̩ onu ogu kwodejiji tode̩gba ku ma fu Po̩l fana rinyo̩, i je̩ ñw amisoja mugwo̩ru nyʼo̩mo̩ ku ma mu Po̩l dinya kwʼalumeji ku ma mʼu du wʼef aku.

E̩wñ kʼAme̩nukpuche̩ Che 10:37

ame̩ chema, uko̩la kʼi chane̩ akwo Galili aro̩ne baptism e-ku Jo̩n fʼakoya-wñ ta wajo̩ ugbo du ane̩ Juda;

E̩wñ kʼAme̩nukpuche̩ Che 7:57

Taku ma dʼomu lile kwukwa, ma fʼo̩wo̩ jʼeti-ma, oñ ma nʼibeʼkate agwo̩ko̩ bʼo ma.

E̩wñ kʼAme̩nukpuche̩ Che 7:54

Abu ku ma la gbʼe-kide̩ i gwunyʼuma e̩do̩, taku ma chane̩ elenyi bʼo ma.

E̩wñ kʼAme̩nukpuche̩ Che 5:33

Oñ abu ku ma gbo̩ i wo̩ ma, taku ma neku eko ma kpa.

Jo̩n 19:15

Todule̩ abo le̩ kpogu kakini, Mʼu du alo, mʼu du alo, fʼowñ kamoli! Pailati ka ñwu ma kakini, U mʼOnu-me̩-i du kamoli? Amagboji amatama dohi kakini, A nʼonu du n, chai Sisa.

Jo̩n 7:52

Ma dohi ka ñw u kakini, E̩ne̩ Galili uwe̩ ño̩ che ge̩? Tejane̩ kʼe̩ li kakini, I nʼakache̩ du kʼi akwane̩ Galili n. [

Jo̩n 7:41

Abo-mune̩ kakini, Owñ le̩ che Kraisti le̩ de̩. Ama abo iche̩ka kakini, Maku Galili oñ Kraist akwo wa?

Luku 23:23

Ama ma nʼomu nana kute̩ ebi-ebi ku ma fʼowñ kamoli. Oñ omu-ma fʼuma du.

Luku 11:53

Tak abu kʼi kwʼo̩mo̩ alo amako̩takada kpai amaFarisi chane̩ ekegidi bʼo̩ nana; oñ ma tʼo̩wo̩ nyʼu efu una una kʼi ko̩la e̩wñ wewe;

Matiu 27:24

Oñ abu ki Pailati li ka ki nʼile ñw u n, chai echi oñ ekuku achi, i mʼomiofo du oñ i fʼo̩wo̩-wñ gwe̩ eju o̩wo̩ amone̩ le̩, i kakini, O̩wo̩-mi dʼef e̩bie̩ e̩no̩kpakpa-i n. Ame̩ go.

Eli Eko̩ DʼO̩jo̩ 69:4

Abo ku ma chʼulaka-mi echichi ofofo awewe tʼiloji oji-mi le; abo ku ma neku ekʼumi da rinyo̩ agbiti, ame̩nebi-mi e-olemi ma che. E̩wñ ki ma chʼomi gba afuma n oñ i dukpe̩ kʼomi adʼu dabi wa?

Eli Eko̩ DʼO̩jo̩ 57:4

Onugo-mi dʼef amidu u dachi ef abo kʼafu ki akwʼef iñmo̩-ma dufu chʼo̩go̩ una; owñ chʼamo̩ma amone̩ kʼenyi-ma chʼo̩kwo̩ kpai o̩fa, kʼukpalu-ma la chʼo̩kwo̩chageli kʼi ale̩.

Eli Eko̩ DʼO̩jo̩ 22:16

Todu amabia donyʼumi daka-i, ujeju amache̩wñ bie̩ne̩ lumi daka; ma dʼe̩wñ gwunyʼumi o̩wo̩ kpai e̩re̩—

Matiu 2:1

Oñ abu ku ma fi Jisus bi Be̩tle̩he̩m e-Judia o̩kpanachi onu He̩ro̩d, me̩ go, amakuli kwʼolodudu lewa Je̩rusale̩m, ma kakini,

Matiu 11:1

Oñ i lewatʼe̩gba ki Jisus fuñwa ñw amako̩che̩-wñ me̩gweji kpa, i kwʼo̩mo̩ le nyʼakʼamone̩ e̩wñ kpʼakoya eta ewo ewo-ma.

Luku 23:6

Ama abu ku Pailat gbʼo̩, i tene kakini, E̩ne̩ Galili i che?