Luku 22:52 - O̩TAKADA O̩LA O̩JO̩ 1970

⁵² Oñ Jisus ka ñw amagboji amatama kpai amagboji amadide unyi O̩jo̩ kpai abogijo ku ma wa ako bʼo̩ le̩ kakini, Me̩ dufu wa kpai ugbada kpai ugbolo dabe̩ne̩ ku me̩ gbe̩re̩ adinya?

Luku 22:52 ပူးပေါင်းရင်းမြစ်များ

Luku 22:4

Tak i kwʼo̩mo̩ le nako̩la kpai amagboji amatama kpai amagboji amadide Unyi O̩jo̩, alu kʼi ale kʼi adʼowñ ñwu ma mu.

E̩wñ kʼAme̩nukpuche̩ Che 5:26

E̩gbale̩ agboji amadide le̩ manyʼabimo̩to̩ le̩ namʼuma ko wa, ma muda che ma kpukpulu n, todu ma railo amone̩ tode̩gba ku ma arʼokuta do ma.

Jo̩n 17:12

E̩gba kʼu dʼugbo ma omi dejute̩ ma ef odu-we̩, owñ chʼabo kʼe̩ ko ñwu mi, u la fʼuma de, oñ e̩ne̩ du lenyo̩ kwefu ma n, chai o̩ma ulenyo̩ le̩—todu kʼo̩la ki dʼef O̩takada O̩la O̩jo̩ ki che̩ kpa.

Matiu 26:55

Adiko le̩ Jisus ka ñw o̩wo̩ amone̩ le̩ kakini, Dabe̩ne̩ ku me̩ ko bʼadinya oñ me̩ nʼugbada kpai ugbolo wa ku me̩ mu mi? U te̩te̩ gugu ef unyi O̩jo̩ o̩jo̩ñwa o̩jo̩ñwa akʼone̩ e̩wñ, me̩ la gwo̩nyu mi n.

2 Amonu 11:15

Taku Jiho̩yada, atama, ñwa ñw amagboji one̩ ogume̩lu ogume̩lu ku ma nʼo̩da abogu, oñ i ka ñwu ma kakini, Mʼu du dufu lʼagbagba abo ku ma tala jo-i; oñ e̩ne̩ kʼi tʼo̩ ubi, me̩ nʼo̩kwo̩chageli kpa. Todu atama le̩ kakini, Me̩ ki dʼu kpa ef unyi Jihofa n.

Matiu 26:47

Oñ abu kʼi nʼo̩la le̩ aka ta, go, Judas, kʼi chʼe̩ne̩ʼka ef amame̩gweji le̩, lewa; o̩wo̩ amone̩ ku ma nʼugbada kpai ugbolo la darʼo̩ ubi; ugbo amagboji amatama kpai abogijo amone̩ le̩ ma kwo wa.

Luku 22:37

Todu naka ñwu me̩ kakini, E-ki che̩ko̩tane̩ le̩ achekpoji efu mi tila, kakini, Ma la fʼowñ choli tef ame̩nugbite̩re̩: todu e̩wñ e-o̩la-mi chenʼukpoji.

Luku 22:51

Ama Jisus dohi oñ i kakini, Me̩ naje̩ gbogbo ta. Tak i dʼo̩wo̩ kad eti-wñ, i fʼu che tʼe̩gu-wñ.

Luku 22:53

Omi dʼugbo me̩ o̩jo̩ñwa o̩jo̩ñwa ef unyi O̩jo̩, me̩ la nʼo̩wo̩-me̩ dala bʼumi ma n: e-i muda chʼauwa e-me̩ kpai e-o̩da e̩chubi.