Luku 22:37 - O̩TAKADA O̩LA O̩JO̩ 1970

³⁷ Todu naka ñwu me̩ kakini, E-ki che̩ko̩tane̩ le̩ achekpoji efu mi tila, kakini, Ma la fʼowñ choli tef ame̩nugbite̩re̩: todu e̩wñ e-o̩la-mi chenʼukpoji.

Luku 22:37 ပူးပေါင်းရင်းမြစ်များ

Aizaya 53:12

Todule̩ nadʼukpe̩-wñ te̩ ef ame̩ne̩-lile, i la akpe̩ e̩wñ kʼogu le̩ je̩ kpai amagbiti; todabu kʼi mʼonugo-wñ du dafo gbogbo wʼuku, ma la fʼowñ kaluka tef abo ku ma jʼada; i muda ne̩ adure amone̩ wewe, i la fʼologu che tod abo ku ma jʼada.

2 Abo Ko̩rint 5:21

I mʼe̩ne̩ ki ma ma adure n le̩ du che adure todu wa; todu kʼawa ki mud o̩kpakpa e-O̩jo̩ ef uwñ.

Luku 23:32

Ma laño̩ kʼabomune̩ ojoji meji ku ma che ame̩nuko̩lo̩ bibi lebʼo̩ ku ma mʼuma ko kpa.

Abo Galatia 3:13

Kraist mʼuwa gbatane̩ kwef ama e-o̩lo̩da, abu kʼi mud ama todu wa: todu, i che̩ko̩tane̩ kakini, Ama fʼe̩ne̩ du ki lo̩ko̩li oj oli mu:

Jo̩n 17:4

Omi mʼojima du ñw e̩ ane̩-ile̩ me̩; abu kʼu fʼuko̩lo̩ kʼe̩ du ñwu mi kʼu che le̩ che kpa;

Jo̩n 10:35

Iche̩wñ kʼi ka kʼabo kʼo̩lO̩jo̩ wate̩ ñwu ma le̩ chʼamo̩jo̩ ma la neke tu o̩la ki dʼef O̩takada O̩la O̩jo̩ n,

Luku 18:31

Tak i mʼamame̩gweji le̩ ko oñ i ka ñwu ma kakini, Me̩ go, a ate̩gu nyi Je̩rusale̩m, tak o̩la O̩ma One̩ du ki che̩ko̩tane̩ lef amakache̩ achekpoji.

Luku 22:22

Todu O̩ma One̩ alo alu ku ma date̩ chuu; ama atogwo ki chʼe-e̩ne̩ ku ma dʼowñ ñwu ma mu lugbo-wñ!

Mark 15:27

Ma la kʼamadinya meji kamoli manyʼowñ, oka dʼo̩wo̩ awoto-wñ, oka la dʼo̩wo̩ awohi-wñ. [

Luku 22:36

Oñ i ka ñwu ma kakini, Ama fa-i, e̩ne̩ ki nʼalita namʼu du kpai ugbo̩ o̩ko̩ abe̩le̩ ge̩; oñ e̩ne̩ ki ma ne̩ n kʼi namʼotogbo-wñ du ta kʼi fʼugbada la.

Luku 22:52

Oñ Jisus ka ñw amagboji amatama kpai amagboji amadide unyi O̩jo̩ kpai abogijo ku ma wa ako bʼo̩ le̩ kakini, Me̩ dufu wa kpai ugbada kpai ugbolo dabe̩ne̩ ku me̩ gbe̩re̩ adinya?

Luku 24:27

Tak i chane̩ akwo Mose̩s kpʼamakache̩ chaka, oñ i fʼomudechi o̩la e̩wñ-wñ du kʼi dʼef O̩takada O̩la O̩jo̩ je̩ ñwu ma.

Mark 15:28

Abe̩le̩ o̩la ki dʼef o̩takada O̩jo̩ kʼi kakini, Ma fʼu choli tʼef ame̩nugbite̩re̩ che̩.]